Alonso Martínez “Fallusca”, Manuel (Redondela, 27-02-1927) Ebanista

     

Manuel Alonso, foto publicada en: Antonio Ocampo Bodas de Oro

        Aos 14 anos entra como aprendiz no taller Hermanos Fernández, onde aprende a traballar a madeira. (Ver https://anecdotarioredondela.blogspot.com/2020/03/fernandez-crespo-jose-sese-e-benito.html ). Durante o servizo militar recibe as súas primeiras leccións de pintura. Xa no 1949, concédenlle unha beca para estudar escultura e talla en Vitoria, onde tamén recibiu clases de debuxo na Escola de Artes e Oficios. No 51 ingresou no taller de Andrés Novo, realizando esculturas e baixorrelevos, tanto en barro como en madeira.

Máis tarde, traballaría durante cinco anos para José Otero González (Mañas) realizando obras en madeira, pedra e pintura para o convento de Vilavella. Logo, emigraría a Alemaña, volvendo en 1966 para facer exposicións, colaborar en libros...

Tamén destacar o labor que, xunto aos seus irmáns Genaro e Carlos (Fotsca), realizou durante anos na elaboración das alfombras das Festas da Coca.

Autor: Juan Migueles

BIBLIOGRAFÍA

Doctor en Medicina y Cirugía. Bodas de Oro(1939-1989). Antonio Ocampo Otero.

Aportes orais.