 |
| Arroaz na ría 2017. Facebook Esther Bastos |
No
blog do Arquivo Municipal de Redondela, Ana Gesteira nos da conta do
seguinte achado no Libro de Actas de Pleno do ano 1882: "Presentada
una cuenta importante setenta y cuatro pesetas cincuenta céntimos
referente a los gastos ocasionados con motivo del ballenato que
apareció en la Playa del Pazo en el mes de Julio último, después
de examinada la Corporación se aprobó y acordó su pago con cargo
al capítulo de Imprevistos del corriente ejercicio". Nun
xornal dese ano cóntase: “El
ballenato que se hallaba en la playa de Cesantes ha sido llevado a
remolque hasta Redondela, por haberlo comprado un vecino de esa
villa”.
Buscando,
buscando... non atopo máis datos de cetáceos na nosa costa ata a
época máis recente:
En
xullo de 1983 un barco de pesca atopou un delfín morto na Ría, e o
arrastrou ata o peirao de Cesantes.
O 5 de febreiro de 1999 apareceu a poucos metros do peirao de
Cesantes, un exemplar de quenlla,
concretamente un alopias
supercilious.
Medía 351 cm., dos que 167 correspondían á cola.
Unha
investigación sobre os delfíns publicada en 2008 pola Coordinadora
para o Estudio dos Mamíferos Mariños (Cemma), indica que unha
manada de entre 15 e 40 exemplares, dependendo da época de cría,
soe frecuentar a costa de Moaña e Cabo Home, abundando tamén grupos
na ría de Aldán. Crese que isto se debe ás peores condicións da
auga e ao maior tráfico marítimo, nas costas de Vigo e Redondela.
Tamén se comenta que son menos as entradas de arroaces na ría pola
diminución de sardiñas e crustáceos.
En
decembro de 2011 localizouse un delfín morto na praia de Cesantes,
dándose a casualidade de que ese mesmo día tamén se atopou o
cadáver dunha balea preto de Vigo.
En
maio de 2016 aparece unha balea morta na Portela. Tratábase dunha
cría
de rorcual común (Balaenoptera physalus), un
macho de 5,70 metros e uns mil quilos
con poucas semanas de vida. Os exemplares adultos de esta especie
poden chegar a medir ata 27 metros. Apesares de atoparnos na ruta
migratoria desta especie é moi estraño
que se adentren na Ría de Vigo, polo que se cría
que debeu desorientarse.
 |
| Balea na Portela, maio 2016. Foto Radio Redondela |
En
setembro dese mesmo ano, recibimos a visita dunha parella de baleas
alibrancas que se pasearon entre o porto de Vigo e Rande. O maior dos
exemplares medía uns 10 metros e 5 o máis pequeno.
 |
| Baleas alibrancas Faro de Vigo, 2016 |
Actualmente
é habitual a visita de arroaces que entran na Enseada de San Simón
perseguindo aos peixes.
Autor:
Juan Migueles
BIBLIOGRAFÍA
Arquivo
Municipal de Redondela
La
Voz de Galicia
https://tiburonesengalicia.blogspot.com.es
Masmar.Tu
portal naútico en internet. http://www.masmar.com/
Faro
de Vigo
En
Galiciana-Biblioteca Digital de Galicia. Xunta de Galicia:
http://www.galiciana.bibliotecadegalicia.xunta.es
=>Gaceta de Galicia
No hay comentarios:
Publicar un comentario