Telescopios fabricados en Regojo.

Nos talleres da fábrica de camisas Regojo o profesor da facultade de dereito José Lois Estévez construíu dous telescopios. Axudáronlle na súa labor o xefe da sección de talleres, José Abal Darriba, o encargado xeneral da empresa e mecánico Juan Ipiña (coñecido por poñerlle motor á Coca) e como operarios Vidal Moreira, Andrés Fervenza, Molinos y Alonso Montes.

            O primeiro dos aparatos telescópicos, feito en 1959, tiña un reflector de 22 cm. de diámetro e foi o máis grande de España na súa época. A súa construción foi realizada na factoría téxtil Regojo pero algunhas pezas fabricáronse nos talleres Sanjurjo en Vigo.

            Entre 1962 e 1963 construíuse o segundo, Era aínda máis grande, cun reflector de 50 cm. Alcanzaba os sete metros de altura, polo que, para a súa montaxe e construción, houbo que furar o teito da nave. Logo, sería trasladado á universidade de Santiago.

Autor: Juan Migueles

BIBLIOGRAFÍA:

Recuerdos de mi vida 1990. José Regojo Rodríguez

El observatorio astronómico de la Universidad de Santiago de Compostela. Iván Fernández Pérez