 |
| 1947 Partido Hogar del Productor-De7a9 (Barcelona). Manuel Míguez e Segundo Puga Foto publicada en El Rincón de Mari Paz. El tenis de mesa vigués |
En Vigo hai constancia da práctica do tenis de
mesa cando menos dende 1918. Os pioneiros
deste deporte en Redondela foron Jacinto
e Manuel Míguez Figueroa,
que en 1943 participaron no Campionato provincial do Frente
de Juventudes. Estes irmáns
proclamaríanse campións rexionais do Frente
de Juventudes, Educación y Descanso e
da
Zona Galicia-Astur. A
Federación Galega creárase ese mesmo ano por iniciativa de Fernando
de Haz,
vigués vinculado con Redondela ao que xa vimos no apartado adicado
ao tenis. (Ver
https://anecdotarioredondela.blogspot.com/2023/06/fernando-de-haz-de-la-gandara-1912-1985.html
)
En xaneiro de 1944,
nese mesmo campionato, resultaría vencedor Manuel
Míguez Figueroa,
Bernardo Docampo remataría 8º e por
equipos Redondela acadaría a 2ª praza. En marzo dese ano Segundo
Puga vence no primeiro
campionato local oficial
celebrado en Vigo, no que competían vinte
participantes, despois de desempatar con Carlos Bárcena e Fernando
de Haz.
Ese mesmo ano
fúndase o C. D. Redondela.
Os seus tenistas conquistaron
o Campionato Galego e o Campionato Noroeste de España en 1945,
Sub-campións de España de Educación e Descanso en 1946 e o
Campionato de Galicia. Contaba nas súas filas co mencionado Segundo
Puga “Chicuelo”,
quen xa destacara practicando
fútbol,
wáter-polo e
tenis.
A Federación Galega organiza
en 1946, o
primeiro
Campionato Galego,
con participación
de
xogadores de Vigo e Redondela, resultando vencedor Segundo
Puga
en
individual
e dobres formando parella
con
Arturo
González. Ese
mesmo
ano
a selección galega compite por primeira vez no
Campionato
de España,
estando formada
polos
redondeláns
Segundo Puga, Manuel Míguez
e o vigués Arturo González, defendendo as cores do Hogar
del Productor.
E 1947
cando este equipo non puido competir no campionato nacional, Segundo
Puga e Manolo Míguez participaron co club Remeros
del Berbés,
de Vigo, acadando o
Sub-campionato de España de Educación e Descanso.
En escrito do 26-6-47, o presidente da Federación Galega Quintín Alonso propón a Segundo Puga para
relevalo.
No Campionato Galego deste ano Segundo Puga vence en dobres formando
parella con Arturo González. En agosto daquel ano, estes dous
xogadores enfrontaríanse no cine Redondela ao campión nacional nun
campionato de exhibición, sendo derrotados os nosos xogadores. En
setembro de 1947 o C. D, Redondela derrota ao R. C. N. de Vigo,
formando S. Puga, Míguez e Docampo.
En
outubro Segundo Puga atópase adestrando a varios mozos para o
campionato a celebrarse no Hogar
del Productor, de
Vigo, no que tamén forma parte da organización. Este mesmo
deportista vencería ao mes seguinte no Campionato
de Vigo.
 |
| Arturo González, Víctor García, Segundo Puga e Alberto García, Cto. de España 1948. Foto publicada en El Rincón de Mari Paz. El tenis de mesa vigués |
En
1948 Segundo Puga proclamouse Campión
Galego Individual e Dobres (con Arturo), sendo daquela o xogador máis
veterano de España. Tamén se proclamaría sub-campión mixto con
María Blanco Chamochín e vencería por equipos formando no
Educación e Descanso, xunto
a V. García e A. García. Neste campionato tamén participaría o
redondelán Gonzalo Figueiral. Ese mesmo ano Puga acada o segundo
posto nos nacionais defendendo
as cores do Hogar
del Productor
con Alfredo García,
Víctor
García
e
Arturo González.
En 1949 sería Campión
Galego Dobres con Victor García, e Sub-campión Galego Individual,
perdendo precisamente con García. Este ano non participaría no
campionato nacional por emigrar a Arxentina.
Apesares da baixa
de Puga, en 1950, participan no Campionato de España os redondeláns
Gonzalo
Figueiral Caride
e
M.
Portela
polo
C.
Choco,
acadando o terceiro posto por rexións. Outro
xogador desta época sería Orge.
Tamén Gonzalo Figueiral Rivero
acadaría en 1951 o campionato provincial e os campionatos escolares
do Frente de Juventudes representando ao Instituto de Pontevedra.
Nese mesmo ano o seu pai aparece como vocal da Federación Galega.
A principios dos anos 50 o equipo de Acción
Católica de Redondela disputaba o
Campeonato Diocesano de Aspirantes.
En xaneiro de 1959,
no Trofeo Primar celebrado
no R. C. Naútico de Vigo, o equipo de Redondela perdeu en semifinais
co equipo anfitrión. Na fase previa do Campionato Galego de
primeira categoría dese mesmo ano participaron: 12 vigueses, 2 de
Redondela e Tui, e 13 de A Coruña.
En 1968 a S.
A. R. crea
dous equipos de tenis de mesa, un que disputa a Segunda División
Provincial e outro xuvenil. Entre os seus xogadores podemos citar a
De Haz, Soto, Puente, Alfonso Figueiral ou Contreras. No seu primeiro
ano de vida celebra o I
Torneo de Tenis de Mesa de Redondela,
durante a II
Semana da SAR.
En
1970 celebrouse en Redondela o I
Trofeo
SAR,
onde
venceu Juan Manuel Alfaya, xogador de balonmán da SAR, despois de
vencer por esta orde a Alfonso Pereira, Manuel Ferreira (da S.A.R.),
Jose Luis Contreras e Antonio Soto. Nas
seguintes edicións estenderíase ás demais categorías: alevín,
infantil e xuvenil; xogándose no grupo escolar.
 |
| Campionato de Tenis de Mesa organizado pola SAR. Arquivo Albi. |
Nun
campionato celebrado no Círculo Cultural e Recreativo de Chapela en
1968 venceu Francisco Fernández, seguido por Jose Antonio Agulla,
Jose Antonio Arizaga e Ricardo Díaz. Actividades como esta levaron á
fundación do S. D. Chapela,
que tivo o seu primeiro gran éxito nos campionatos provinciais de
1970: Gonzalo Mencía Castro e José Carlos Cabaleiro Castro, medalla
de ouro xuvenil; Ricardo Díaz Martínez e Fernando González Varela,
medalla de prata xuvenil; Jorge Cabaleiro Millares e Ángel Castro
Cabaleiro, medalla prata infantil.
A finais dese ano
os dous equipos atopábanse disputando a liga provincial de segunda categoría.
No
2004 José Virulegio funda o equipo do Centro
Recreativo e Cultural de Redondela, coa
ilusión de seguir a manter viva a afección redondelana por este
deporte disputando a 3ª división galega.
Autor: Juan Migueles
BIBLIOGRAFÍA
SEREN
Nº0-A
Sociedade Atlética Redondela (S.A.R). Miguel López Docampo.
Antonio Ocampo
Otero. Doctor en Medicina y Cirugía. Bodas de Oro(1939-1989)
Caderniños do
Instituto de Chapela. Coordenador: X.M.González Fdez.
- Nº1. As festas do Corpus en Redondela (1875-1975).
- Nº3. O deporte no sur da provincia de Pontevedra.
El Mundo Deportivo
(dende 1906)
La Vanguardia
(dende 1881)
La Vozde Galicia
Faro de Vigo
Atlántico Diario
En
Galiciana-Biblioteca Digital de Galicia. Xunta de Galicia:
http://www.galiciana.bibliotecadegalicia.xunta.es
=> El Pueblo Gallego, Hoja Oficial del Lunes, La
Noche, El Correo de Galicia
No hay comentarios:
Publicar un comentario