O Carballo das Cen Pólas

Carballo das Cen Pólas. Foto: J. Migueles, 2009.

      

O Carballo das Cen Polas é unha arbore centenaria que se atopa na parroquia de Reboreda. Mantense en pé apesares de que hai moitos anos que perdeu as súas follas.

Ás súas polas acolleron aos romeiros das Festas de Santa María dende tempos pretéritos. Era visita obrigada dos forasteiros, recibindo a personalidades como o ex-presidente da República, Emilio Castelar, en 1883, acompañado do máis destacado persoeiro desta parroquia, Juan Manuel Pereira (Ver https://anecdotarioredondela.blogspot.com/2020/04/pereira-de-castro-juan-manuel-reboreda.html ). Tamén foi escenario de grandes papatorias, como a que serviu o Hotel España en 1921 para unha nutrida representación de secretarios de concello de toda a rexión, que celebraban a mellora das súas condicións laborais. Por non falar dos posteriores excesos da Peña de Xan Carallás e a Peña o Carballo das Cen Polas (Ver https://anecdotarioredondela.blogspot.com/2020/04/as-penas.html ).

Os terreos foron adquiridos pola Consellería de Cultura da Xunta de Galicia en 1997, sendo presentado o proxecto dun auditorio ao aire libre que contemplaba a conservación do carballo. Mais o cambio producido nas seguintes eleccións municipais provocou que nunca se iniciaran as obras. Apesares disto nos seguintes anos chega a celebrarse algunha actuación musical no lugar. Despois de varios anos de abandono en 2020 volveron a organizarse algúns concertos nesta carballeira.

Localización do prado onde se atopa o carballo: 42.281845, -8.590223

 

Autor: Juan Migueles

BIBLIOGRAFÍA

O que lembro do vivido. Andrés Couñago Laxe.

A nosa memoria. Vintecinco anos despois. 1975-2000. Sociedade Labrego Cultural de Reboreda.

En Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es=> La Integridad, Vida Gallega

Faro de Vigo