A primeira peña de Redondela da que teño constancia formouse en
xullo de 1930 co fin de coñecer os máis bonitos recunchos de
Galicia. O 27 celebraron a súa primeira excursión que os levou por
Camposancos entre outras vilas, rematando en Tui onde visitaron ao
seu amigo Luis Durán. Quedaron tan compracidos que ao domingo
seguinte subiron ao monte Aloia.
Despois
da Guerra Civil, os 50 e 60 foron anos nos que se formaron numerosas
peñas. Ademáis da Peña e a Orde de
Xan Carallás (Ver
o apartado adicado a Xan Carallás), a
continuación enumero algunhas daqueles tempos:
Peña Alirón.
Presidida en 1967 por Ángel Tellería Ayuso.
Peña Amaro. De
Cesantes. Soía acompañar a o C. D. Choco nos seus desprazamentos.
Peña O Bicho.
Peña formada por Julio o Panadeiro, Salabardo, Colibrí,
Pinilla, Manolo o Carteiro... Tiñan a súa sede no bar de
Moncho, no que tiñan unha figura do “Bicho”, que era un dragón
semellante á Coca. Organizaban anualmente unha excursión. Como
exemplo en 1964 realizaron unha viaxe polo norte de Portugal.
Peña o
Carballo das Cen Pólas. Nos
anos 60 organizaban xantares e excursións.
 |
| Peña Carballo das Cen Pólas. Foto cedida por Andrés C. Laxe |
Peña
Chocolivo. Constituída por vigueses residentes en Redondela.
Entre as súas actividades estaba a de celebrar en Redondela o día
da Reconquista de Vigo. En 1958 estaba presidida por Manuel González
Muradás.
Peña A Coca. Fundada en maio
de 1963 con Emilio Argibay Casal como presidente e Juan Carlos López
Dominguez como pro-home.
 |
| Peña Chocolivo Foto cedida por Richard |
Peña de los
Diez. Formada nos anos 50. Unha vez ao ano facían unha
excursión, que en 1960 os levou ata A Guarda, entre outras
poboacións.
Peña Los
Dragones. Fundada en Cedeira en 1956. O seu bo humor queda
demostrado cando algúns dos compoñentes trocaban o nome por “Los
Tragones”.
Peña Los Estroncios
Peña de hermandad Bueu-Redondela.
Constituída
en 1963 durante un xantar de confraternización con representacións
das dúas vilas. Presidía a sección de Redondela Sebastián Muíños
Blanco, xefe da estación de ferrocarril de Redondela. Outros
redondeláns serían: Manuel Veiga, José Fontán, José Pache, José
Rivada, Agustín Genaro Valategui, José Rodríguez e Jose Mª
Fernández Baldor. Un dos seus primeiros acordos foi celebrar en
Redondela o "Día de Bueu" e en Bueu o "Día de
Redondela" nas festas patronais de cada vila.
Peña Jenaro. Fundada
por José Figueroa Barros en 1959. Tiña a súa sede no Bar Porrón.
Peña Martes y Trece. Celebraba
actos de confraternidade coa Peña A Videira, de Coruxo, a maioría
das veces aproveitando os partidos entre o Choco e o equipo daquela
localidade. Socio honorario desta peña era Miguel Doiro, sendo a
madriña a súa filla Florita.
Peña Os da
Forza. Tiña a súa sede en
Casa Pardo, bar logo coñecido como Buenos Aires.
Peña Poucos e Bos. En
Chapela.
 |
| Peña Poucos e bos. Publicada en Chapela de onte a hoxe. Gonzalo Mencía Castro. Ed. Xunta de Galicia |
Peña San
Pedro. Formada polos mariñeiros
do pesqueiro "Pepe". En 1960 o seu xefe Mauro Martínez
Martínez organizaba un xantar.
Peña Los
Saborosos. En 1960 a súa excursión anual, os levaba ata Arnoia
(Ourense).
Peña Los
Tranquilos (Cesantes)
 |
| Peña Os Tranquilos. Foto: cedida por Antonio Cobián |
Autor: Juan Migueles
BIBLIOGRAFÍA
Chapela
de onte a hoxe.
Gonzalo Mencía Castro. Ed.
Xunta de Galicia
Aportes: Sebastián
Fernández, Antonio Cobián, José Antonio Mtnez., Richard, Andrés
Couñago Laxe e Carmen Mª Fernández Núñez
Arquivo Audiovisiual do Concello de
Redondela-Daniel Boullosa
No hay comentarios:
Publicar un comentario