Historia da parroquia de Quintela

 

Mediados dos anoss 40. Escola de Leonor na Ponte. Foto cedida por Mari Carmen Teles

 

351 d. C.: Datación dun miliario romano atopado preto da igrexa parroquial. (Ver https://anecdotarioredondela.blogspot.com/2019/02/os-miliarios.html )

S. XII: Un documento de 1156 deixa constancia de que antes do s. XII Redondela xa era coñecida co nome de Maniola ou Manola (Mañó). Este primeiro señorío tería a súa casa no val do Maceiras, mostra disto serían os topónimos Mañó (Quintela) e Trasmañó (detrás de Mañó); e tamén o miliario que fai as veces de límite con Mos é chamado Antas de Maniola, tendo Antas o significado de mámoa. Aínda nos s. XVI e XVII o arciprestado era chamado indistintamente Mañó e Redondela.

1239, 19 de marzo. Doazón das freguesías de San Miguel de Oya, San Saturnino de Amoedo, Santa María de Reboreda, San Martín de Nespereira, San Martín de Vilar de Infesta, Santiago de Borbén, San Esteban de Negros, e San Mamed de Quintela (Pontevedra), dada por Martín, arcebispo de Santiago de Compostela, a favor de Fernán Gómez de Valladares, Señor de Saxamonde.

S. XVI, finais do. Gutiérrez Falcón de Sotomayor funda a Casa de Mañó. Probablemente deste mesmo século é a Casa de Quintela. (Ver https://anecdotarioredondela.blogspot.com/2019/02/pazos-e-casas-desaparecidas.html )

1587, censo: Quintela aparece como freguesía de Redondela.

1608, 5 de outubro. Apeo (restitución) dos bens pertencentes ó arcebispado de Santiago de Compostela nas freguesías, entre outras, de Santa María de Reboreda, San Martín de Vilar de Infesta, San Esteban de Negros e San Mamed de Quintela.

1750. Nun informe das Devesas Reais cítase a Real Devesa de Novelle. (Ver https://anecdotarioredondela.blogspot.com/2022/04/as-reais-devesas-do-concello-de.html )

1752 Catastro de Enseada. Quintela é totalmente dependente de Redondela. O seu Xuíz Pedáneo é nomeado polo Xuíz Ordinario de Redondela. Os seus límites son: “principiando por el N en el riego de agua nominado del Morral, de allí a la fuente Sabugueiro, de esta a la fuente Abreio, desde esta sigue por el riego de agua así abajo al sitio detrás Sandín, de allí al nominado de Colbaseiras, de este a la estrada Real, de esta al sitio de Frandes y marco de división que en él hay, desde allí circulando al Rigueiro de Barro, de este a la fuente del Conde, siguiendo vía recta a la fuente del Corbo, de allí al rigueiro de Muíño Vello y de este al riego citado del Morral primera demarcación”.

1782, 14 de febreiro. O provisor eclesiástico tudense separa Negros e Quintela de Cedeira creando dúas novas parroquias.

1799. A parroquia de San Mamede de Quintela, anexo de Cedeira, ten 40 veciños.

1809. Os franceses queiman Quintela. (Ver https://anecdotarioredondela.blogspot.com/2020/04/1809-guerra-da-independencia-dos.html )

1822: Unificación de Redondela (Cedeira, Reboreda, Saxamonde, Vilanova e Vilavella). Quintela pasa a pertencer a Redondela.

1823: Restauración do réxime señorial. Cedeira, Reboreda, Saxamonde e Vilavella volven a separarse de Redondela. Quintela volve a depender de Cedeira.

1835: Abolición dos señoríos xurisdicionais. Cedeira, Reboreda, Saxamonde e Vilavella únense a Redondela definitivamente e Quintela inclúese definitivamente no Concello de Redondela.

1842, 29 de decembro. Os pedáneos das parroquias de Saxamonde, Quintela, Negros, Cepeda e Nespereira solicitan a segregación dos dous concellos (Borbén e Redondela) para formaren as cinco un concello propio, ao ser Saxamonde un couto antigo e nun tempo cabeza de distrito das cinco parroquias. Aducen que teñen unha longa legua para chegar á cabeceira, mentres Saxamonde lles queda moi ben a todas, ao ser limítrofe.

1845. Primeira referencia da existencia de muíños na parroquia de Quintela. (Ver https://anecdotarioredondela.blogspot.com/2021/10/os-muinos-de-redondela-ao-longo-da.html ) Teño constancia de cando menos 4 muíños. (Ver https://anecdotarioredondela.blogspot.com/2020/03/muinos.html )

1900, 26 de maio. Unha pelexada na taberna de Bernardina Castro remata en asasinato. (Ver https://anecdotarioredondela.blogspot.com/2022/03/cronica-negra-de-redondela-1-1850-1910.html )

1901, xuño. É aprobado o regulamento da Asociación de Propietarios y Agricultores de Reboreda, Quintela y Ventosela. (Ver https://anecdotarioredondela.blogspot.com/2020/03/sociedades-agrarias.html )

1904. O Bispado fai un arranxo parroquial e pasa a pertencer a Vilavella: O Muro que ata daquela pertencía a Quintela.

1912. Falece un neno de 14 anos dun disparo fortuíto de escopeta. (Ver https://anecdotarioredondela.blogspot.com/2022/03/cronica-negra-1911-1930.html )

Os Quintelas, sen data. Foto cedida por Carlos Figueroa Fernandez

1922. Traslado da escola mixta de Quintela a un novo local. (Ver https://anecdotarioredondela.blogspot.com/2020/04/escolas.html )

1925. Falece un veciño de Quintela que traballaba na estación de Redondela ao ser atropelado por un tren. (Ver https://anecdotarioredondela.blogspot.com/2022/02/cronicas-do-ferrocarril.html )

1927. Inauguración da estrada Redondela-Galleiro construída pola Sociedad La Unión, de Quintela. (Ver https://anecdotarioredondela.blogspot.com/2020/03/sociedades-agrarias.html )

Anos 20-30. Os bolos celtas son moi populares na parroquia. (Ver https://anecdotarioredondela.blogspot.com/2020/08/deporte-xogos-tradicionais.html )

1932. Celebración dun partido de fútbol feminino entre Redondela e Quintela. (Ver https://anecdotarioredondela.blogspot.com/2020/07/futbol-equipos.html )

1933. Creación da Escola Femenina de Quintela na casa das Ferreiras. (Ver https://anecdotarioredondela.blogspot.com/2020/04/escolas.html )

1936, 18 de xullo. Golpe de Estado Militar do xeneral Franco. Inicio da Guerra Civil no que falecen en combate, cando menos, catro veciños de Quintela. (Ver https://anecdotarioredondela.blogspot.com/2022/05/guerra-civil-soldados-falecidos.html )

1941. Inicio da II Guerra Mundial. Un veciño de Quintela falecería no campo de exterminio de Mauthausen (Austria). (Ver https://anecdotarioredondela.blogspot.com/2020/04/1941-ii-guerra-mundial-ivos-campos-de.html )

Anos 50. Construción do cemiterio parroquial de Quintela. (Ver https://anecdotarioredondela.blogspot.com/2020/09/edificios-e-espazos-publicos.html )

1951. Un vehículo da comitiva do xeneral Franco sufre un accidente ao seu paso por Quintela. (Ver https://anecdotarioredondela.blogspot.com/2022/03/sucesos-1950-1979.html )

1954. Fundación da murga Os Quintelas. (Ver https://anecdotarioredondela.blogspot.com/2020/06/orquestras.html )

Anos 60. Fórmase o grupo de baile tradicional Airiños Gallegos. (Ver https://anecdotarioredondela.blogspot.com/2020/05/musica-e-baile-tradicional-historia.html )

1969. Obra de condución de auga desde a presa de Eiras (Calvos-Fornelos de Montes) ata Vigo. A tubaxe cruza 9 das 14 parroquias do Concello de Redondela, entre elas Quintela.

Anos 60. Escola de Rosita a de Rivada (ou a de Triscallo). Foto cedida por Luz Marcos Buján

Anos 60-70. Fúndase o equipo de fútbol Quintela. (Ver https://anecdotarioredondela.blogspot.com/2020/07/futbol-equipos.html )

1983. Apertura do Cemiterio Municipal de Mañó. (Ver https://anecdotarioredondela.blogspot.com/2020/04/os-antigos-cemiterios.html )

1987. Apertura do Colexio de E.G.B. de Quintela. (Ver https://anecdotarioredondela.blogspot.com/2020/04/escolas.html )

2007. A Mancomunidade de Montes Veciñais en Man Común de Redondela crea a Senda da Auga, seguindo o percorrido das tubaxes que abastecen de auga a Vigo desde a presa de Eiras. (Ver https://anecdotarioredondela.blogspot.com/2019/02/senda-da-auga.html )

2008. Inícianse as obras do AVE.

2019. A escola taller municipal instala a escultura dun peregrino na área de descanso que hai baixo o viaduto do AVE. (Ver https://anecdotarioredondela.blogspot.com/2020/10/esculturas.html )

Autor: Juan Migueles

BIBLIOGRAFÍA

Catastro de Ensenada de Redondela, Vigo e Cedeira (1752).

Internovas. Historias de Redondela (http://www.ipdca.com/internovas/):

O Señorío da parroquia de Cedeira. X. Miguel González.

Elementos da Prehistoria de Redondela. Xosé Couñago,Asociación Alén Nós.

Os miliarios romanos de Redondela. Jose Antonio Orge Quinteiro

A arte rupestre prehistórica do Concello de Redondela. F. Javier Costas Goberna

Galeguismo e sociedade na Redondela da Segunda República. Lois Barros. Edicións do Castro

Orixe, nacemento e evolución dos concellos pontevedreses. Xosé Fariña Jamardo, 1996.

Arquivo da Catedral de Santiago:(USC>Clero>Mitra1758> Mayordomía de Redondela),...

Censo de población de las provincias y partidos de la Corona de Castilla en el siglo XVI : con varios apéndices...... (1829) - González, Tomás (1780-1833). Madrid : en la Imprenta Real, 1829

España_sagrada_theatro_geographico-histórico de la Iglesia de España. Tomo 22 e 23. Enrique Flórez. Madrid 1767 e 1799.

El obispado de Tui en la Edad Media: sus iglesias románicas. Lorena Torrado Gándara. Tesis de doctorado UDC / 2016

1767 De la Iglesia de Tuy desde su origen hasta el siglo décimo sexto

1799 Continuación de las memorias de la Santa Iglesia de Tuy

Galiciana- http://www.galiciana.bibliotecadegalicia.xunta.es => ElCompostelano, El Pueblo Gallego, El Eco de Galicia.

José Luís Lamigueiro©, fuente: Pedro de Barcelos http://www.xenealoxiasdoortegal.net/

https://foros.xenealoxia.org>Serba

Faro de Vigo

Aportes: Xurxo Constela (A Citania S. L.), Gonzalo Amoedo.

Deputación de Pontevedra. Fondo Casto Sampedro

Communicaciones al XV Congreso internacional de las ciencias genealógica y heráldica. Volumen 3

O que lembro do vivido. Andrés Couñago Laxe.

En Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es => Boletín Eclesiástico del Obispado de Tuy