 |
| Cargadoiro de Minero Siderúrgica de Ponferrada S.A., estado actual. Foto: J. Migueles |
En 1960 iníciase a construción deste cargadoiro máis moderno que o que vimos anteriormente. A obra correu a cargo de Entrecanales y Távora S. A., encargándose da estrutura metálica Factorías Vulcano, empresa de Vigo moi vinculada a Redondela, onde casara o seu propietario Enrique Lorenzo.
 |
| O cargadeiro en construción. Foto Pacheco |
 |
| Cargadeiro en construcción. Arquivo ARPE |
Está formado por tres plataformas metálicas unidas a terra por unha estrutura que dispuña dunha cinta transportadora. A proximidade das vías do tren permitía que os vagóns envorcaban o mineral na explanada onde se atopa o cargadoiro. Pertencía á empresa “Minero Siderúrgica de Ponferrada, S.A.” e empregábase para embarcar ferro, que chegaba por tren procedente de Coto Wagner (en Ponferrada), e carbón, das minas de Larciana e o Bierzo. Estes minerais eran exportados a outros países, como Inglaterra e Alemaña.
 |
| O cargadeiro cos carteis das empresas construtoras. Foto: vigoe.es |
A principios de
1966 ultimábase o seu acondicionamento e 30.550 toneladas de carbón
agardaban para ser cargadas. Como exemplo citar que en 1976 se
exportaron 252.728 toneladas de ferro a Alemaña, saíndo todo este
mineral por este cargadoiro. En 1984 embarcáronse 55.000 toneladas
de carbón procedente de Ponferrada e con destino a Carboneras
(Almería).
 |
| Momento da carga. Foto: Museo Nacional de la Energía-Ponferrada |
As instalacións quedaron abandonadas tralo seu peche. Ademais da estrutura metálica, que é a parte máis visible e moi recoñecible dentro da paisaxe da Ría de Vigo, conserva un túnel, resultado de tapar a cinta transportadora.
En 2020 o Porto de Vigo pretende desmantelar o cargadoiro aducindo o perigo do seu estado, para realizar recheos e unir a explanada co peirao de Vieira S. A. O proxecto contempla a almacenaxe de contedores e a posibilidade de atracar neste punto os barcos para despezar.
Autor: Juan Migueles
BIBLIOGRAFÍA
Arredor de nós. Historia da Policía Local 1863-2003. Gonzalo Amoedo López e Roberto Gil Moure. 2003
Galeguismo e sociedade na Redondela da Segunda República. Lois Barros. Edicións do Castro
Redondela, crónica dun tempo pasado. A Segunda República e o primeiro franquismo. Gonzalo Amoedo e Roberto Gil. Edicións do Castro 2002.
Sal, sardiñas e peiraos. Achega ao patrimonio marítimo na Enseada de San Simón. Alberte Román Losada. Ed. Asoc. Alén Nós 2009.
Arquitectura Industrial en Vigo. Proyecto COAG/Vigo. Patrimonio Arquitectónico Moderno y Contemporáneo en Galicia. Iria Sobrino Fagilde
Patrimonio Industrial da Ría de Vigo. www.entremosnapanificadora.com
Aportes: Gonzalo Amoedo
Visitas guiadas polo arqueólogo Xurxo Constela, de A Citania S. L.
SEREN
Nº2. Facendo camiño en Cedeira. Dolores Míguez Montes.
Arquitectura Industrial en la provincia de Pontevedra. Iria Sobrino Fagilde y Rai Iglesias. Proyecto Coag./Vigo. Patrimonio arquitectónico moderno y contemporáneo en Galicia, 2008.
ABC: http://www.abc.es/hemeroteca
El Correo Gallego: http://www.elcorreogallego.es/index.php?idMenu=130
La Vanguardia (dende 1881): www.lavanguardia.es/hemeroteca
El País: www.elpais.com
El Noroeste (Hemeroteca)
http://www.csbg.net/
www.hemerotecadigital.bne.es
BOE > www.boe.es
Doctor Jordi Nadal: la industrialització i el desenvolupament econòmic d'Espanya. Editado por Albert Carreras,Miquel Gutiérrez (Google Books)
Tierra y Tecnología. La minería y el patrimonio minero en Galicia. Manuel Lara Coira.
www.mcu.es:=> Varios xornais
Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es => La Integridad, El Pueblo Gallego, Hoja Oficial del Lunes, El Progreso, El Lucense, La Correspondencia Gallega, Gaceta de Galicia, Diario de Galicia, La Noche, Vida Gallega...
No hay comentarios:
Publicar un comentario