Dirixentes
 |
| Foto:manquepierda.com |
Pérez Martínez, Valentín (Cesantes,
18-02-1889 / Sevilla, 08-02-1953)
Industrial,
propietario dunha empresa de transportes de viaxeiros. Presidente
do
Real Betis Balompié.
Formaba parte da directiva do club ata que accedeu á presidencia en
1936, polo que lle tocou vivir a etapa da Guerra Civil. Co reinicio
da liga e o Betis en Segunda, deixou o posto en 1940.
Seguramente que tivo moito que ver na fichaxe do seu paisano Cabezo
II polo
club verdibranco para a tempada 1942-43. Foi
un dos
socios fundadores da Tertulia
Cultural Bética, primeira
peña bética fundada en 1932. Residiu en Sevilla ata o seu
falecemento aos 64 anos.
Corpo Técnico
 |
| Foto: ceroacero.es |
 |
Rubén
Crespo
(Saxamonde, 1986):
Preparador físico. Iniciouse nas categorías inferiores do RC
Celta
e logo pasaría polo Pontellas.
Emigrou ao Buriram
United
de Tailandia (2013-14). Despois dun ano en branco marcha a Rusia con
Karpin ao Torpedo
Armavir
(2015-16). Sáelle unha oferta en Inglaterra e ficha polo Hull
(2016-18), primeiro como readaptador e despois como preparador
físico. O bo facer ábrelle as portas do Leeds
(2018-), adestrado por Bielsa na First Division, ao grupo de traballo
no que continúa como readaptador. Na
primeira tempada escápaselle o ascenso, pero non na 2019-20, polo
que xogará a Premiere na 2020-21.
 |
| FacebookJose Antonio Coruxo |
Jacobo
Montes
(Cesantes, 1978):
Adestrador. Comezou adestrando ao Valladares
de
preferente. No 2015 veu ao
CD Choco,
equipo do que fora xogador, acadando a 4ª praza e conseguindo que o
equipo xogara a promoción a 2ªB por primeira. Despois de pasar polo
Alondras
CF,
que rematou 7º na 3ª. No 2017 ficha como segundo adestrador ao
Coruxo
FC de
2ªB. En maio de 2018 dimite o primeiro adestrador facéndose
cargo do equipo, que salva a categoría nos últimos partidos. O club
confía nel para a seguinte tempada, levando como segundo ao seu
irmán Marcos
Montes,
quen o substituíra
no CD Choco e que tamén levara ao equipo á promoción. O Coruxo
loita pola
promoción
ata o final e ao remate da tempada os irmáns fichan polo Celta
B.
Neste equipo non saen ben as cousas e son despedidos en xaneiro do
2020. En
xuño anúnciase a súa fichaxe polo C.
D. Guijuelo,
polo que continuarán na 2ªB.
Colexiados
O 14 de xaneiro de 1958 o colexiado
que debía dirixir un Celta-Español non puido chegar a tempo,
pitando o partido un colexiado de Redondela (o nome non é citado nos
xornais da época). A súa actuación foi tachada de caseira xa que o
partido foi gañado polo Celta por 1-0 con gol de penalti. Máis
escandaloso debeu de ser o acontecido en outubro do ano seguinte,
cando o Xuvenil de Ponteareas queixouse por perder un partido contra
o C. D. Choco que fora arbitrado polo señor Villasante, residente en
Cesantes.
 |
| Programa de festas do Viso |
Jesús
Bastos Martínez (O
Viso, 1964): Colexiado.
Ascendeu á 2ªB en 1995, cando unha folga dos colexiados de 1ª e 2ª
propiciou o seu debut na máxima categoría dirixindo un Real
Valladolid-Athletic de Bilbao na tempada 1997-98. Logo regresaría
a pitar en 2ªB ata 2005, coa excepción
da 2003-04 que dirixiu encontros de 2ª. Neste período
compaxinaba a arbitraxe coa función de xuíz de liña en 1ª, que
exerceu ata a súa retirada no 2008.
 |
| Diario Deportivo. |
Elena
Casal Fernández
(Rande-Cedeira,
1988): Iniciouse
no mundo da arbitraxe con 15 anos. No 2017 acadou o ascenso a pitar
na Primeira Nacional feminina e na Terceira División masculina. O 14
de setembro do 2017 formou parte do primeiro trío arbitral
totalmente feminino nun partido de 3ª en Galicia, concretamente un
Ribadumia-Boiro.
Autor: Juan Migueles
BIBLIOGRAFÍA
Programa da Festa da
Nosa Señora dos Dolores da Teixeira (O Viso) 2004.
Enciclopedia Galega da
emigración- Lois Pérez.
Galicia
Faro de Vigo
La Voz de Galicia
Atlántico Diario
Marca
La Gaceta de Salamanca
manquepierda.com
ceroacero.es
Comité Técnico de
Árbitros (RFEF)
Diario Deportivo
No hay comentarios:
Publicar un comentario