1986 Recreación das Coplas de cego advirtindo dos carteiristas na feira. Á esquerda Morris.
Foto cedida por Xosé González Martínez
Cantares de cegos
A
mediados do século XX, aínda viñan á feira os cegos que cantaban
coplas nas que narraban asasinatos cometidos noutras vilas de
Galicia. Esta narración era acompañada por un cartel no que uns
debuxos a modo de cómic describían os sucesos que remataban nun
macabro crime. A medida que avanzaba a narración o cego cunha vara
ía sinalando as diferentes viñetas, previamente memorizadas.
Vendían as coplas en papel e así gañaban a vida polas feiras
adiante.
Unha
destas coplas contaba como uns ladróns penetran nunha casa
atopándose no interior a unha criada:
...allí
encuentran a la pobre de la criada.
La
cogen por el pelo y la tiran por la ventana
yendo
a caer a la cuadra y allí entre malos olores
a
Dios “entreghó” su alma.
Non
atopei a ninguén que lembrara a un cego tocando algún instrumento
para acompañar os seus cantares, pero si a foto dun tocando a gaita
na estación do tren. Lembremos que na nosa estación antigamente era
habitual facer transbordo, polo que soia xuntarse xente agardando a
chegada de trens, polo que non era mal lugar para gañar uns pesos.
Cego tocando a gaita na estación, anos 20. todocoleccion.net
A
Cabra
Ata
finais do século XX, sobreviviu outro espectáculo típico das
feiras e festas, era A Cabra. Era realizado por xentes de etnia
xitana que adestraban unha cabra para que realizara acrobacias ao son
dunha música, que nos inicios acostumaba ser un pandeiro e co tempo
pasou a realizarse o acompañamento cuns modernos teclados. O número
da cabra consistía en subir a pequenos troncos de madeira e subir ao
alto dunha escaleira. Un colaborador ou colaboradora encargábase de
pasar a gorra entre o público para recoller as esmolas dos
presentes.
A cabra na Praza da Constitución. Foto cedida por José Luis Rodríguez Figueroa
Fisi e Salva ensaiando para o Campionato Galego. Foto cedida por Fisi
O Breakdance é un baile que se caracteriza por incluír movementos
acrobáticos. Naceu nos anos 70 do pasado século, dentro da cultura
do hip hop entre a comunidade afroamericana de New York e abriría
paso a outras expresións artísticas como o Rap e o graffiti. Nos 80
estendeuse a outros países grazas a películas como Flashdance. Un
dos países onde arraigou máis este baile foi en Francia, chegando a
ser moi controvertida a súa inclusión como disciplina olímpica nos
Xogos Olímpicos de París 2024.
En España tamén
entrou con forza nos anos 80, sendo maior a influencia en Madrid e
Barcelona. As discotecas, sempre pendentes das modas musicais do
momento, organizaban concursos ou exhibicións. O éxito era tal, que
era habitual que apareceran nos programas televisivos daqueles anos, como Tocata, normalmente en modalidade individual, tríos e por equipos.
E a 1987, ano no
que se celebra o Primeiro Campionato Provincial de Pontevedra de
Baile Breakdance nunha discoteca de Poio. Como non podía ser doutro
xeito Redondela estivo representada por un grupo de mozos. O equipo
estaba formado por Jaime Borines, Pepe Alján, Antonio Ojea, Salva,
Rodolfo Pato e Fernando “Fisi” Piñeiro. A súa participación sería todo
un éxito acadando unha meritoria segunda posición, sendo derrotados
polo equipo de Vigo.
Para o campionato
galego, problemas para compaxinar os ensaios minguan o equipo e
finalmente soamente poden acudir Salva e Fisi. Apesares de participar
como parella, conseguen o terceiro posto, superados tan só por Vigo
e A Coruña. Os tres primeiros clasificábanse para o campionato
nacional de España, pero finalmente ese ano non se celebrou por
problemas organizativos e de índole económico.
Apesares
disto, a hora de buscar referencias anteriores no tempo temos dúas
vías de investigación. A primeira, obviamente, sería a busca de
documentación antiga. Ata agora o documento máis antigo de
Redondela que atopei no que se cita a un gaiteiro data de 1740.
Trátase do testamento de María Calvo Salcedo no que nas últimas
vontades ordena completar a fundación da capelanía do Carme que
iniciara o seu irmán. Comprobamos
aquí como xa no século XVIII como xa estaba arraigada a devoción
da virxe do Carme entre a xente mariñeira. Entre as directrices que
deixa María Calvo está a obriga de celebrar a festividade o 16 de
xullo, custeándose tanto os actos relixiosos como os profanos. Estes
últimos serán os que nos interesan, porque se especifica: “(buscar
dicho Capellán y los que le subcedieren Gaytero que toque en la tal
Fiesta), e o nomeamento do capelán: Por la primera vez, hagan el
nombramiento en quien quisieren, y a su Arbitrio y Voluntad, en la
segunda lo hagan hacer precisamente en Hijo de Vecino de dicha villa
de Redondela descendiente de Mareantes, y a falta de éstos en los
Hijos de los de la Tierra...”
A
segunda vía de investigación sería a arte relixiosa e neste eido
Redondela conta cunha gran escola de ebanistas (Verhttps://anecdotarioredondela.blogspot.com/2022/01/imaxineiros-ebanistas-de-redondela.html). Buscando en retablos e
obras de imaxinería realizadas
por redondeláns atopamos a
representación de dous gaiteiros. A primeira procede
da Colexiata
de Vigo e actualmente atópase no Museo Diocesano de Tui. Trátase
dun baixo relevo onde se representa o nacemento de Cristo e entre os
que adoran o neno aparecen un gaiteiro acompañado por un
pandereteiro. É obra do retablista redondelán Domingo Martínez e
está datada en 1685.
Domingo Martínez, detalle relevo da Colexiata de Vigo. Arquivo Sonoro de Galicia
O
outro gaiteiro o atopamos tamén entre as figuras que adoran ao neno
Xesús no retablo de Nosa Señora da Expectación da Catedral de Tui.
Data de 1777, sendo realizada polo escultor Antonio Villar, que é
considerado o máis importante do Bispado de Tui. As dúas obras
teñen en común que os músicos cobren a cabeza cunha monteira, o
que podería ser un signo de distinción dos artistas daquela época.
Autor:
Juan Migueles
BIBLIOGRAFÍA
As
vilas de Redondela nos tempos do Catastro de Ensenada:
Xoán Miguel González Fernández. Ed. Concello de
Redondela.
O traxe das terras de Tui. Emilia Alonso González.
Devocións
mariñeiras: do Corpo Santo á Virxe do Carme. Clodio González
Pérez. Ponencia de Antropoloxía Cultural do Consello
da Cultura Galega. Actas do Simposio Internacional in
memoriam Xosé Filgueira Valverde. Pontevedra, 10-12 de xullo, 1997.
Coordinador Francisco Calo Lourido.
Neste apartado faremos un breve
repaso polos festivais musicais celebrados no Concello de Redondela
desde a década dos 60 do pasado século e dalgúns dos colectivos
que o fixeron posible.
Festival
da S. A. R.
A
entidade deportiva Sociedade Atlética de Redondela (SAR), que chegou
a contar con equipos en 12 disciplinas diferentes, comezou a recadar
fondos organizando este festival. Nas primeiras edicións celebrouse
no cine Fantasio, no Parque La Junquera e por último na Sala
Miramar. Nel tiñan cabida todo tipo de artistas tanto locais como
doutras vilas. No I Festival SAR celebrado os días 25 e 26 de
xaneiro de 1965 actuaron: Amador Zabaleta (acordeón), o Mago Yosca,
Santos (música lixeira: voz e frauta), “Los Troveros”, Berto,
Bouzas, Paulino (melodía moderna), “Dúo Redondela”, “Los
Dinámicos” (trío de armónicas: Fotsca, Agustín Lovera e Manuel
Muíños “Jamaica”), o grupo “Miramar”, Xacinto dos
Carafunchos (humorista), a nena de 7 anos Mary Loli (gañadora do
concurso “La Voz de Vigo”) e Lueiro Urtaza (presentador e
poesía). Nas seguintes edicións subirían ao esceario: “Los
Condors” (grupo de Vigo), “Los Santos” (grupo de Vigo), “El
Peque” (xoven acordeonista de Amoedo), “Baby” e a súa
rondalla, a Sección Femenina (baile rexional), Enrique Tuche
(tenor), Eduardo Otero (cantante), Varela (recitador de poesía),
“Trío Calavera” (Pepe “Trenco”, Chencho e ¿?)... Neste
festival actuarían os primeiros grupos de rock da vila. Celebrouse
por derradeira vez en 1994, despois de sete edicións.
En
1965 tamén organizaron o concurso Salto a la Fama, para
menores de 15 anos, gañando Ricardo, o que lle permitiu participar
na segunda edición do festival SAR.
No
II Festival, celebrado os días 29 e 30 de decembro de 1965 e
presentado por Lueiro Urtaza, actuaría Xacinto dos Carafunchos; os
conxuntos de Vigo “Los Cóndor's” e “Los Santos”, a nena
Mary Loly, os cantantes locais Bouzas, Paulino e Juan Álvarez;
Eduardo Otero e Chucho; o conxunto da SAR; o recitador Varela “El
Peque”; e o vocalista Santos; ademáis do citado Ricardo. Tal sería
o éxito que todos eles actuarían tamén no cine Vidal, de Arcade,
baixo o nome Show de la SAR 66.
O festival seguiría celebrándose
durante a década dos 70 e o derradeiro intento por recuperalo tería
lugar en 1994. Entre medias organizouse en 1989 o Festival XXV
Aniversario SAR.
Outro
concerto que organizou este clube sería
o Festival SAR de Zarzuela.
Celebrouse no cine Fantasio e contaba co seguinte programa: Actuación
da Coral Santiago Apóstol de Redondela e recital de Zarzuela a cargo
de Silvia Pintos, tiple; Enrique Tuche, tenor; Carlos Lastra,
barítono; Manuel Sirera, tenor; e Manuel Rodríguez, tenor.
Acompañados ao piano polo mestre Margüenda e a actuación especial
de Santos.
III Festival SAR. Foto cedida por Albi.
Concurso
de conjuntos ye-yes
Concurso celebrado no Miramar
durante as festas da Coca de 1966, sendo patrocinado por Pedro
Regojo, daquela presidente da SAR. Non atopei quen venceu pero si o
segundo clasificado que serían os vigueses “Los Greps”.
Festival
a beneficio do campo de futbol de Vilar
Celebrado o
31 de outubro de 1968 na Sala Parque La Junquera, coa participación
dos grupos vigueses Los Cuervos e
Los Santos acompañados polos
conxuntos vocais da S.A.R.
Grupo
de grupos
Colectivo formado polos grupos de
finais dos 80 e principios dos 90. Entre outras cousas, conseguiu a
concesión por parte do Concello de locais de ensaio no instituto
vello (hoxe Multiusos da Xunqueira).
Veráns
Culturais do Ateneo
O Ateneo Redondelán foi un
colectivo creado en 1988 e que dinamizou a oferta cultural coa
celebración de charlas, coloquios, exposicións... Dentro da súa
programación incluiu concertos de grupos como Agá de Oh, Lulás...
Veráns Culturais do Ateneo. Agá de Oh. Foto cedida por Rodri.
Festival
de Rock Redondelán
Celebrouse durante un par de anos
a principios dos 90, coa participación de todos os grupos da vila.
Homenaje
a Led Zeppelin
Concerto que comezou a
organizarse a finais dos 80 en Ventosela tocándose versións de Led
Zeppelin.
Marathon
Cultural
Festival que se iniciou a finais
dos 80 no Centro Recreativo y Cultural de Redondela, polos alumnos de
Xesús Cameselle Ben. Nel tiñan cabida o teatro (Disonada), pintura
(Lino Lago), caricaturismo (Koiko) e o humor (Lareira), pero sobre
todo a música. Nel se deron a coñecer: Bajo Contraste, Lulás,
Secuestro Legal, Tráfico, Xalgareta, Trasgo, Nembargantes... Pero
tamén grupos efímeros como Farlopa.
Certame
de Canción Inédita
Como o anterior, organizado por
Suso Ben, pero do que tan só se celebrou unha edición a mediados
dos anos 90. Festival acústico no que participaron xente coma: Pempi
e Pedro ou Lupe Maestú.
Lupe Maestú no Certame de Canción Inédita. Foto: Suso Ben
Rockondela
Festival
organizado polo Concello coa finalidade de apoiar aos grupos locais.
Na primeira edición celebrada en 1995 tocaron Nembargantes, La Gripe
e Trasgo no pavillón de Redondela. A súa terceira edición
suspenderíase ante a negativa dos grupos a tocar ata que o Concello
pagara as actuacións das dúas primeiras edicións. No 2004 o
festival celebraría a súa oitava edición, actuando La banda de
Nash (Vigo) e os grupos redondeláns Antisozial, Darwitch e The
Mirage.
Nembargantes no primeiro Rock´ondela no pavillón. Foto: Suso Ben
Langueitor.
Metal & Rock Fest
Festival
adicado a quen fora guitarrista de Nocheni, Otello Acosta. Celebrouse
por primeira vez no 2004 no pub Solera actuando as bandas Darkwitch,
Fallen Sentinel, Nocheni e The Mirage. Nas seguintes edicións
actuarían grupos como
Dantalion, Dharma, Cadalso, Valver ou The Silence.
Sons
Redondela
Concerto
celebrado no 2005 coa participación de músicos veteranos
que tiñan participado nos festivais da SAR: Catina, Enrique Tuche...
Festival
de Bandas Locais
Organizado
polo Concello, tan só se celebraría en dúas ocasións. No
2012 con The Silence, Nocheni, Tok e Caramuxo Vermello; e na edición
do 2013 con La Vaga Banda, Sete Cuncas e Haku.
Arde Rande
Festival baixo a
Ponte de Rande dende o 2007. Diferentes estilos musicais de grupos de
Redondela e arredores. Deixou de celebrarse no 2018.
Arrastro Rock
Festival :
Festival de música
en Reboreda dende o 2006. Na primeira edición, o cartel estaba
composto por: Antisozial GZ, Estado de sitio, Gargola, Negra Sombra,
Jazz Menagerie, Timbalada e DJ Jota, repartidos en dous dias. Este
festival ofrece diferentes estilos musicais de grupos tanto noveis
como consagrados a nivel. Os gastos corren por conta da organización
e o patrocinio de locais comerciais, bares, pubs e discotecas. Deixou
de celebrarse no 2018.
Arrastro Rock 2016. Facebook do festival.
Asociación Cultural e Social de
Chapela
Formada en 1991 creou a Escola de Música de Chapela da que xurdiron
a Banda de Música de Chapela e varios grupos de música e baile
tradicional. Ademais da programación propia da Escola de Música
organiza numerosos cursos (pintura, aerobic, coiro...) e actividades
culturais (festivais, campus musical, ludotecas, conferencias...)
Berete Rock
Festival celebrado por primeira vez no
2012 na Praia de Arealonga en Chapela. Como o seu nome indica está
orientado cara os diferentes estilos do Rock.
Castle Records
Estudo
de gravación con
Santiago Gesteira e Xoel López como técnicos de son. Neste estudo
gravaron os
grupos locais Antisozial GZ, Marxe Eskerda, The Silence, Calämbur…
Centro Social a Formiga
Festival Folk Arealonga
Festival de
música folk celebrado na praia Arealonga de Chapela
e incluído na
programación cultural de verán do Concello de Redondela.
Lixo Rock
Concerto
alternativo na Alameda. Naceu no 1995 dentro do programa da
exposición de esculturas feitas con materiais de lixo, Artelixo,
organizado pola desaparecida asociación Josefá como protesta polo
vertedoiro ilegal que había na avenida Mendiño. Actualmente a
organización corre por conta de xente como Pedro ou Toti. Póñense
esceario e instrumentos a disposición de todo o que quera actuar.
Lixo Rock 2009 Facebook Kampa crespo
Meixón Music
Os bares A Tenda de
Candelaria, O Escondidiño e Café da Vila
iniciaron unha programación de verán na rúa Meixón Frío con
música ao vivo e contacontos, que segue a celebrarse apesares das
dificultades xurdidas polo troco de donos dalgúns destes negocios.
Actualmente (2019) é organizado por Café da
Vila e La
Lujosa.
Millo Verde
Festival
alternativo dende o 2007. Festival con área de acampada que se
realizaba na Marisma ata que a construción do novo pavillón obrigou
a trasladalo a Chan das Pipas (Saxamonde). Posteriormente coñecería
unha terceira localización, o Paseo da Praia da Punta, onde segue a
celebrarse actualmente (2022). Os grupos participantes tocan os máis
diferentes estilos: rock, ska, heavy... Paralelamente, realízanse
outras actividades como o Concurso de Maquetas, charlas, xogos
populares, actuacións de rúa...
Millo Verde-Eskalabirras. Facebook Festival MV
A Noite da Lúa
Meiga: Festival de música folk que
se celebra en O Viso. Organizada pola agrupación folklórica Terra
Meiga vense realizando dende o ano
2001. Ademais da
música tamén se ofrecen unha serie de actividades como xogos
populares e mostras de artesanía. Deixou
de celebrarse.
Pro-Son
Asociación de
Alxán (Arcade-Soutomaior) Fundada no 2008 por varios mùsicos e
grupos da zona de Soutomaior e Redondela, conta nas súas filas con
Roneo, Ennyo, EXLDF e The Silence de diferentes estilos musicais (Hip
Hop, Metal, Experimental, Rock...). Organiza o Festival Rocknaría en
Arcade.
Radio Redondela
Radio municipal do Concello de
Redondela.
Radio Polorri:
Programa da radio municipal que
presentaba
Alfonso Conde. Comezou
a emitirse a
finais do 2015, lembrando a historia dos grupos da vila con
entrevistas, concertos en directo e reprodución de discos e
maquetas.
Romaría Cultural da Sinha Paca
No
2018 celébrase a I Romaría Cultural co fin de reivindicar a
necesidade dun local de ensaio en Redondela e en protesta pola
política cultural que estaba levando á desaparición de
variosfestivais. Estivo organizada polos colectivos Arte Lixo e Millo
Verde, conformando a Plataforma Cultural de Artistas e Activistas de
Redondela, sendo o xerme de Sinha Paca.
Sala Disco Tasca
No 2012
revolucionou a oferta cultural de Redondela con concertos, teatro...
Iniciativa
privada de breve historia que rematou un ano despois.
SinSal
Festival organizado na illa de San Simón ao que a xente acude sen
saber os grupos que tocarán.
Teixeira Rock
Festival de Rock no Viso con grupos da contorna que non tivo
continuidade.
Vento Rock
Asociación de Ventosela que organizou
por primeira vez no 2008 o Festival Vento Rock e máis recentemente o
Concurso de Bandas Locais e o Vento Folk. No 2018 deixou de
celebrarse o festival.
Organización do Vento Rock. Facebook
Varios
Destacar tamén
aos centros culturais e tódalas asociacións e colectivos que me
quedan no tinteiro. Por último, nomear ás cafeterías, pubs e
discotecas que de maneira puntual organizan concertos e exposicións
entre outras actividades.
Programación
cultural do Concello
Nela
teñen cabida diferentes tipos de música dende o folk galego ata o
gospel estadounidense, pero tamén o cine e o teatro. O
prato forte soe ser a programación do verán, que alá polos anos 90
tiña o bonito nome de Noites
Máxicas dos Viadutos. Apesares
das variacións que pode ter, principalmente cando hai un troco de
goberno, nos derradeiros anos podemos citar os
seguintes ciclos:
Pórtico
Sonoro. Actuacións nas igrexas de corais e grupos de música
clásica ou tradicional.
Rede de Músicas Soltas.
Serie de concertos no Multiusos da Xunqueira de diferentes estilos
musicais. Destacar a actuación no 2017 de Juan Perro.
Certame de Habaneras.
Concerto de varias corais no Multiusos da Xunqueira.
Sonoaire. Festival no que
se celebran varios concertos en diferentes rúas do casco urbano.
Sonoaire 2018. Foto:J. Migueles
Autor: Juan Migueles
BIBLIOGRAFÍA
Faro de Vigo
La Voz de Galicia
Recopilación de
grupos feita por Pedro Pérez e Alfonso Conde “Fon”, con
entrevistas a: Mundo Cal, Juan Araujo, “Tatán”, Suso Ben, Tejo,
Pepe “Rebanadas”, “Ogali”, Xesteira, Santos, Enrique Tuche
“Pajarito”, Castillo, Silvio, Severino, Lucho Vilas, Manoliño
“Zapatón”, Gabriel Sánchez “Pibe”, Rodri Souto, Berto
“Buzo”, Olimpio, Agustín Lovera, Fredi, Luis Crespo, Kiko,
“Potiño”, Jorgito, “Pelu” Vidal, Pepe, David Figueiral,
Julián Hortas, Xoel, Santi Gesteira, Juanín.
Co
novo século acadouse por parte do Concello a concesión dun local de
ensaio, se ben é certo que moitos grupos seguen buscándose a vida
en locais privados. A creación das escolas de música de Redondela
e Chapela, ben a cubrir unha demanda que existía para todos os
músicos que non queren seguir a carreira académica que oferta o
Conservatorio. En canto aos estilos seguen prevalecendo os grupos
rockeiros
nas súas distintas vertentes: heavy, death... Tamén destacar que se
inicia unha nova etapa na que moitos músicos deixan de tocar nun só
grupo para participar
en
varios proxectos a
un tempo.
11 S
2002-2005
314
Estilo:
Rap / Hip Hop / Breakbeat
Continuación
do proxecto Flow como Virus.
AGÓNICA
2004
Estilo: Death Metal.
Primeira Formación: Carlos (guitarra),
Alvaro Santoro “Varo” (batería), Jonathan (guitarra), Ismael
Couñago (baixo) e Sergio Lorenzo (voz).
Outros: David Veiga (guitarra), Carlos
Herbello “Herbe” (guitarra)
Banda
que conta co baixista redondelán Isma
Couñago. Formada no 2004 en Arcade, cuando Carlos e Varo despois de
estar tocando durante un tempo deciden formar un grupo con Jonathan
(guitarra), Ismael (baixo) e Sergio (voz). Despois duns meses Jhonny
deixa a banda. Logo de probar a varios guitarristas establécense
como carteto. No 2006 é Carlos o que abandoa, entrando David.
Despois da grabación dunha maqueta, incorpórase Herbe. No 2010
graban o EP “Portraits of suffering”.
As súas xiras os levan a percorrer
toda a Península.
Formado por
por Xoel, Rober y Carli no 2003 para actuar no Lixo
Rock. Despois dun concerto en Cuntis entran a formar parte do grupo
Torio
á percusión e Queima ao saxo. Despois de varias actuacións en
Redondela, no 2004 únese Fabio á guitarra co que graban a súa
primeira demo en CD con dúas cancións titulada "Perdido".
Máis tarde entraría na formación Pasi. Grupo
desaparecido no 2009.
Estilo: Heavy rock (Punk-Rock nos seus
inicios)
Compoñentes: Carlos “Carli” Míguez
(Guitarra e voces), Xoel López (Batería), Roberto Miguélez (Baixo
e voces), Anxo Figueroa (Guitarra e voces) e David Beloso "Pasi"
(Voz)
Outros: Torio
(percusión), Queima (saxo) e Fabio (guitarra).
Compoñentes: Eloy (guitarra,
ex-Skoria), Vir (bajo, ex-Skoria), Xan (bateria, ex-Skoria), Anxo
(guitarra, ex-Antisozial GZ) e Pasi (Voz, ex-Antisozial GZ).
Este grupo fixo a
súa presentación no Arrastro Rock.
Grupo convidado ao concurso de
maquetas do Millo Verde, 2009.
BELÖP
Foto: www.santiagodecompostela.org
Estilo: Electrónica/Indie/New wave en inglés
Formáronse en
setembro del 2007. Nun principio contaba cunha vocalista feminina,
establecéndose logo a formación: David González Couñago (baixo),
Diego Ricón Herbella “Calía” (batería) e Fabio Cebral Otero
(voz/guit/teclados). Posteriormente “Calía” deixa o grupo que se
consolida como trío.
Grupo
gañador do Maketón Estrella Galicia 2009, III Música Xove de
Santiago de Compostela, Queixo Maquetón de Arzúa 2010 e Barakaldo
Pop Rock 2010. No
2011, a súa canción “Catching
Her Breath”
protagonizou un anuncio da firma Mango. No 2012 vencen no Red Bull
Indomesticables, o que lles permite a tocar no Festival
Internacional de Benicassim (FIB), no Arenal Sound e no Día de las
Alas de Red Bull
en Ibiza. Despois
do EP EP
“Sometimes
People Need Something Like This”,en
setembro do 2013 lanzan o seu primeiro LP"2.5.12.15.16".
Grabado entre o Red Bull Studio Madrid e Studios Reno, coa producción
de Raúl Santos. No 2016 publican "Blondes".
Comezaron chamándose
“Caramuxo Roxo”. Nos seus directos misturan a música e o teatro.
Primeira Formación:
Fernando Muíños “Pina” (guit. e voz), David Figueiral (baixo) e
Pepe (batería)
Logo
entraron no grupo: Lui Pérez Souto
(Baixo) e Paulo Medal (piano).
A partires do
2012 contan cunha
formación estable:
Fernando Muiños
(guitarra
e
voz), Berto
López (batería),
Lui Pérez (baixo
e
voz), Paulo
Medal (Teclado
e
voz), Nico
Ricón (taxofón),
Iván Gulín (guitarra,
violín e
voz) e Ademar
Silvoso (actor).
Formación: Alejandro Gesteira Ponce
(guit), Ana Rodríguez Area (voz), Juan José Soler Domenech (baixo),
Pilar Álvarez García (voz), José Ángel Gesteira Pazos (guit.),
Ana Gesteira Ponce (voz) e Santiago López Gesteira (bat. /
ex-Nocheni e Valver)
Grupo
cun compoñente de Redondela. Formado en Vigo no 2004 por Brais e
Villa despois da desaparición o seu anterior grupo, Mydgard.
A estes sumáronse logo Andrés
(guitarra), David (baixo) e Diego (voces). Dantalion
é o nome dun duque
do inferno, capaz de ler e manipular a mente das persoas.
Realizan xiras a nivel nacional. No 2016 presentan a Rober como novo
baixista e atópanse preparando o seu sexto traballo.
Estilo:
Black Metal / Doom
Primeira
formación: Naemoth,
Netzja, Zeukram e Maiestas
Formación
actual: Zeukram (voces), Netzja (guitarra), Naemoth (batería) e
Thorgrim (baixo).
Discografía:
When
the Ravens Fly over Me (2006)
The
Call of the Bronken Souls (2008)
All
Roads Lead to Death (2010)
Return
to Deep Lethargy (2012)
The
Ravens Fly Again:10 Years of Desolation (2013)
Listening
To the Suffering Od The Wind (2014)
DARKWITCH
Banda formada en
Redondela no 2002 por Pablo Valverde (guit.), María Varela (guit. /
voz), Santi Gesteira (bat./ex-Nocheni) e Daniel Lemos (baixo). No
2006 trala marcha de Dani a Nocheni pasan a chamarse “VALVER”.
DE
CUERPO ABIERTO
Estilo:
Metal
Grupo
de breve historia que chegou a tocar no Arrastro Rock no 2011.
A finais do 2006 crean o grupo Evah,
Ismael e Héctor Iván. No 2007 trala entrada de Héctor Díaz á
guitarra graban “Eterno” (2 temas). Despois de varios trocos no
2009 publican “DiZiembre” (6 temas). No 2015 saiu á luz "La
espiral del tiempo".
Compoñentes: Gabo (voz), Orion (baixo
e coros), Olih (batería), Salinas (guitarra e coros) e, dende o
2009, Rene (guitarra).
Despois
de probar varios vocalistas e con apenas 17 anos debutan como
cuarteto no Lixo Rock 2007. No 2008 o grupo graba a súa primeira
maqueta, “Collendo forma” e no 2009 o seu primeiro single
"Hitlipollas". Pouco despois entra Rene como segundo
guitarra. No 2010
ve a luz o seu primeiro traballo con letras en español e en galego,
o CD “Marxe Eskerda”, ao
que seguiría “Último segundo”.
Estilo: Heavy Rock / Nun principio Rock
Progresivo
Formación: Martín Búa (voz), Tito
(baixo / ex-Nocheni), Suso Valcárcel (batería), David Estévez
(guitarra) e Fran Almodóvar (guitarra).
Anteriores membros:
Mandi García (voz / ex-Astarot, ex-Cosmic,…)
Grupo
formado en Vigo no 2001 ao que pertencen o redondelàn Tito Pardo e
Suso Valcárcel (redondelán de adopción). Trala entrada no 2003, de
Mandi García actúan en: a Concentración de Motos “As Burgas”,
La Fábrica de Chocolate, Mardi Grass, Sala A!, sala Breogain, Iguana
Club, sala Anoeta, o festival “Xove Vigo”e o “Langueitor Metal
Fest”. No 2006, deixan as cancións en inglés e comezan a escribir
letras en castelán. Ese veràn telonean a Helloween no Auditorio de
Castrelos ante máis de 16000 personas e acompañan a Centinela e
Uzzhuaia nos seus concertos de Galicia. O seu primeiro disco sitúase
entre os cincuenta primeiros postos da lista de ventas de El Corte
Inglés. A partires deste momento aparecen
nos principais medios: “This is Rock”, "Popular1",
“Kerrang”, “Hush”, “Heavy Rock”, “Rockangels”,
“Mariscalrock”, “Mondosonoro”, entre outros.
O
segundo traballo sairía no 2009, sendo
producido por Will Maya, reputado productor residente en Londres. A
xira de presentación deste disco lévaos a dar máis de 30 concertos
polas principais cidades de España.
No 2011 sae o seu terceiro traballo co que repiten unha extensa xira
por todo o territorio nacional.
Discografía:
Viviendo Rock&Roll
(2006)
Revolución (2008)
A-52
(2011)
PAUL ART
Tocan versións de clásicos do rock.
Compoñentes: Manoliño (voz), Pedro
(guitarra) e Varo (batería).
RANDE BOYS Grupo
de músicos veteráns que fan versións de grupos dos anos 60-70’s:
The Beatles...
RETROBLUES
Arrastro 2012 Foto Sonia Prado
Estilo: Blues / R&R
Primeira formación: Juan Alvarez
(Guitarra e Voz), Jorge (Baixo), Lucho (Batería) e Nardo (Trompeta).
Novos compoñentes: Nacho (saxo) e
Antía Migueles (voz).
2008. “Retroblues.
CD con 5 cancións no que colaboraron as mozas do grupo, tamén
redondelán, "Circo de Pulgas" e de Javi "Vespa".
Primeira
formación: Nacho (guitarra), Tato (guitarra), Fran (baixo), Varo
(batería) e Sheila (voz/teclados)
Outros:
David Martínez (guitarra), Rubén Fernández (guitarra)
Formado
no Nadal de 2005 participaron no Langueitor Metal Fest ou o Festival
da Facultade de Turismo. Despois de dous años Tato é sustituido por
David Martinez ¨Chimpy¨. Participan en festivais como: Laxal Rock,
Arde Rande, Rock na Ria, Rock’n Teira, Rock in Rio de Cega
(Valladolid)... No 2009 editan a súa primeira maqueta, “Hoy es el
día”. En setembro do 2009 Nacho abandoa a banda e entra Rubén
Fernández. No 2012 sae a luz o seu primeiro album, “Origen”.
Grupo de breve historia. Pasarían a
formar Asphysxia. Actuaron no
Arrastro Rock 2008.
Compoñentes: Eloy (guitarra), Vir
(bajo), Xan (bateria)
SKY DANCER
Sky Dancer Foto: deconciertosenvigo.blogspot.es
Estilo: Death melódico
Compoñentes: Dani Soengas (guitarra e
voz), Víctor Louzán (baixo), José Casal (guitarra), Dani Díaz
(batería).
Grupo de Vigo formado no 2005 no que
toca Dani Díaz, de Chapela, que compaxina este proxecto con Cadalso.
Discografía:
"Pozo de Lágrimas" (2008)
"Endorsed by Self-Destruction"
(2009)
"Way of Departed" (2010) EP
"Underground Alive" (2011)
"Winterkiller" (2012)
"Land of the Grim" (2013)
SLEEPING LUCK
Estilo: Grunge
Primeira Formación: Zalo (Guitarras y
voz), Torio (Baixo) e Salva (Batería)
Sleeping Luck nace
no 2007 con Zalo e Salva á batería. Aos poucos meses incorpórase
Torio. Comezan tocando temas propios e versións de grupos como
Radiohead o Smashing Pumpkins. Presentáronse no Arrastro Rock do
2008. En 2009 Salva abandona o grupo sendo sustituido por Míchel. No
2010 Salva volta ao grupo.
Primeira
Formación:
Rodri (guit./voz), Lui (baixo), Moncho
(guitarra) e Nacho (batería)
Outros: Mingui
(guitarra), Javi (batería) e Kiko (guitarra e coros)
SUPA SCOOPA
Foto: Marta
Estilo: Hard Rock / Stoner en inglés.
Formación: Mano (guitarra), Quini
(baixo e voz) e Jorge (batería).
Grupo formado no
2001 en Candeán (Vigo), que dende o 2004 conta co batería
redondelán Jorge na súa formación. Teñen actuado por toda Galicia
e norte de Portugal.
Formación: Chiri (voz), Pedro
(guitarra), Varo (batería) e Fran (baixo)
Outros: Miñán (baixo)
No verán de 2007
Fran, Varo, Pedro e Chiri únense para facer un tributo ao grupo
redondelán Tres Bajo Cero no Lixo Rock. Coa entrada de Miñán ao
baixo comezan a compor temas propios. En febreiro de 2008 dan o seu
primeiro concerto no Instituto Pedro Floriani. Logo tocarían no II
Arrastro Rock, no pub A Cantina (Arcade), no Vento Rock 09... No 2011
graban a súa primeira maqueta “Suerte”.
Grupo
con compoñentes de Vigo e Redondela. Gabi, Víctor e Adrián únense
para dar os seus primeiros concertos na escola e no instituto. O
grupo fúndase no 2007 coa entrada de Pepe. Neste ano participan en
Operación Can e dan o seu primeiro concerto nunha sala, a de Anoeta.
No 2011 autoedítanse o primeiro CD: “Os Vacalouras - Xa están
aquí”. Despois presentarían no Festival de Cans o seu videoclip
"Desbrozadora". No 2014 sacan o EP “Eres Punki I Non
O Sabes”. Durante este tempo teñen actuado por toda Galicia,
compartindo escenario con: Ultraqäns, Leo i Arremecághona,
Heredeiros da Cruz, Cañita Brava…
LA
VAGA BANDA
Grupo
de Vigo con algún compoñente de Redondela.
Estilo:
Ska / Punk / Reggae
Grupo
formado no 2005 por Juan (Baixo e Voz), Víctor (Guitarra e Voz),
Fran (Batería) e Nacho (Guitarra). Despois de grabar dúas maquetas
no 2007 engadíronse ao grupo Miriam (Batería, flautas, gaitas,
etc.), Vila (trompeta), Nico (Saxo), Peludo (Guitarra) e Miguel (Saxo
tenor).
No
2008 proclamáronse vencedores do Concurso de Maquetas do Millo Verde
e no 2012 do I Concurso de Bandas Locais Ventorock.
Primeira Formación: Pablo Valverde
(guit.), María Varela (guit. / voz), Santi Gesteira
(bat./ex-Nocheni) e Juanchi Reyes (baixo).
Formación Actual: María Varela
(Voz/guit), Juanchi Reyes (baixo), Carli Míguez (guit.), Juanjo
Escudero (bat.)
Anteriormente
“DARKWITCH”. Fórmase no 2006 coa entrada no grupo de Juanchi F.
Reyes (Ex- Albion, Dubra). No 2008 Pablo Valverde é sustituido por
Carli Míguez entra a formar parte de la banda como guitarrista (Ex-
Antisozial Gz). Trala grabación da súa primeira maqueta “Carretera
y manta” Santi Gesteira deixa o grupo.
Grupo nacido a finais do 2009 trala
disolución de Asphysxia. A súa primeira actuación foi o 26 de
Agosto do 2011 na Discoteca Diva.
Formación: Sergio Soto "Pincho"
(Vocalista), Anxo Figueroa (Guitarra e Coros), Virginia Rosales
(Baixo e Coros), Eloy Vilaboa (Guitarra e Coros), Jonathan Amoedo
"Nitri" (Batería).
%20Festival%20de%20Canci%C3%B3n%20In%C3%A9dita%20o%2028%20de%20outubro%20de%201991.SBen.jpg)
