O pioneiro deste deporte foi o Redondela,
que en marzo de 1947 perde co Arosa o partido que daba acceso á
fase final da Serie A Rexional.
Anos
despois formaríase o Choco (non
confundir co club de fútbol), que en xuño de 1959 xoga a final do
campionato Galego xuvenil, enfrontándose ao Orense.
 |
| 1959, Choco. Foto Siorty-El pueblo gallego |
Tomou
o relevo o Rayo Hockey Club,
que debutaba en categoría xuvenil na tempada 1960-1961 e, ao ano
seguinte, tentaba sen éxito formar un conxunto sénior
para disputar a 2ª división galega. En 1962 o equipo xuvenil estaba
formado por: Romero, Fontano, José Carlos, Eduardo e Raúl.
En
novembro de 1968 a S.A.R.
forma un equipo de hóckey
en patíns, nunha
época na que en Galicia tan só contaban con equipos de hóckey
A Coruña, Vigo e Ponteareas. Os partidos, coma os de balonmán,
xogábanse na pista da Xunqueira. No seu primeiro ano, 1969, a SAR
quedou 2ª nos I Juegos de Vigo,
enfrontouse ao Laincobre
na 2ª eliminatoria da Copa del
Generalísimo e disputou a recentemente
creada Segunda División Nacional con: José G. del Moral, José Luis
Souza, José C. Gunche, Juan José Muíños, Ángel Martínez, José
María Álvarez, Dosi e Francisco Soto. Ese ano con motivo da
inauguración das melloras da pista da Xunqueira disputaron un
campionato a SAR, o Traviesas de Vigo
(campión galego) e os portugueses Oquei
Clube de Barcelos e Vitoria
Sport Clube. Ao ano seguinte formaban o
equipo: Juan José, José María Gunche, Francisco Soto, Dosi, Geli,
De Haz, Ángel Martínez, Carreira, Juan Araujo e Bernardo Soto.
 |
| SAR, 1969. Fondo Dositeo Pérez, Arquivo Audiovisual Concello de Redondela |
En xullo de 1969 presentouse o equipo
xuvenil aliñando a: Pedro, Ángel, De Haz, Javier, Victoriano e Cal.
En
abril de 1970 disputou o seu primeiro partido o equipo infantil
empatando co Traviesas de Vigo, campión provincial, ao que derrotou
en xullo no I Trofeo SAR de Hockey
Infantil. A aliñación estaba composta
por: Jacinto, Nao, Tonio, Juan José, Marcos e Villadangos.
Suplentes: Paulino, Marzabal, Bernardo e Cote.
En 1970 celebrouse
o I Trofeo Groba de
balonmán e hóckey,
enfrontándose o
equipo infantil contra unha selección provincial e o sénior
contra o Traviesas de Vigo, campión galego. Por desgraza saíron
derrotados os dous equipos. Foron obsequiados cun reloxo os mellores
xogadores locais: Juan José, infantil, e José María Álvarez,
sénior.
 |
| SAR infantil. Foto cedida por Cobián |
Autor: Juan Migueles
BIBLIOGRAFÍA
SEREN
Nº0-A
Sociedade Atlética Redondela (S.A.R). Miguel López Docampo.
Antonio Ocampo
Otero. Doctor en Medicina y Cirugía. Bodas de Oro(1939-1989)
Caderniños do
Instituto de Chapela. Coordenador: X.M.González Fdez.
- Nº1. As festas do Corpus en Redondela (1875-1975).
- Nº3. O deporte no sur da provincia de Pontevedra.
La Vozde Galicia
Faro de Vigo
En Galiciana-Biblioteca
Digital de Galicia. Xunta de Galicia:
http://www.galiciana.bibliotecadegalicia.xunta.es
=> El Pueblo Gallego, Hoja Oficial del Lunes, La
Noche, El Correo de Galicia
