Fábricas de cepillos

 

Fábrica de cepillos EIMA. Semanario El Español anos 50

E. I. M. A. ou Fábrica de Brochería y Cepillería S. A. (“A de Ferrín”ou “La Negrera”).

Empresa establecida en Redondela en 1934, por Bautista Ferrín Lorenzo, natural de Zamora. Colaboraban na dirección os seus fillos Jeremías e Julián Ferrín Belandas. Co tempo, faríase cargo do negocio o sucesor, Julián Bautista Ferrín Vázquez. Nos anos 60 era propiedade de José Álvarez Campos.

Empregadas de EIMA, 1927. Foto cedida por Genoveva  Loureiro

          Como Regojo esta fábrica veuse favorecida pola Guerra Civil confeccionando cepillos de dentes, de calzado, de roupa..., para os soldados do bando nacional. Nos anos 50 chegou a producir 5 millóns de cepillos ao ano, distribuíndo a súa produción por todo o territorio nacional. Este rápido crecemento levou á construción en 1939 dun moderno edificio situado na estrada de Vigo, próximo á estación do ferrocarril. A principios dos 50 tamén contaba cunha sucursal en Vigo especializada nos aglomerados de madeira.

1927-35 Ferrín (sombreiro) e varios empregados. Foto cedida por Genoveva Loureiro

             A historia desta empresa está marcada polos incendios. O 31 de marzo de 1941 un incendio nuns almacéns alugados preto da empresa saldouse con varios mortos. En agosto de 1964 sería o propio edificio central o que ardeu provocando perdas millonarias pero, desta volta, sen vítimas mortais apesares de atoparse nas instalacións máis de cen traballadores. En febreiro de 1975 a negativa da dirección a subir os soldos provocou un conflito laboral cos seus 75 empregados que, coa mediación dun letrado sindical, rematou cun aumento de 35 pesetas sobre o salario base. A empresa pecharía definitivamente a principios dos anos 80.

Incendio en EIMA 1964. Fotos Arjones-El pueblo gallego

Estado das instalacións de EIMA en 1993. Foto IPAIVC.

 

         Na actualidade as instalacións son empregadas por varios negocios comerciais.

Cepillería Gallega.

Fábrica de cepillos, brochas e pinceis situada na Xunqueira, fundada por Bienvenido Míguez Lago e Manuel Leirós Fernández “Machaquito”. Co tempo pasaría a ser totalmente de Manuel Leirós, cando menos dende 1948, limitándose Bienvenido a cobrar o aluguer do inmoble que era da súa propiedade. En xullo de 1960 esta empresa sufriría un gran incendio que a reduciu ás cinzas, así como ao anexo garaxe de Bienvenido. Por sorte non houbo vítimas mais a destrución foi tal que se afundiron paredes e teitos. Normalmente no garaxe se gardaban cinco camións e unha DKW, pero por nese intre tan só había un camión que puido ser sacado a tempo. As malas linguas afirman que o lume fora provocado para cobrar do seguro.

 

Incendio da Cepillería Gallega, 1960. Foto cedida por Isabel Martínez

Incendio da Cepillería Gallega, 1960. Fotos: Fotsca-La Noche

Outras Fábricas de cepillos

 

Fábrica de Cepillos de Saavedra (o 43).

Estaba na Portela, entre a Fedora e a estación.

 

Fábrica de Cepillos de José Araújo Vázquez

Na rúa Espírito Santo nos anos 50-60.

Veiga y Tojeiro.

Fábrica de cepillos e brochas na rúa Prata nos anos 50-60. Especializada en cepillos industriais.

Anuncio 1954

Cándido Bouzas Puerta

A mediados dos 60, na rúa Juan Manuel Pereira.

 

Sanver

A finais dos 60 na rúa Eidos.

 

Autor: Juan Migueles

BIBLIOGRAFÍA

Doctor en Medicina y Cirugía. Bodas de Oro (1939-1989) Antonio Ocampo Otero.

Arredor de nós. Historia da Policía Local 1863-2003. Gonzalo Amoedo López e Roberto Gil Moure. 2003

Galeguismo e sociedade na Redondela da Segunda República. Lois Barros. Edicións do Castro

Redondela, crónica dun tempo pasado. A Segunda República e o primeiro franquismo. Gonzalo Amoedo e Roberto Gil. Edicións do Castro 2002.

Arquitectura Industrial en Vigo. Proyecto COAG/Vigo. Patrimonio Arquitectónico Moderno y Contemporáneo en Galicia. Iria Sobrino Fagilde

Patrimonio Industrial da Ría de Vigo. www.entremosnapanificadora.com

Aportes: Gonzalo Amoedo, Manuel Migueles, Matilde Fernández, Nanato Lago Amoedo e Jesús Queimaliños.

Arquivo do Concello de Redondela: Matrícula Industrial: 1885-86, 1886-87,1887-88, 1889-90, 1890-91, 1891-92, 1892-93, 1893-94, 1899-1900, 1893-94, 1896-97, 1897-98, 1898-99, 1899-1900, 1900-1914.

ABC: http://www.abc.es/hemeroteca

El Correo Gallego: http://www.elcorreogallego.es/index.php?idMenu=130

La Vanguardia (dende 1881): www.lavanguardia.es/hemeroteca

http://www.csbg.net/

www.hemerotecadigital.bne.es

Anuario del comercio, de la industria, de la magistratura y de la administración: 1879-1884, Revista de geografía comercial...

BOE > www.boe.es

Doctor Jordi Nadal: la industrialització i el desenvolupament econòmic d'Espanya. Editado por Albert Carreras,Miquel Gutiérrez (Google Books)

www.mcu.es:=> Varios xornais

Documentación de Manuel Otero Lago.

Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es => La Integridad, El Pueblo Gallego, Hoja Oficial del Lunes, El Progreso, El Lucense, La Correspondencia Gallega, Gaceta de Galicia, Diario de Galicia, La Noche, Vida Gallega...

Biblioteca Nacional. www.hemerotecadigital.bne.es => Mediterráneo

Programa Festas da Coca. Varios anos.

Aportes. Manuel Seijas e Manuel Migueles.