Mestres-as
Os
datos máis antigos referentes
ao ensino lévanos a varios relixiosos nados en Redondela:
Marino de Lobera,
Pedro (Redondela, s. XVI)
Catedrático
de Filosofía en Santiago. No 1557 foi nomeado Rector do colexio de
Fonseca, antecedente do que sería a Universidade de Santiago.
Juan
Mariño de Lobera
Rector
do colexio de Santiago Alfeo en 1616.
Francisco
Groba Carballido.
Rector
do colexio de Fonseca no 1658, logo ocuparía unha das canonxías da
catedral tudense.
E
no século XVIII:
Madre Constanza de
Jesús.
Fundadora
do Colexio dos Remedios as Orfas de Santiago de Compostela.
Fontenla, Joaquín
(Redondela, 1744 / ¿Santiago?, 20-6-1815)
Relixioso
da Orde de San Agostiño. Prior do Convento de San Agustín en
Santiago de Compostela. Catedrático de Teoloxía e reitor
da Universidade de Santiago.
Neste
mesmo século, centrándonos en Redondela, no Catastro de Enseada
(1752) de Cesantes aparece: “Un labrador llamado Juan
García al cual por el oficio de enseñar gramática tiene
utilidad al año 200 reales de vellón. Otro labrador también se
ejercita en poner escuela y enseñar niños llamado Bartholome
Fernández y por ello tiene de utilidad al año 150 r. v.”
Xa no s. XIX Pedro
Couñago foi reitor
do colexio Fonseca cara a 1840.
Relación de mestras e mestres que exerceron no S. XIX e
primeira metade do s. XX en ou de Redondela
María “a
de Cambote”
Daba clases na súa
casa da rúa Ribeira a finais do s. XIX.
Abalo Fontenla,
María
En
xaneiro de 1935 foi nomeada mestra interina na graduada de Redondela.
En agosto de 1937 é trasladada de Trespieles (Fornelos) a
Negros, e en outubro dese mesmo ano a O Viso. Continuaría nesta
última escola ata 1940 ou 1941.
 |
| Abelleira Blanco, Dolores-Foto Mestras de Redondela |
Titulada na Escola
Normal de Pontevedra. Mestra en varias escolas rurais: Zamáns
(Vigo), Nespereira (Pazos de Borbén)- achegábase tódolos días
camiñando dende Redondela-, Silvoso (Ponte Caldelas) e Rianxo onde
se xubilou con 70 anos. Establecería a súa residencia en Noia.
Casada co tamén mestre Eduardo Sánchez Otero.
Albán, Amalia
En xullo de
1896 é nomeada para a escola de Ventosela. Non sabemos se chegou a
exercer nesta escola porque en outubro nomeouse a outra mestra. En
novembro do ano seguinte figuraba como mestra de Entienza.
Alejandro Cubelas,
Manuela
Rematou os seus
estudos de Maxisterio en Pontevedra en 1926. Despois de reclamar
contra o seu nomeamento como mestra de Decomodá Vallehermoso (Sta.
Cruz de Tenerife), o de setembro de 1934 adxudícaselle
definitivamente a escola de Negros. Volta a recorrer o nomeamento,
pero ensina nesta escola ata que o 14 de decembro de 1946
concédeselle tamén con carácter definitivo a escola de Vilar
(Crecente).
Alén Solla, María
Recen
aprobada a oposición, en decembro de 1918 é destina como mestra
a escola do Viso Deixou esta escola en decembro de 1922, cando por
“derecho de consorte” é trasladada á escola graduada de
nenas de Pontevedra, cidade onde exercía o seu home, Alfredo García
Hermida.
Alfaya García,
Aurea
Mestra.
Membro da Falanxe.
Alonso ¿?, Juan
Era mestre no
concello de Redondela en 1935.
Alonso Pérez,
Benito
En setembro de 1925
foi nomeado mestre interino de Saxamonde.
Alonso Veiga,
Serafín (Chaín-Gondomar, ¿?)
 |
| Alonso Veiga, Serafín. Foto: Redondela, crónica dun tempo pasado |
Chegou
a Redondela tras ser nomeado mestre de sección da graduada en
novembro de 1931. Despois exerceu na Escola Masculina de Cesantes.
Logo pasaría á escola de Beade (Lavadores-Vigo), parroquia na que
tamén ensinaría a súa esposa Laureana Pérez Sousa. En novembro de
1937 é sancionado con trasladado a outra escola da provincia, a de
Goián.
Álvarez Araujo,
Rita (Redondela 22-7-1910 / Pontevedra 1984)
Examinouse na Escola
Normal de Pontevedra. Entre os seus primeiros destinos estivo Aranza
(Soutomaior). En 1957 trasladouse a Torrejón de la Calzada onde
traballaría durante 15 anos. Xubilaríase con 70 anos en Arganza
(Madrid).
Álvarez Gallego,
José María
En xaneiro de
1938 é nomeado mestre interino de Vilar de Infesta. Non chegaría a
exercer porque pouco despois élle
concedida a permuta solicitada con Trinatario Barreiro, mestre de
Salcedo.
Álvarez Quintas,
María de los Ángeles
Foi
nomeada mestra de Negros en febreiro
de 1948.
Álvarez Rodríguez,
Felisa
En
agosto de 1943 publícase o seu traslado de Ourense a Redondela.
Ensinou na nosa vila cando menos ata 1955.
Amado Cundíns,
Enrique
O 16 de novembro de
1901 é proposto por concurso único para a escola de Chapela, sendo
nomeado en marzo do ano seguinte. En agosto de 1906, deixa Chapela,
sendo nomeado para a escola de Quintela, na que se xubilaría antes
de 1918..
Amil, José
No libro de defuncións
de Vilavella, entre os asasinados polos franceses en 1809 aparece:
“José Amil, escolante, marido de Manuela Vázquez, era pobre,
no tenía nada más, que lo que ganaba con su escuela de niños de
primeras letras, quedándole una hija llamada Josefa Amil”.
Amor Ruibal, Segunda
Nomeada en xuño de
1892 para a escola de Cabeiro. En
virtude de concurso único iría destinada como mestra da mixta de
Carracedo (Caldas de Reis), en xaneiro de 1893.
Ampudia González,
Amalia
En marzo de
1900 foi nomeada mestra en propiedade de Reboreda, cun haber anual de
625 pesetas. Esta escola saíra a concurso en febreiro do ano
anterior, nomeándose a varias mestras que non aceptaron o cargo. En
agosto de 1903 cumpría os 12 anos de servizo. En xaneiro de 1904
continuaba na mesma escola cando solicita un aumento de soldo en
función do censo. En abril de 1905 nomeada mestra de Punxin
(Ourense).
Ancochea, Ernestina
Sendo mestra en
Redondela, en outubro de 1901 apróbase a mellora do seu expediente a
230 pesetas.
Ancoechea Montes,
Román
Redactor do
xornal “El Pueblo”. En abril de 1896 foi nomeado mestre da escola
de nenos de Redondela. Anteriormente, era mestre no Barco de
Valdeorras. A finais deste ano comezou a dar clases nocturnas
gratuítas aos adultos. En xaneiro de 1897 subíronlle o soldo a 200
pesetas polos seus sacrificios e conseguir que a cifra de nenos que
asistían á escola chegara ata 198. En maio de 1897 foi nomeado
delegado da Liga Protectora de Educación Nacional, en Madrid.
En abril de 1898, sendo mestre aínda en Redondela é proposto para
un premio. En maio dese ano falece na nosa vila.
Andrea Gallego,
María Benita
Nomeada
mestra interina da escola nacional de Ventosela, en xaneiro de 1913.
Antolín Docampo
Mestre sancionado no
proceso de depuración tralo alzamento nacional.
Arca Villar, José.
Nomeado
mestre interino da escola de Redondela, en decembro de 1893. Promotor
dunha logia masónica na vila no 1894. En xuño
de 1895 foi separado do cargo con perda de haberes dende o día que o
abandonou.
Arias García, María
Josefa
Era mestra en Labaña
(León), cando en xullo de 1926 foi nomeada con carácter definitivo,
para Trasmañó. En 1930 e 1931 solicita a permuta coa mestra de
Chapela, sendo a petición desestimada nas dúas ocasións.
Continuaba en Trasmañó en 1935.
Arias García, María
Concepción
En
agosto de 1930 consta como excedente de Frades Requián, cando é
nomeada definitivamente para Saxamonde. En maio de
1933, desestímanlle unha mellora de posto no escalafón.
Deixa esta escola cando en outubro de 1934, acada destino definitivo
na escola de párvulos de Santa Lucía (León)
Arines ¿?, Antonio.
Tivo
escola na Rúa Oriente (hoxe Telmo Bernárdez).
Arines Escariz,
Ramón
En
1956 era mestre nacional en Viana do Bolo.
Armesto Salgado,
Juan
Acadou o título
de Maxisterio en Lugo. O 11-4-1933 é nomeado mestre de Ventosela.
Antes de tomar posesión superou as probas para ascender ao 1º
escalafón. En maio de 1935 autorízase a súa permuta co
redondelán Fermín Blanco Alfaya, mestre de Moura (Nogueira de
Ramuín).
Barbeito Cabezudo,
Avelina
En 1879 tiña escola
privada de nenas na rúa Oriente (actual Telmo Bernárdez) con 29
alumnas. Era mestra da escola nacional de nenas de Vilavella en 1894.
En outubro de 1903, seguía no mesmo centro cando por virtude do
Censo, o Reitorado confirmouna no cargo e expediu novo título
administrativo con soldo de 625 pesetas.
Tivo a honra de ter
entre o seu alumnado a Ernestina Otero Sestelo.
Barral ¿?, María
Cesou como
mestra de Ventosela en xuño de 1910.
Barral ¿?, Petra
Tiña escola na
R. Juan Manuel Pereira nos anos 30-40.
Barreiro, Juan
Benito
En xuño de
1892 é nomeado mestre interino de Cabeiro.
Barreiro, Trinatario
En
febreiro de 1938, o Reitorado concedeu a permuta solicitada por Jose
María Álvarez Gallego, de Vilar de Infesta, e Trinatario Barreiro,
de Salcedo.
Barreiro Seoane,
Carmen (Oza dos Ríos 1899 / Redondela maio 1993)
Criouse e estudou en
Pontevedra, onde acadou o título en 1926. Iniciouse na ensinanza en
Xeve (Pontevedra) e Cepeda (Pazos de Borbén). En 1944 comeza a dar
clases na escola unitaria mixta de Outeiro das Penas (Cesantes), na
que permanecerá ata a súa xubilación aos 70 anos.
 |
| Barreiro Seoane Carmen-Foto: Mestras de Redondela |
Barrera Vázquez,
María de la Concepción “Concha” (Becerreá 1908 /
Chapela 1983)
Aprobou Maxisterio na
escola de Santiago de Compostela. Pasou polas escolas de Lugo e
Avilés antes de instalarse na escola unitaria de nenas de Laredo
(Chapela) no 1934. Foi suspendida de emprego e soldo o 1-9-1936. Logo
da súa reinserción, a finais de 1937, seguiría dando clases ata
que motivos de saúde a obrigaron a xubilarse en 1970.
Barros Portela,
Florinda
Nomeada mestra de
Ventosela en outubro de 1896.
Becerra López,
Antonio Victoriano
Mestre de Saxamonde
dende 1868, cando se xubila en xullo de 1904.
Becerril, María
Consuelo
Nomeada
mestra interina do Viso en febreiro de 1936.
Berdeal Neira,
Sebastián
Comezou
a exercer cara a 1895. En 1899 é nomeado substituto
de Burgueiras (Oia), exercendo despois na anexa á Normal de
Pontevedra e no Val. En
marzo de 1901 foi nomeado mestre interino de Chapela. En
febreiro de 1905 nomeado mestre de Saxamonde, onde exerce ata xuño
de 1918, cando é nomeado mestre de Quintela. En febreiro de 1929
concédeselle
autorización para solicitar escola.
Bermúdez Otero, Mª del Carmen (F. Vilavella, 1957)
Propietaria e mestra dunha escola na Rúa Loureiro, recibiu autorización de apertura en 1904.
Bermúdez Otero, Carmen (Carmiña) (Redondela 29-11-1896 / Redondela 24-10-1989)
 |
| Bermúdez Otero Carmen-Foto Mestras de Redondela |
Bermúdez Santomé,
Carmen
Propietaria
e mestra dunha escola na Rúa Loureiro, recibiu autorización de
apertura en 1904.
Bernárdez, Angelita
Mestra en Redondela en
1921.
Bernárdez Barro,
Antonio
Foi nomeado
mestre substituto no Viso en febreiro de 1928. Cesa no cargo dous
meses despois ao reincorporarse o titular, Enrique Soto Fontán.
Bernárdez Gómez,
Jesús (Redondela, 1915)
Fillo do médico
Telmo Bernardez Santomé. Facía prácticas de Maxisterio ao
inicio da Guerra Civil. Estivo preso na illa de San Simón e
posteriormente exiliouse a México.
Naquel país exerceu a docencia, escribindo varios libros sobre o
ensino das matemáticas.
 |
| Bernárdez Gómez, Isabel-Foto: Mestras de Redondela |
Filla do médico Telmo
Bernárdez Santomé. Rematou os seus estudos de Maxisterio en
Pontevedra en 1936. Tan só chegou a exercer nunha escola rural de
Cambados por mor da Guerra Civil. O seu pai, Telmo Bernardez Santomé,
foi executado en 1936 e ela sería afastada do seu posto, tendo que
exiliarse a México coa súa nai e irmáns.
Bernárdez Gómez,
Telmo (Redondela, 1913)
Fillo
do médico Telmo Bernardez Santomé. Foi mestre en Lérez, Bueu e
Mos. Preso ao inicio da Guerra Civil pasou por varias cárceres,
entre elas a illa de San Simón. Posto en liberdade en 1940 exiliouse
a México, onde traballou para laboratorios farmacolóxicos e, nos
seus derradeiros anos de vida laboral, como administrador de axencias
inmobiliarias.
Bernárdez Santomé,
Amelia (Redondela)
Irmá de Telmo
Bernárdez. En febreiro de 1910, foi nomeada mestra interina da
escola de Salceda, co soldo de 412’50 pesetas anuales. En 1918
ascende a 1.500 pesetas, sendo daquela mestra en Riverteme. En 1928
era mestra de Tomiño, cando se casou co alcalde de Salvaterra, tamén
mestre.
Bernárdez Santomé,
Concepción “Concha” (¿? / Redondela, xaneiro 1924)
En decembro de
1920, é nomeada mestra interina da escola de nenas de Redondela.
 |
| Blanco Alfaya, Fermín. Galeguismo e sociedade na Redondela da II República |
Involucrado en
política en 1932 xa forma parte do Partido Galeguista de Redondela.
Como mestre a finais de 1931 é nomeado interino da escola de Lalín
nº2. O seu primeiro destino na nosa vila sería en decembro de 1933
cando é nomeado interino na escola de Cidadelle (Chapela). A nivel
persoal casouse o 7 de xullo de 1934 en Vilagarcía, coa tamén
mestra redondelá, Luisa Gómez Fernández.
En maio de 1935
autorízase a súa permuta con Juan Armestro Salgado, mestre de
Ventosela. Seguía nesta
escola cando en 1936 é destituído e encarcerado. En xullo de
1937 é reposto con perda dos haberes que deixou de percibir e
trasladado a unha escola de Hérmenes do Cerrato (Palencia), quedando
inhabilitado para cargos directivos e de confianza. En abril de 1938
queda sen efecto o traslado e reintégrase á escola de Ventosela.
Pouco despois incorpórase a filas, volvendo a exercer ao remate da
Guerra.
En setembro de 1939
pasa a cubrir provisionalmente unha vacante en Redondela. Despois de
pasar pola escola de Ventosela, en xaneiro de 1948 é trasladado á
de Reboreda, tendo exercido daquela 12 anos, 1 mes e 9 días. En 1958
aprobouse o seu traslado a unha sección graduada de Redondela.
Blanco Lago, Natalia
e Pilar.
Coñecidas
como as Andaluzas porque eran de Xerez. Daban clases en
Redondela de xeito privado na primeira metade do século XX. A
primeira morreu en 1958 e a segunda en 1940.
Blanco Pérez,
Alfredo
En febreiro de
1899 é nomeado mestre da escola de nenos completa de Redondela, por
abandono do anterior, Jesús Segond Berdiales.
Bouzas Cabanelas,
María Juana
En outubro de
1902 nomeada mestra en propiedade de Escuadro (Silleda). O 10
de xuño de 1904 é nomeada fóra de concurso como interina na escola
mixta de Cedeira. En setembro dese mesmo ano é nomeada en propiedade
para a escola de nenas de San Xurxo (Cotovade). Cando menos entre
1908 e 1918, seguía en Cotovade, pero na mixta de Almofrei.
Braga Valle, José
En agosto de
1943 aprobouse o seu traslado de Bahiña a Cedeira (Redondela).
Seguía na mesma escola en 1963 cando foi nomeado concelleiro de
Redondela polo terzo familiar.
Brea Real, Generosa
En
febreiro de 1935 aparece como residente en Redondela nunha relación
de mestres aspirantes a interinidades ou substitucións de escolas
nacionais.
Bugallo Fráiz, José
En agosto de
1939 era interino en Cedeira.
Caamaño Bournacell,
Dolores
En maio de 1926 foi
nomeada mestra interina de Santo Paio de Arriba (Reboreda).
Cabaleiro ¿?, Luis
Co seu curmán
Gonzalo Muíños, nos anos 40 daban clases de
Bacharelato na escola que tiñan Paulina Sánchez e Carmiña Lago na
Rúa Isidoro Queimaliños.
Cabaleiro ¿?, Rita
Tiña escola na
Rabadeira (Cedeira) nos anos 30-40.
Cajide, José
Nomeado
mestre interino de Redondela en febreiro de 1891.
 |
| Esmeralda Cal Fernández. Mestras de Redondela |
Examinouse na Normal
de Pontevedra. En 1929 exercería como interina na graduada de nenas
de Redondela. En 1931 acadaría praza en Vilar de Infesta. Pasaría
logo, en xullo de 1933, a Padróns (Ponteareas), chegando a percorrer
os 20 km. de distancia a Redondela a pé. En outubro de 1934, sería
trasladada a Louredo (Mos). Entre 1936 e 1938 foi afastada do seu
cargo. Instalaríase definitivamente en 1959 en Reboreda onde
impartirá clases durante 20 anos.
 |
| Cal Fernández, Raimundo. Redondela, crónica dun tempo pasado |
Secretario
xeral das Mocidades do Partido Galeguista de Redondela e
Responsable de Prensa e Propaganda da provincia de Pontevedra durante a campaña do Estatuto, era estudante de Maxisterio cando se iniciou a Guerra Civil. Nomeado mestre de Petelos en 1942, foi apartado da docencia por motivos políticos. Restituído en 1950 solicitou praza en Logroño e 6 anos despois na parroquia de Reboreda. En 1965 foi nomeado para a escola de nenos de O Viso. Xubilouse en Reboreda. Déronlle o seu nome a unha rúa.
Responsable de Prensa e Propaganda da provincia de Pontevedra durante a campaña do Estatuto, era estudante de Maxisterio cando se iniciou a Guerra Civil. Nomeado mestre de Petelos en 1942, foi apartado da docencia por motivos políticos. Restituído en 1950 solicitou praza en Logroño e 6 anos despois na parroquia de Reboreda. En 1965 foi nomeado para a escola de nenos de O Viso. Xubilouse en Reboreda. Déronlle o seu nome a unha rúa.
 |
| Cal Fernández, Rosario-Foto: Mestras de Redondel |
Examinouse por libre
na Normal de Pontevedra. Pertencía ó Grupo Galeguista polo que lle
rebaixaron o número obtido na oposición do nº 5 ó 24. En 1942
empeza a traballar na escola mixta de Vilachán do Monte (Tomiño).
Pasaría logo por Amorín (Tomiño), Pazos de Borbén, Cesantes e
Redondela.
Cal Garrido,
Manuel
Nomeado
en abril de 1891 para a axudantía de Redondela. En novembro de 1903
foi nomeado mestre de Laxe (Fornelos), na que continuaba en 1911.
Calzas González,
Julián
En
abril de 1919 nomeado mestre en propiedade como opositor procedente
da de Soria, da escola de Trasmañó. Máis
tarde déuselle a baixa por pasar a servir noutro corpo ao entrar no
exército. En marzo de 1923, despois de loitar en África, solicita a
súa reincorporación ao maxisterio cando sexa licenciado. Despois da
súa reincorporación solicita e concédeselle en setembro de 1925 o
seu traslado a Peñaranda de Dueso (Burgos).
Campos Pérez,
Antonio Martín
En outubro de
1934, sendo mestre en Amoedo (Pazos de Borbén), acada praza
definitiva na escola de Trasmañó, na que continuaba en 1938.
Carballo
Otero, Lorenzo (Pontevedra,
1830)
Exerceu
como enfermeiro durante as epidemias de cólera en Cambados (1853-54)
e
Redondela (1865).
En 1871 era o
director da escola de instrución primaria de Redondela, cando o 22
de novembro a Dirección Xeral de Instrución Pública concede unha
colección de libros, formada por 155 obras, para a creación dunha
biblioteca popular neste centro. En decembro de 1872 foi proposto
para unha cruz de María Victoria de segunda clase. En xuño de 1891
foille concedida a xubilación. A principios do século XX a rúa
Casto Sampedro tiña o seu nome.
A
súa biografía apareceu publicada en Los
Maestros de España. Biografías y estudios estadísticos sobre la
primera enseñanza (Pontevedra:
Establecimiento Tipográfico de José Millán, 1885).
Carballo Pesqueira,
Francisco
Mestre
da Escola incompleta de Quintela cando menos entre 1876 e 1879.
Carballo Soto,
Baldomero
Era mestre en O
Rosal ata que en outubro de 1910 apróbase a permuta con Antonio
Dobarro Gil, mestre en Redondela. Deixa a nosa vila cando en novembro
de 1918 apróbase a súa permuta con José Gallego Martínez, mestre
na Estrada. O 20 de marzo de 1932 a través do xornal El Soplete
envíalles unha aperta ós seus ex-alumnos de Redondela aos que
agarda ver no próximo verán.
Carracedo Barrio,
María
En setembro de
1936 é destinada como mestra interina a unha sección da graduada de
Redondela.
Carreira Carreira,
Antonio
Residente en
Trasmañó é destinado como interino a Cerdeiras (Orol-Lugo) en
xullo de 1939.
Carrera Gómez,
Manuel
En outubro de 1921 foi
nomeado mestre interino de Saxamonde.
Carrete Gardasse,
Feliciano
O
15 de setembro de 1890 inaugúrase en Redondela unha escola de 1º e
2º ensino de ambos sexos, baixo a advocación dos Sagrados Corazóns
de Xesús, dirixido por Feliciano Carrete, Quen fora mestre nun
instituto galego e falaba varios idiomas.
Carrete Rebolledo,
Gabriel.
En
1923 era o director do Colegio Cervantes. Anos
despois tiña escola na rúa Francisco de Federico (actual
Padre Crespo).
Carsi Veiga, Mariano
En
setembro de 1936 nomeado mestre interino de Chapela.
Casal Piñeiro,
Efigenia
Non era de
Redondela. Ensinou na vila como interina ou substituta.
Casas Builla
Rodríguez, Eduardo.
En febreiro de
1938 foi nomeado mestre interino de Reboreda, procedente da graduada
do Areal (Vigo). En xaneiro de 1939 aparece nunha lista de aspirantes
a interinidades.
Castejón Deuche,
Felicidad
En outubro de
1921 é nomeada mestra interina da escola de Vilavella.
Castillo, Josefa
Soledad
Foi separada da
docencia por expediente gobernativo e reincorporada por Real orde de
15 de marzo de 1916, concedéndoselle a autorización para solicitar
praza fóra de concurso. O 17 de outubro sería nomeada para a escola
de Cabeiro. En xullo de 1918 apróbase o seu traslado a Guillade
(Ponteareas). O 15 de setembro de 1919, seguía ensinando en Cabeiro,
cando foi desestimada a súa petición para o abono do tempo que
estivo apartada do maxisterio.
Castro Fernández,
Antonio
Por
concurso de traslado, en xuño de 1949, Antonio Castro Fernández,
procedente da escola de Santiago de Cerreda (Ourense), é nomeado
para a unitaria de Ventosela.
Castro Lago, María
del Carmen
Nomeada
en 1886 auxiliar da escola completa de nenas de Redondela, onde
ensinaba a súa nai, Maximina Dolores Lago Cobián. En marzo de 1897
pasa a dirixir unha nova escola de nenas na Estrada.
En
novembro de 1903 volta á nosa vila como interina na escola de nenas
de Redondela, acadando por oposición a praza en propiedade en marzo
de 1905. En novembro de 1918 ascende de categoría pasando a cobrar
2.000 pesetas. En 1920 proponse que, xunto a José Castro mestre de
Covelo, se lle outorguen gracias de Real Orden por seres os únicos
mestres da provincia que viñan cumprindo a Real Orden de abril de
1918 dende a súa publicación, pola que se recomendaba a celebración
de excursións e paseos escolares. En agosto dese ano o Consello da
Instrución Pública declarou útil para o ensino a súa obra “La
mujer educadora”. Un mes despois é nomeada directora da nova
escola graduada de nenas de Redondela.
En
maio de 1921, é elixida tesoureira da Asociación de Mestres de
Redondela. En xuño dese ano volta a ver aumentado o seu soldo a
3.500 pesetas.
Sería
suspendida de emprego e soldo o 1-9-1936 e reposta ás súas funcións
en xuño de 1937. Xubilouse en 1941 despois de case 40 anos ensinando
en Redondela.
Castro Sánchez,
Cándido
En xullo de 1927
atópase entre os aprobados nas últimas oposicións e concédenlle a
escola de Saxamonde. En decembro de 1928 abandona a nosa vila, sendo
trasladado a Ávila.
Cendón González,
Francisco
En
setembro de 1917 é nomeado mestre interino de Chapela, saíndo a
praza a concurso a finais dese mesmo ano. En xaneiro de 1919,
volvería
a ser nomeado interino para o noso concello, desta volta para a
escola de Cesantes.
Cervera Gómez,
Manuel
En
outubro de 1915 foi nomeado mestre interino de Vilar de Infesta.
Cerviño Ferrín,
José
Mestre
depurado que sería reposto en novembro de 1937 con perda dos haberes
de seis meses e traslado dentro da provincia, concretamente a Godos
(Caldas de Reis). Sería trasladado, en novembro de 1937, á
escola de Ventosela. Pouco despois troca esta escola pola de
Oliveira.
Cerviño Ferrín,
Manuel
En agosto de
1934, sendo mestre en Tinlores (Ourense), é proposto para a escola
de Reboreda. Suspendido de emprego e soldo en setembro de 1936, sendo
restituído en novembro dese mesmo ano ao seu posto en Reboreda. En
xaneiro de 1938 é suspendido por 10 meses. En 1940 continuaba
ensinando en Reboreda.
Cifuentes Pons,
María de los Ángeles
Nomeada mestra
propietaria de Cesantes en xaneiro de 1925. En agosto de 1930 nomeada
para Ourense (San Lorenzo).
Clemente Soto, José
Foi mestre no Viso,
ata que en xaneiro de 1904 o Ministerio de Instrución Pública
accede á xubilación que por idade tiña solicitado. Falecería
naquela parroquia en xullo de 1907.
Comesaña López,
Máximo
Rematou a
carreira no 1935. En setembro de 1936 nomeado mestre interino para
unha sección da graduada de Redondela. En xaneiro de 1940, foi
nomeado interino de Negros, e mestre titular desta escola en agosto
de 1942. Nos anos 50 estableceuse no Ferrol, vindo a miúdo a visitar
Redondela coa súa familia.
Contreras
Alfaya, Eulalia (Redondela)
En
febreiro de 1935 aparece nunha relación de mestres aspirantes a
interinidades ou substitucións
de escolas nacionais. En setembro de 1936 é nomeada mestra interina
da escola de Igrexa (Chapela). En Redondela formará parte da Sección
Femenina de Falange.
Contreras
Alfaya, María Socorro (Redondela)
Aprobou
a oposición en outubro de 1935.
En
setembro de 1938 elixe como primeiro destino a escola de Trespeles
(Fornelos), na que seguía a finais de 1939.
En 1942 atopábase exercendo en Cabral. En xaneiro de 1948 pola
quenda de consortes
adxudícaselle provisionalmente o seu traslado da Porteliña
(Pontevedra) a Quintela. En febreiro de 1948 concédeselle unha
licenza por enfermidade, exercendo daquela en Negros. Pertencía á
Sección Femenina de Falange
de Redondela.
Contreras
Alfaya, Teresa (Redondela)
Mestra.
Aparece nunha relación da Sección
Femenina de Falange de Redondela.
Contreras
Quirós, María Teresa (Redondela)
En
maio de 1936 aparece nunha relación de alumnos do grado profesional
que acaban de rematar o curso. En abril de 1942, concédeselle o
reingreso ao corpo activo como mestra excedente de Ribadelouro (Tui).
Contreras
Valiñas, Eulalia (Redondela)
Mestra. En xaneiro de 1901 é nomeada
mestra provisional da escola de Quintela. Ao ano seguinte cásase con
Apolinar Contreras Contreras, natural de Gaxate, que se establece en
Portugal onde fai fortuna grazas á importación de tabaco. A finais
de 1905 denúnciase o abandono da escola de Quintela por atoparse a
mestra vivindo co seu marido en Lisboa.
 |
| Contreras Valiñas, Eulalia. Foto: Vida Gallega |
Contreras Valiñas, Herculina
(Redondela)
Por
concurso único foi nomeada mestra da mixta de Xesta (A Lama) con 250
pesetas, en xuño de 1890. En novembro de 1903 foi confirmada
como mestra da escola completa
mixta de Forzáns (Pontecaldelas). Sería admitida a súa renuncia a
dita praza en marzo de 1906.
Corbacho Pajares,
María
Aparece
en abril de 1932 como aprobada no primeiro exercicio nunha lista de
cursillistas para ingreso no Maxisterio, para a escola de
Redondela.
Cores Fernández,
Francisca
Por
orde do 2 de abril de 1907 e en virtude do concurso de setembro do
ano anterior, foi nomeada mestra en propiedade de Cabeiro, deixando
vacante a de Pexegueiro en Tui. Seguiu no cargo ata 1915, ano en que
viu aumentado o seu soldo ás mil pesetas.
Cornes García,
Rosalía
En febreiro de 1923
tomou posesión do cargo de mestra interina da escola de nenas de O
Viso.
Cortizas ¿?,
Estrella
Tiña escola na
Praza Figueroa nos anos 30-40.
 |
| Cortizas Figueroa, Elena-Foto: Mestras de Redondela |
Antes de aprobar as
oposicións en Pontevedra en 1944 deu clases particulares xunto a
Maruja Fernández. Despois de 2 anos exercendo en Valbuena de
Pisuerga (Palencia) volta a Galicia en 1947, pasando polas escolas de
Bande (Ourense), Estacas (Fornelos de Montes), Fozara e Xinzo
(Ponteareas). En 1971 trasládana a Negros e 3 anos despois a
Redondela, onde permanecerá ata a súa xubilación no 1984.
Costa Veiga, Antonio
Mestre de Vilar
en 1942.
Couto Mallén,
Agustín
En xuño de
1918 é nomeado mestre interino da escola de Vilar Infesta.
Crespo Alfaya, Primitiva (Redondela)
Ingresou
na Normal de Pontevedra en 1926.
Crespo Martínez, Alfonso
Tenente
coronel. Mestre de xeografía e historia no colexio Mezquita de Vigo,
onde foi compañeiro de Francisco Fernández del Riego.
Criado Fontán,
María Josefina (Redondela)
Acadou
o título de Maxisterio en Pontevedra en xuño de 1936. Despois de
varias interinidades, en marzo de 1938, constando como pertence ao
grupo C, Hermano caído
en combate, é nomeada
substituta
para Sampaio de Arriba (Reboreda), escola na que continuaba en 1943.
Criado, Vicente
Mestre
da incompleta de Trasmañó cando menos dende 1871 ata 1879.
Cuena González,
María de la Concepción de
En agosto de
1937 é trasladada de Vadillo (Logroño) para Chapela (Redondela).
 |
| Mª del Carmen Cunqueiro. Mestras de Redondela |
Filla do que fora
alcalde de Redondela, Francisco Cunqueiro Montenegro. Estudou
Maxisterio en Pontevedra aprobando a oposición en outubro de 1935.
Comezou a exercer en 1938 na escola de Fragoso (A Estrada). No 1944
trasládase a Villadeséns (Girona) e 2 anos despois volta a Galicia
pasando polas escolas de Ventín (Fornelos), Calvos e Amoedo (Pazos
de Borbén). En 1955 abandona a docencia para coidar da súa primeira
filla.
Cuntín Sarandón,
Eduardo
Tiña
escola particular en Redondela cara a 1910. Logo exercería
como auxiliar da escola graduada do Centro de Vigo, permutando en
1914 co mestre de Tortoreos, As Neves, concello no que chegou a ser
alcalde.
Cuñarro Rodríguez,
Peregrina
Foi
nomeada mestra interina de Negros en febreiro de 1948. Probablemente
renunciou ao cargo porque poucos días despois é nomeada outra
mestra.
Davila Ubeira,
Perfecto
En
setembro de 1925 concédeselle unha excedencia por máis dun ano e
menos de dous a Perfecto Davila Ubeira, mestre de Saxamonde. Dous
anos despois solicita que se lle conmute a excedencia que ven
desfrutando por unha excedencia ilimitada.
Díaz Corbacho, José
Mestre de Trasmañó
en 1922.
Díaz Jiménez,
Santiago.
Entre decembro
de 1921 e novembro de 1922, substituíu como interino na escola
graduada de nenos de Redondela a Joaquín Pais Lorenzo que cumpría
o servizo militar. Neste período encargouse das crases para adultos.
Díaz Pedras,
Francisca
Aparece
en abril de 1932 como aprobada no primeiro exercicio nunha lista de
cursillistas para ingreso no Maxisterio, para a escola de
Redondela.
Díaz Pérez,
Avelino
Foi
nomeado mestre interino do Viso en outubro de 1932.
Dobarro Gil, Domingo
Antonio.
Cando
menos dende 1895 era mestre en Minas (Puerto Príncipe, Cuba). Foi
nomeado mestre en propiedade da escola completa de Redondela, dotada
con 1.100 pesetas, en setembro de 1899 en concepto de Mestre
repatriado. En abril de 1910 solicita do Ministro autorización para
introducir o ensino do Esperanto despois das leccións de Gramática
nas seccións máis adiantadas da escola. En outubro de 1910 permuta
con Baldomero Carballo Soto, mestre do Rosal abandonando o noso
Concello. O último que atopo del e cando en 1921 é proposto para
Cádiz.
Domínguez Pereira,
María (Maruja) (Redondela 1914)
Estudou o Bacharelato
en Pontevedra, examinándose despois en Maxisterio no 1935. O seu
primeiro destino foi Beade (Vigo). Logo pasaría por Cee e Santa
Comba, para acadar praza no colexio de Aguiño (Ribeira), onde fixou
a súa residencia.
Estaba casada co
mestre nacional José Sanz Ortega.
 |
| Domínguez Pereira, Maruja-Foto: Mestras de Redondela |
Nomeada mestra
interina da escola de Santo Paio en Reboreda en febreiro de 1926.
Solicitou unha licenza que lle foi rechazada, polo que presentou a
súa renuncia ao cargo en maio de 1926.
Ejido Martínez,
Rosa
En
xuño de 1946, foi nomeada mestra substituta para Soutoxusto.
Escaríz Portela,
Manuel.
Mestre en
Cesantes, ao que en outubro de 1891 se lle sube o soldo. En marzo de
1899 cando se lle concede un mes de licencia e outro de prorroga por
enfermidade. En febreiro de 1901 a Xunta provincial de 1º ensino
eleva ao Reitorado o expediente de substitución persoal deste
mestre, que fora incoado pola Xunta local, e que será concedido en
maio dese ano. Faleceu antes de rematar o ano.
Escobar Lemos,
Restituto (O
Viso(Redondela))
Comezou
como mestre interino de Negros en dous períodos 1931-1932 e
1933-1935, a primeira por xubilación do titular e a segunda por
baixa po enfermidade. Logo seguiríanlle interinidades en
Acibeiro-Forcarei (1936), O Viso (1937), Soutomaior (1938), Aldea
de Arriba de Sober (1940).
Estévez Boullosa,
Clotilde (Vilarchán)
Nomeada mestra
interina de Cabeiro en 1915 e de Ventosela en agosto de 1925.
Estévez Lameiro,
Juan
Nomeado mestre
interino de Trasmañó en febreiro de 1926. Pouco durou no cargo
porque en xuño dese mesmo ano nomean a outro mestre, mais el
volvería a esta escola onde ensinaba en 1935.
Extremadouro Otero,
Antonio (Redondela)
Estudante de 4º curso de Maxisterio en 1922.
Fentanes Barros,
Hipólito
En
setembro de 1936 nomeado mestre interino do Viso.
Fernández Barros,
Ángela
Aparece
en abril de 1932 como aprobada no primeiro exercicio nunha lista de
cursillistas para ingreso no Maxisterio, para a escola de
Redondela.
Fernández Carbajo,
María
Mestra en Aldán, en
xuño de 1929, tomou posesión da praza de mestra na escola graduada
de Redondela. En setembro de 1936 é nomeada provisionalmente
directora desta escola, xubilándose neste posto en novembro de 1959.
En 1968 falecería en Santiago aos 78 anos.
Fernández García,
Celestino
En
novembro de 1934 nomeado para a sección graduada de Redondela para
sustituir a un mestres procesado.
Fernández González,
Rosalía
Nomeada en maio de
1899 mestra interina da escola de Reboreda.
Fernández Montero
de Espinosa, Olimpio
En
abril de 1907 nomeado mestre de Trasmañó, a onde chegou procedente
dunha escola da provincia de A Coruña. En 1910 pasa a outra escola
de mesma categoría no concello de Sanxenxo.
Fernández Novás,
Elena
Tomou
posesión como mestra da escola de nenas de Cedeira, en xullo de
1929.
Seguía nesa escola
cando por orde do 19-4-1933, ascendeu a cobrar 5.000 pesetas. En
setembro dese ano apróbase o seu traslado a Pontecesures.
Fernández Soto,
Bernardo
Procedente
do plan profesional, en marzo de 1942 é nomeado mestre de
Cesantes. Mentres traballaba como procurador pagaba a un mutilado de
guerra para que o substituíra no cargo de mestre. Despois de pasar
pola escola de Nespereira, en 1958 acada praza na escola de
Redondela, da que chegaría a ser director e na que se xubilaría a
principios dos anos 80.
Fernández Soto,
María Ascensión (Maruja) (Redondela 17-5-1917 / Barcelona
1987)
Con tan só 15 anos en
1933 pertencía ó Grupo Galeguista de Redondela. Acada a titulación
de Maxisterio en Pontevedra no 1935. Por mor da suspensión das
oposicións da clases en Redondela xunto a Elena Cortizas. Acada
destino en 1955 en Pen Amieva (Asturias). En
1961 é destinada a Lodeiro (Lalín). No 1962
trasládase a Aytona (Lleida) e despois as escolas de Barcelona de
Sta. Eugenia Congost e de La Gorriga. Máis tarde, volta á súa
vila, exercendo primeiro en Cidadelle (Chapela) e despois en
Reboreda, onde se xubila.
 |
| Fernández Soto, Bernardo. Faro de Vigo |
 |
| Fernández Soto, Mª Ascensión-Foto Mestras de Redondela |
Ferro Fernández,
Ramón
En xullo de
1940, aparece para a escola do Areal (Vigo) nunha relación de
oficiais do exército que son nomeados mestres provisionais cun soldo
de 4.000 pesetas. Nomeado interino en Chapela en xullo de 1942. En
agosto de 1943 é trasladado a Monforte.
Figueroa
y Salgado, Ramón
Mestre da escola de Laredo (Chapela) en 1862, cando o inspector
constata que non asisten nenos a dita escola.
Filgueira, Isabel
Mestra da
escola pública de Redondela no s. XIX. Entre outros tivo como alumno
ao Xeneral Rubín.
Filgueira Moreira,
Teresa
En decembro de 1925,
nomeada para a recentemente creada escola de Rande.
Follente Domínguez,
José
Mestre en
Ventosela en 1942.
Fontán, Juan
Antonio
En
agosto de 1892 é nomeado con 1.100 pesetas, para a escola de
Redondela. Anteriormente estivera na escola
de nenos de Mellid. En 1894, seguía en Redondela como mestre de 2ª
clase con máis de 38 anos de servizo.
Fontdevilla, Rafael
Alumno
de Maxisterio, en setembro de 1939 elixe facer o ano
obrigatorio de prácticas en Cedeira.
Fontenla Camiña,
Raquel (Redondela)
Aparece nunha relación
de mestres aspirantes a interinidades en xaneiro de 1933.
Fraile Pampín,
Lorenza
Aparece
en abril de 1932 como aprobada no primeiro exercicio nunha lista de
cursillistas para ingreso no Maxisterio, para a escola
graduada de Redondela.
Frías Hidalgo,
Maximiliano
En maio de 1934
concédenlle praza na escola de O Viso. En outubro de 1934 acada
praza definitiva en Santiago Milla (León).
Gallego Martínez,
José
En
novembro de 1918 apróbase a permuta entre este mestre destinado na
Estrada e Baldomero Carballo Soto, mestre en Redondela. En setembro
de 1920 é nomeado director da nova escola graduada. En maio de 1921
se constitúe a
Asociación de Mestres de Redondela, sendo elixido
presidente. Daquela a persoa que desempeñaba este cargo tiña máis
peso na vila, polo que atopo noticias de José en reunións para
evitar a supresión do xulgado ou formando parte dun tribunal na
oposición a mecanógrafo do Concello. Era correspondente
en Redondela de La Integridad, diario
católico, xornal de Tui. Tamén
desempeñou o cargo de xefe do Corpo de
Exploradores de Redondela (Ver
Historia>colectivos). Involucrouse
na política local aparecendo como vocal na constitución de Unión
Patriótica en 1924. En setembro de
1930 deixa a nosa vila ao ser trasladado á graduada de Pontevedra.
Gandía Díaz
Romeral, Antonia
Por
concurso de traslado en xuño de 1949, Antonia Gandía Díaz Romeral,
de Tovar (Cuenca), foi nomeada para Cabeiro.
Gandós Villaverde,
Ignacio
En agosto de
1934, sendo mestre en Regueiro (Ourense), é proposto para a escola
de Cabeiro, da que toma posesión en outubro. Estando nesta escola é
suspendido no 1936, sendo restituído en novembro dese mesmo ano.
Despois de ser desmobilizado, en novembro de 1938, reintégrase na
súa escola. En novembro de 1940, resolveuse
que cese na escola de Cabeiro e pase a desempeñar con carácter
definitivo a de Ponte (Silleda).
García Barreiro,
Antonio
Mestre en Toure
(A Coruña) ata que en xullo de 1897 é aprobado a súa permuta co
mestre de Reboreda. En setembro dese ano solicita do Reitorado unha
excedencia para cursar na Normal de Santiago o terceiro ano da súa
carreira. En xaneiro de 1898. seguía ensinando en Reboreda cando foi
declarado en observación por catro meses a causa da imposibilidade
en que se atopa para ensinar. En outubro dese mesmo ano, presentou a
súa renuncia.
García Barros,
Agustín
Mestre en
Parada (Ourense), nomeado mestre de Trasmañó o 5 de xuño de 1926.
Segue nesa escola cando en marzo de 1930, cúrsase á Dirección
Xeneral a súa solicitude ao Ministerio para seguir un curso de
inglés. En febreiro de 1931 anúnciase o seu nomeamento provisional
para Praderrey.
García
Boente, Juan Benigno
En
xaneiro de 1937, ordenouse
a clausura da súa escola privada que desempeñaba en Chapela, por
carecer de condicións legais.
García Bouzón,
Carlota
Nomeada
mestra da escola mixta de Trasmañó, en xuño de 1890, con 250
pesetas. Probablemente era o seu primeiro destino porque en marzo de
1894 apenas levaba 3 anos de servizo.
García Crespo,
Francisco
Mestre de
Cabeiro dende 1864, xubilado no 1892.
García Díaz,
Rafaela
En abril de 1906
nomeada mestra da escola completa mixta de Reboreda, anteriormente
ensinaba nunha dotada co mesmo soldo de 625 pesetas na provincia de
Ourense. En 1911 continuaba en Reboreda con máis de 18 anos no
ensino.
García, José
Mestre
na incompleta de Ventosela cando menos entre 1870 e 1879.
García Domínguez,
José.
Mestre
de Redondela xubilado en 1896.
García García,
Antonio
Nomeado en xuño de
1893 mestre interino de Reboreda. En marzo de 1895 é suspendido de
emprego e soldo por abandonar a escola, pero despois de xustificar a
ausencia a suspensión foi anulada reincorporándose ao seu posto. En
novembro dese ano sube de categoría ao ser declarada completa a
escola de Reboreda. En xullo de 1897, apróbase a súa permuta con
Antonio García Barreiro, mestre en Toure (A Coruña).
García y García,
Juan
Residente en Monfero
(Córdoba), en xuño de 1921 é nomeado mestre propietario de Vilar.
García Moldes,
Carmen
En
xaneiro de 1939 destinada como mestra interina a Trasmañó.
García Mouriño,
Marina (Carballino)
O 28 de
decembro de 1918 adxudícaselle o seu primeiro destino, a de mestra
en Cesantes. O 30 de xuño de 1924 é nomeada para a escola de nenas
de Reboreda, na que coincidiu co seu marido, o tamén mestre,
Prudencio Rodríguez Dios. Naquela parroquia ensinou ata que en
outubro de 1934 acada praza definitiva en Castrelos (Vigo).
García Senra, María
de la Nieves (Maruja) (Redondela, 1903 / Red., 10-5-1975)
 |
| Mª de las Nieves García. Mestras de Redondela |
García Tenreiro,
Carolina
Nada
na provincia da Coruña, probablemente en Neda. Ensinou durante
varios anos como interina en Aranza (Soutomaior), praza á que
renuncia en 1914. Despois sería substituta
en Codeseda (A Estrada) e Salceda de Caselas. A finais de 1916 foi
nomeada mestra de Guláns (Ponteareas), alí púxose
a mal
co párroco quen a levou aos tribunais. O xornal "El
Tea" conta
que a sentenza non sería cumprida por presións de arriba pero o
cura xunto co deputado Sr. Barrón, conseguiron que o seu nomeamento
como mestra de Guláns quedara sen efecto.
En
agosto de 1918 sería nomeada mestra substituta
en Vilaboa. Logo exercería en Chaín (Pontecaldelas), entre
maio de 1921 e xuño de 1926, cando foi nomeada mestra de Santo Paio
de Arriba (Reboreda), onde ensinaría ata a súa xubilación en 1943.
Tamén foi mestra en Ventosela.
Foi
a primeira muller Concelleira de Redondela en 1934. Sofreu proceso de
depuración, sendo suspendida de emprego e soldo o 1-9-1936 e reposta
en abril de 1938.
Garrido Ramos, José
En
agosto de 1943 trasladado da escola de Sente á de Cabeiro.
Gil López, Gerardo
En
setembro de 1936 nomeado mestre interino de Reboreda.
Giráldez Ramos,
José
En decembro de
1933 concédenlle praza de interino na escola de Trasmañó.
 |
| Luisa Gómez. Mestras de Redondela |
En xullo de 1942 é
trasladada con carácter provisional a Rande (Cedeira) e
posteriormente a: Soutoxuste (O Viso), Quintela, Cesantes (onde tamén
ensinaba a adultos) e finalmente no Grupo de Redondela, xubilándose
aos 70 anos. Desprazábase en bicicleta ás escolas.
Gómez García,
Generoso
Mestre
de Trasmañó en 1942.
Gómez Gómez,
Manuel
Mestre
e alcalde de Cuntis no concurso de traslados de outubro de 1956 acada
escola en Redondela.
Gómez Rubio, Carmen
En
setembro de 1936 nomeada mestra interina de Sampaio de Arriba
(Reboreda).
Gómez Rubio, María
del Pilar
Nomeada mestra
interina de Redondela en marzo de 1937.
González Campos,
José
En xullo de
1910 con 8 anos, 4 meses e 12 días de servizo, José González
Campos foi ascendido con 625 pesetas para Trasmañó. Continuaba
nesta escola a finais de 1916.
González Castro,
Teresa
Teresa
González Castro que rexenta a escola de Setecoros (Valga) foi
nomeada en febreiro de 1897 para a de Ventosela con 250 pesetas.
González Díaz,
María
Foi nomeada mestra interina da mixta de Cabeiro en setembro de 1918.
 |
| Fernando González. A prensa en Redondela |
Coñecido
como Rey Chiquito, emigrou aos 13 anos. Xornalista, foi
repatriado tras ser ferido na guerra de Cuba. En Redondela seguiu
colaborando con varios xornais e abriu a súa propia escola. Era pai
de Amado González Cardama que sería alcalde de Redondela.
González Gómez (ou
Otero), Josefa (Redondela)
Ingresou
na Normal de Pontevedra en 1926.
González Fidalgo,
Pilar
En novembro de
1934 acada praza na escola feminina de Vilar de Infesta, onde
exercera ata 1945, ano do seu falecemento.
Como moitos foi depurada tralo inicio da Guerra Civil, non sendo o
seu expediente resolto favorablemente ata decembro de 1938.
González Montes,
Antonio
En novembro de
1939, este ex-combatente elixe Trasmañó como destino.
González Núñez,
Pilar.
O 30 de decembro de
1898 é nomeada mestra de Cabeiro. Procedía dunha escola de Oia e
tiña pouco máis dun ano de experiencia. Despois de tentar permutar
a súa praza no 1901, marcha definitivamente cando en marzo de 1902 é
nomeada para Valeixe (A Cañiza).
Gónzalez Pérez,
Antonio
En setembro de
1936 é nomeado provisionalmente director da escola de nenas de
Redondela.
Grande Iglesias,
Benito
En xaneiro de
1919 é nomeado mestre interino para a escola de Saxamonde. Non debeu
de chegar a exercer na nosa vila porque tan só un mes despois
elexiuse outro docente.
Guerra Álvarez,
Ricardo
En
xullo de 1947 adxudicóuselle provisionalmente a escola de Chapela
pola
quenda
voluntaria
do concurso de traslados.
Guerra y Garay,
Marina
Era mestra en Cabeiras
(Arbo), cando en setembro de 1931 é nomeada mestra da escola de
nenas de Cesantes, onde ensinou ata 1938. Estaba casada con Ulpiano
Rodríguez Villarino, quen foi alcalde de Redondela (Ver Cargos
Públicos>Alcaldes). Faleceu en Bahía (Brasil), estando alí
de visita en 1968. Na noticia da súa morte afírmase que exerceu en
Cesantes máis de vinte anos.
Guillán Abalo,
Antonia
Mestra en Graña
(Covelo), en febreiro de 1940 é trasladada a Vilavella.
Gutiérrez López,
Ramón
Nomeados
mestres propietarios provisional en virtude de concurso de traslados
para Ventosela, en agosto de 1948. En agosto do ano seguinte nomeado
para Saxamonde.
Hermida, Alfredo G.
Mestre. En 1926 coa
súa dona asistiu ás festas de O Viso.
Hermida Camiña,
María del Pilar
En xullo de
1895 é proposta para a escola de Redondela.
Hermida Santos,
Perfecto
O
13-5-1933 é nomeado mestre interino dunha sección da graduada de
Redondela.
Hernández
Castellanos, Enrique
Mestre de San Cibrián
de Somoza (León), ata que en xaneiro de 1948 é nomeado mestre da
Graduada de Redondela. Chegaría a ser director deste centro cando
menos dende 1952 ata o seu falecemento en setembro 1961.
Probablemente era natural de Salamanca, xa que alí tiña familia e
ademais foi a cidade elixida pola súa viúva para establecerse trala
súa morte.
Ibáñez, Antonio
María
Solicitou
autorización para abrir escola particular en Redondela en 1903. Cara
a 1910 mantiña unha das dúas escolas privadas da vila.
Iglesias ¿?, Jesusa
Tiña escola na
Rúa Prata nos anos 30-40.
Iglesias Gayoso,
Purificación
En decembro de 1925,
nomeada interina para a escola de nenas de Trasmañó.
Iglesias González,
Carmen
En
abril de 1918 a Instrución de Primeiro Ensino de Pontevedra ordenou
a clausura das escolas particulares de Chapela, que funcionaban a
cargo de Carmen Iglesias e Manuel Pazó, por non cumprir os
requisitos regulamentarios antes da súa apertura.
Foi
mestra da escola da Sociedade de Agricultores de Chapela. Falecería
en setembro de 1927.
Iglesias Jorge,
Francisco
En
xullo de 1943, a Xunta Provincial de Primeiro Ensino acordou executar
o nomeamentos de mestre interino de Vilar a favor do ex-combatente
Francisco Iglesias Jorge.
Iglesias López,
Felisa (Redondela)
Aprobou
Maxisterio no 1935.
Jorge Franco, Manuel
Evangelino
Nomeado mestre
interino de Ventosela en novembro de 1931, seguía en marzo de 1933.
Juncal Paredes,
Balbino
En xullo de 1931
nomeado mestre interino de Trasmañó. Empezara a exercer o 8 de maio
de 1929.
Lago Búa, Elvira
En
setembro de 1925 foi nomeada mestra interina da recen
creada escola de nenas de Trasmañó. En decembro sería substituída
por outra mestra que acadara a praza de titular.
Lago Búa, Emilia
A
Sección Administrativa nomeouna mestra interina de Trasmañó en
setembro de 1925. Tres meses despois foi nomeada outra mestra como
titular de dita escola.
Lago Búa, Marina
Estando en
posesión da praza de Laro (Silleda), en abril de 1935, permuta pola
de Rande. É suspendida polo franquismo de emprego e soldo durante 6
meses e trasladada á provincia de Zamora en xaneiro de 1938. En
abril de 1938 queda sen efecto o traslado pero non a sanción, polo
que en xuño reintégrase á escola de Rande.
Lago Cobián,
Maximina Dolores.
Xa
era mestra da escola de nenas de Redondela en 1887. En 1894 é
considerada mestra de 1ª clase. Xubilouse nesta praza en xullo de
1903, acumulaba 45 anos e 10 meses de servizo. En maio de 1905 para
“subsanar defectos” remítese ó Gobernador de Redondela o
seu expediente de xubilación. Despois duns días enferma faleceu en
Redondela en xuño de 1910.
 |
| Lago Figueroa, Carmen. Mestras de Redondela |
Rematou
o Bacharelato en Pontevedra en 1936. Por mor da guerra terá que
esperar ata o 40 para ser mestra e ata o 55 para exercer. Con Paulina
Sánchez impartiría clases na R. Isidoro Queimaliños. O seu
primeiro destino será en Arriondas (Asturias), onde permanecerá 20
anos. O resto da súa carreira a desenrolaría en Cangas de Onís
(Asturias), xubilándose ós 65 anos.
Lamparte Quintela,
Manuela.
En xullo de
1891, é proposta como mestra para a escola de Reboreda. En xuño de
1892 é trasladada a Sendelle (Creciente).
Ledo Groba, Manuel
En febreiro de
1919 é nomeado mestre interino de Saxamonde. En setembro de 1923
toma posesión da escola de Guizán (Mos).
Leirós Fernández,
Isabel (Redondela ¿?/Amoeiro
(Ourense), 1929)
En 1923 estaba
a preparar o seu ingreso na Escola Superior de Maxisterio en Madrid.
Chegou a ensinar como mestra de Escuela Normal (actual
Maxisterio) pero falecería en 1929, cando veraneaba en Amoeiro,
probablemente en visita ao seu irmán Eladio, daquela coengo
da catedral de Ourense. (Ver Persoeiro L)
Leirós Fernández,
Manuel “Machaquito” (Redondela)
Acadou o título de
Maxisterio, pero non teño constancia de que chegara a exercer. Nos
anos 20 era o encargado da estafeta de Correos en Redondela e
posteriormente sería propietario dunha fábrica de cepillos.
Leirós Fernández,
María de los Ángeles (Redondela)
Leirós Fernández,
Sara (Redondela)
Lera Figueras,
Pitusa (Redondela)
Ingresou na escola Normal de Pontevedra en 1926.
Liste Martínez,
Antonio
En
xaneiro de 1943 nomeado mestre en Negros pola
quenda de consortes.
Lobato Rodríguez,
Carmen (Saxamonde)
Aparece nunha relación
de cursillistas aprobados de o 10-10-1933.
Lois, María del
Carmen
Mestra
da graduada de Redondela en novembro de 1935, cando lle foi concedida
unha licenza de 30 días por enfermidade.
Lois García,
Benjamín (Cesantes)
Aparece nunha relación
de cursillistas aprobados de o 10-10-1933.
Lois Meijomin, Julio
(O Viso)
Aparece nunha relación
de cursillistas aprobados de o 10-10-1933.
López, Domingo
Mestre da incompleta
de Chapela cando menos entre 1863 e 1879.
López, María del
Carmen
En
xuño de 1893 nomeada mestra interina de Cabeiro. Continuaba no cargo
en xuño de 1897, acumulando máis de 5 anos de servizo.
López, Teresa
Nomeada
mestra interina de Quintela en febreiro de 1899.
López de Castro
García, Celestino (Redondela)
Aparece nunha relación
de cursillistas aprobados de o 10-10-1933.
López de Castro
García, Sebastián (Redondela)
Aparece nunha relación
de cursillistas aprobados de o 10-10-1933.
 |
| Rosa López. Mestras de Redondela |
Chegou a Pontevedra
procedente de Cuba aos 12 anos. Alí aprobaría as oposicións no
1933. Ao ano seguinte comeza a traballar na escola de nenas de
Reboreda. No 1958 trasládase á Graduada de Redondela na que
permanecera ata que un accidente a obriga a xubilarse aos 66 anos.
López de Guereño y
Aguirre, Telesforo (Silleda)
En
novembro de 1917 acada por oposición a escola de Chapela. En 1920
casou con Germana Rey Crespo, mestra da escola de Reboreda. En maio
de 1921 é elixido vice- tesoureiro da Asociación de Mestres de
Redondela. O 10 de setembro de 1924 abandona Chapela ao ser nomeado
mestre de Teis (Vigo).
López Guerra, José
Primeiro
director da escola da Sociedade de Agricultores "La Progresiva"
de Chapela.
López y López,
Carmen
En xaneiro de 1906
nomeada mestra interina da escola mixta de Quintela.
López López, Jose
María
En
agosto de 1943 apróbase o seu traslado de Bamio a Chapela.
López Pérez,
Benito (Chapela)
Aparece
nunha relación de cursillistas
aprobados de o 10-10-1933.
Lorenzo, José Ramón
Mestre interino
na completa de Redondela en 1898.
Lorenzo Trillo,
Manuel
Manuel
Lorenzo Trillo,
nomeado mestre interino para Redondela, en agosto de 1888, con 500
pesetas anuais.
Lorenzo Portela,
Manuel (Saxamonde)
Aparece nunha relación
de cursillistas aprobados de o 10-10-1933.
Lorenzo Trilloy,
Marcelino
En agosto de 1888
nomeado mestre interino de Redondela.
Losada Dopazo, José
(Chapela)
Aparece nunha relación
de cursillistas aprobados de o 10-10-1933.
Losada García,
María (Reboreda)
Aparece nunha relación
de cursillistas aprobados de o 10-10-1933.
Losada Taboada,
Marina
É nomeada
mestra interina de Chapela en setembro de 1936.
Segue en:
https://anecdotarioredondela.blogspot.com/2020/04/mestres-as-ata-mediados-do-s-xx-m-z.html
Autor:
Juan Migueles
BIBLIOGRAFÍA
Ver
Mestres-as M-Z
No hay comentarios:
Publicar un comentario