 |
| Mariló-Facebook |
María
Dolores Ferreira Bemposta
“Mariló” (Redondela):
Primeira xogadora de Redondela en formar con equipos federados de
fútbol
sala e fútbol.
Neste último deporte chegou a xogar na 2ª Nacional. A maternidade
non lle impediu seguir desfrutando
da súa paixón e na tempada 2016-17 disputa a 2ª autonómica co U.
D. Mos.
En
2018 volta ao Fútbol sala con O
Fisgón Futsal,
onde continúa en 2020. Xogou coa Selección Galega.
 |
| Foto: www.futmenina.com |
Ana González Rivera"Anita"(Redondela,
08/01/1995): Porteira. Habitual na
Selección Galega nas categorías inferiores, comezou xogando a
fútbol sala co
C. R. C. de Redondela
e iniciouse no fútbol
da man do C. D. Choco.
No 2011, marchou para o Erizana C. F.
de Baiona e ao ano seguinte,con tan só 17 anos, sería
electa
mellor porteira dos equipos galegos de 2ª división. Despois de tres
tempadas neste equipo, para a 2014-15 pasa a defender as cores do
Sárdoma,
tamén de segunda. En 2016 proclámase
Campiona
de España por Autonomías de fútbol praia.
Ese mesmo ano ficha
polo Deportivo da Coruña,
equipo de
2ª Nacional e de
recente creación que loita polo ascenso. Nas
dúas primeiras tempadas xogou 16 partidos encaixando 10 goles. Na
tempada 2018-19, co equipo en Primeira Iberdrola,
conta
con poucas oportunidades para xogar e pasa
a ter un papel máis secundario formando
co Deportivo B.
 |
| Foto: Marca |
Paula Domínguez Encinas
"Pauleta"
(Saxamonde,
11/08/1997):
Interior Dereita. Iniciouse co Casa
Paco
e o Choco.
Co Olivo,
de Vigo, converteuse nunha habitual nas categorías inferiores da
Selección Galega. Con este equipo proclamouse campiona de 2ª na
tempada 2015-2016. Na Gala do Fútbol Feminino Galego daquel ano
recibiu o premio de mellor promesa, mellor medio-centro dereita
do grupo I da Segunda española e mellor galega da categoría.
Daquela marcha con catro compañeiras a probar fortuna na máxima
categoría portuguesa co Sporting
de Braga.
A aventura sae ben e ás poucas xornadas o equipo xa lidera a
clasificación, rematando 2º en liga e copa. A nivel persoal marca
12 goles en 24 partidos, continuando no equipo apesares da marcha das
outras galegas. Ao ano seguinte o equipo volta a rematar 2º na liga.
Na 2018-19 fichou pola nova sección feminina do Benfica,
o equipo consegue o ascenso a primeira e vence na Taça,
converténdose Pauleta na primeira española en conquistar un título
en Portugal. En setembro o Benfica imponse na Supertaça grazas a un
golazo desta xogadora.
 |
| Foto: RCDeportivo |
Autor: Juan Migueles
BIBLIOGRAFÍA
La
Voz de Galicia
Faro
de Vigo
Atlántico
RC Deportivo
www.rcdeportivo.es
21noticias.com
Marca
No hay comentarios:
Publicar un comentario