Marcas de canteiro. Petróglifos na casa.

        

Marca de canteiro nunha casa de Cedeira. Foto: J. Migueles

        Estando na casa duns amigos en Cedeira reparei nunha marca na entrada á súa bodega. Pregunteilles contáronme que cando mercara o seu avó a casa xa tiña aquel gravado e supuñan que era unha marca de canteiro.

        Parecíame curiosa porque lembrábame a outro gravado atopado no Monte Mirallo (Monte Penide).

Petróglifo no Monte Mirallo. Foto: J. Migueles.

        Consultei ao arqueólogo Xurxo Constela e confirmoume que efectivamente as dúas son marcas de canteiro, pero se consideran petróglifos históricos. Así que xa sabedes se tedes unha marca de canteiro na vosa casa podedes presumir de que tedes unha vivenda con petróglifo.

        No mesmo monte tamén existe outra posible marca preto do Alto de San Vicente, baixo unha cruz de termo. (Ver https://anecdotarioredondela.blogspot.com/2020/11/as-cruces-de-linde-e-outras-cruces.html ). Neste caso trátase dun simple círculo.

 

Marca de canteiro no Alto de San Vicente. Foto: J. Migueles

        Ignacio P. Rey envioume a foto doutra marca de canteiro na Casa do Carballo, na rúa de Redondela de mesmo nome.

 

Marca de canteiro na Casa do Carballo. Foto: Ignacio P. Rey

        Agradeceríavos que compartades fotos destas marcas, sexan na casa ou no monte, porque quen sabe se en futuros traballos de investigación podería coñecerse se diferentes casas foron construídas pola mesma persoa ou realizar un catálogo de marcas de canteiros que traballaron na comarca. Seguro que aparecen moitas máis.

Autor: Juan Migueles

BIBLIOGRAFÍA

Aportes Xurxo Constela e Ignacio P. Rey.