O monte da Telleira recibe o seu nome porque nel se fabricaban tellas
dende o século XVIII. Chegou a haber sete fornos, deixando de
empregarse o último deles en 1939. Xa no 2008, o Obradoiro de
Estudos Locais Fernando Monroy deixou ao descuberto restos destes
fornos, organizando unha xornada na que se amosou como se fabricaban
antigamente as tellas.
Os
fornos atópanse nunha propiedade privada e mentres os propietarios
non cheguen a un acordo co Concello non hai unhas posibilidades reais
de poñer en valor este patrimonio industrial. Actualmente (2019) os
terreos están sen rozar e, apesares de que o propietario tapou os
buracos dos fornos, a visita ademais de ilegal é perigosa.
 |
| Foto: J. Migueles, 2009. |
¿Como chegar?
Pódese ir en coche ou
camiñar uns 15 minutos dende o centro. Saímos de Redondela pola
Avenida Mendiño cara o Peirao de Cesantes. Coller o primeiro cruce á
esquerda antes de iniciar a baixada ao porto. Logo xiraremos a
dereita e no seguinte cruce colleremos o camiño do medio. Chegamos
ao final do asfalto e collemos un sendeiro cunha baixada na marxe
esquerda.
Fotos: J. Migueles, 2009.
Autor: Juan Migueles
BIBLIOGRAFÍA
As
telleiras de Cesantes. Obradoiro de Estudos Locais Fernando
Monroy.
Faro de Vigo
No hay comentarios:
Publicar un comentario