A Ponte de Rande forma parte da autoestrada
AP-9 no tramo Pontevedra-Vigo. Esta ponte cruza a Ría Vigo no
Estreito de Rande unindo Redondela coa Península do Morrazo.
Curiosamente é empregado como imaxe da cidade de Vigo cando non está
situada no seu
termo municipal.
A súa historia comeza
cando Gerardo Campos (Vigo 1881-1964), propietario da finca “La
Chicharra” en Rande e presidente da empresa Tranvías
Eléctricos de Vigo, propón en 1946 a construción dunha ponte no
estreito de Rande para facilitar o desenrolo industrial de Vigo.
Loitaría toda a súa vida por este proxecto, que non chegaría a ver
realizado, porque non sería ata decembro de 1973 cando se iniciarían
as obras, sendo Ministro de Obras Públicas o galego Gonzalo
Fernández de la Mora. Pero non rematarían aquí as dificultades da
obra porque en maio de 1977 a Administración Pública paraliza as
obras polas protestas dos veciños de Vilaboa e da parroquia
pontevedresa de Salcedo.
| Ponte de Rande. Foto: J. Migueles, 2008. |
Sería en febreiro de 1981 cando se inaugurou. Foi
a primeira ponte de tipo atirantado
de tan grandes dimensións construída
en España. O tramo central ten unha lonxitude de 694’98 metros. A
luz entre os piares centrais é de 400’14 m., sendo o segundo do
Mundo naquel momento, só superado polo de Saint Nazaire en Francia
con 404. Os accesos son de 106 metros polo norte e 757 polo sur
(Redondela). Alcanza os 48 m. sobre o nivel do mar e conta
con catro carrís de circulación. Na súa construción empregáronse
grúas de 136 m. de altura e ascensores con 100 kg. de carga. O custo
da obra foi de 3.658 millóns de pesetas.
No 2015 inícianse as
obras de ampliación da ponte. En decembro do 2017 o presidente do
goberno, Mariano Rajoy, inaugura os dous novos carrís que son
abertos ao tráfico, apesares do cal as obras non estarán rematadas
definitivamente ata xaneiro do 2019.
 |
| Ponte de Rande durante as obras de ampliación. Foto: J. Migueles, 2016. |
Autor: Juan Migueles
BIBLIOGRAFÍA
Historia
de las Rías. (2 Volúmenes) J. A. Orge e Carlos Antuña entre
outros. Ed. Faro de Vigo.
Puentes
del mundo. España. (Web desaparecida)
Wikipedia
El
País
Faro
de Vigo
www.egu.es
No hay comentarios:
Publicar un comentario