A “guerra” de Soutoxuste.

Rematada a guerra a situación daría un xiro de 180º. Entre 1946 e 1950 tanto o porto de Vigo como o de A Coruña foron a ruta de escape dos nazis para fuxir cara a Arxentina e outros países do continente Americano. Outros fixarían a súa residencia en Galicia, tal foi o caso de Heinz Ger Sauer, Comandante Submarinista e membro da Gestapo que se estableceu en Soutoxuste (O Viso).

En 1966 na súa casa celebrábanse ruidosas festas nas que "se practicaba o desnudismo" e outros actos indecentes para a moralidade daquela época o que provocou as protestas dos veciños. O alemán enfurecido cortou o camiño público que pasaba pola súa horta e que daba acceso á praia. Os veciños, lonxe de arredarse, manifestáronse (dereito prohibido daquela polo réxime) baixo o grito de “Queremos lo nuestro”. O tema foi a mais e os manifestantes asaltaron a propiedade arrasando todo o que atopaban incluída a filla do alemán, que foi espida para escarnio público. A pesares dos disturbios a xustiza deulle a razón ao pobo, optando o alemán por abandonar a súa vivenda.

Autor: Juan Migueles

BIBLIOGRAFÍA

Antonio Ocampo Otero. Doctor en Medicina y Cirugía. Bodas de Oro(1939-1989)

Redondela, crónica dun tempo pasado. A Segunda República e o primeiro franquismo. Gonzalo Amoedo e Roberto Gil. Edicións do Castro 2002