 |
| Dula Reboredo. Foto cedida por Charly Muíños |
O primeiro concurso de beleza na vila de Redondela organizouno o xornal Tramancazos. A finais en 19233. A votación realizábase por medio de cupóns que aparecían no periódico, existindo tamén unha sección na que os homes podían adicarlle poemas ás candidatas. A gañadora resultaría ser Dulita Reboredo, da que se publicou unha foto que daba testemuño da súa beleza.
En
febreiro de 1931, Rosa González acada o primeiro premio de beleza
nos bailes celebrados en Chapela.
En 1933 na estación de Redondela faríaselle un recibimento ao tren
expreso no que viña Emilia Docet, viguesa que acababa de gañar o
título de Miss España. Esta muller involucraríase politicamente co
Partido Galeguista.
 |
| Emilia Docet. Foto: Vida Gallega |
 |
| Rosa González Foto: El Pueblo Gallego |
Durante 1933 e 1934 celébrase a Volta
Ciclista a Chapela, entregando os premios “Miss Salón La Luz
del Día”.
En abril de 1934
celébrase a Volta Ciclista A Guarda, con saída dende o Calvario e
chegada a Pardavila, fronte ao baile, onde os premios serán
entregados por “Miss Chapela”
En xaneiro de 1936
é nomeada Miss Redondela Purita Cal Puga (Mis Ojos). O xurado
estaba composto por: Avelino Cal, Luis Míguez, Aurelio Adán, José
Pena, José Crespo, Hermenegildo Casal e Paulino García García.
En 1958 nomeouse a
Reina de la Belleza de Redondela y su Corte de Honor nun
festival celebrado en Parque La Junquera e no que actuou a orquestra
Hermanos Mallo, de A Coruña.
En 1964, na Sala Miramar, foi elexida
“Miss Industrias Regojo”, Purita García Cal. Tamén foron
elexidas: “Miss Simpatía”, Consuelo Bouzón Fernández;
“Miss Fémina”, Carmen Barbosa Lage de Arcade; e “Damas
de Honor”, Julita Novás Movilla, de Arcade, e Dolores
Ferradanes, de Soutomaior. Días despois Purita, acompañada por
Consuelo, daría o saque de honra no Trofeo Regojo de futbol
disputado polo Choco e o Turista.
 |
| Miss Regojo, 1964. Recorte cedido por Uxía Lueiro |
En xullo de 1965, no “Parque La
Junquera” celebrouse un festival a beneficio do equipo de futbol C.
D. Choco, amenizado pola orquestra Gran Casino. Procedeuse daquela á
elección de “Miss Club Deportivo Choco”, sendo a
agraciada Marisé Fernández Lago. Lamentablemente o baile tería que
suspenderse pola choiva.
Téñense nomeado
tamén raíñas na festa da Coca, así en 1967 foi nomeada Mª
Fernanda Martínez Alfaya e damas Chari Río García e Socorrito
Alonso Ucha. En 1975 a raíña sería María Muíños Lamas.
 |
| María Muíños Lamas-Raíña Festas da Coca 1975. Faro de Vigo |
Outra festa con
raíña sería a do Carme (Chapela), sendo elexida en 1968 raíña,
Rosa María Tizón Cabaleiro, e dama de honra, Rosa María Mejuto.
 | |
| 1968 Festas do Carme en Chapela. Foto: El Pueblo Gallego |
En 1976 María Teresa Fernández Pérez sería nomeada Real Moza Provincial, o que máis tarde sería Miss Pontevedra. Como dama de honra levaría á súa amiga María del Pilar González Muíños.
 |
| Foto: El Pueblo Gallego |
Máis
recentemente, habería elección de raíña nas primeiras edicións das Festas do
Choco.
Autor: Juan Migueles
BIBLIOGRAFÍA.
Galeguismo e sociedade na Redondela
da Segunda República. Lois Barros. Edicións do Castro.
Redondela, crónica dun tempo
pasado. A Segunda República e o primeiro franquismo. Gonzalo
Amoedo e Roberto Gil. Edicións do Castro 2002.
Tramancazos
Aportes: Charly Muíños
No hay comentarios:
Publicar un comentario