O alcalde que pediu o divorcio.

Foto: El Pueblo Gallego

       Trala chegada da democracia o Concello de Redondela sería o primeiro que, a finais de 1976, abordaría o tema do divorcio. O alcalde e doutor Pedro Otero Rey, sería o que presentou unha moción solicitando ao Goberno que implantara o divorcio en España. A medida sería rexeitada no Pleno por ampla maioría. Dos trece asistentes, rexistráronse tres votos a favor, máis o do alcalde, e nove en contra.

        Ante o resultado acadado o alcalde amosou o seu descontento recriminando aos opositores: ”Dentro de cinco años vendréis a pedirme que cambiemos el acuerdo.” O máis curioso do caso sería que entre os que votaron en contra de solicitar ao Goberno a implantación do divorcio figuran concelleiros considerados liberais, mentres que outros que se crían máis conservadores pronunciáronse a favor.

Autor: Juan Migueles

BIBLIOGRAFÍA

19761204 El País