Otero Fernández, Alejandro (Redondela 14-12-1888 / México26-6-1953) Médico e Político.

Foto: culturagalega.org

Médico xinecólogo, profesor desta especialidade na Universidad Central de Madrid. Despois sería catedrático de Obstetricia na Universidade de Granada, da que sería nomeado rector o 29 de novembro de 1932. Socialista e membro da UGT foi Concelleiro na cidade de Granada, Deputado a Cortes por Granada e Pontevedra (1931) e Subsecretario de Armamento durante a Guerra Civil. Exiliouse a Francia, onde formará parte do Servicio de Evacuación de Refugiados Españoles (SERE), e México, onde se converteu no Xefe do Servicio de Xinecoloxía do Hospital Español e foi membro fundador da Sociedade Mexicana de Obstetricia e Xinecoloxía, da Unión de Profesores Universitarios Españoles no Estranxeiro e un dos médicos da Casa Presidencial mexicana. En canto á súa actividade política foi vicepresidente do Partido Socialista en México. Ofrecéronlle volver a España, ao que se negou mentres gobernara Franco. Faleceu en 1953, ao ano seguinte os seus restos serían trasladados ao cemiterio dos Eidos.

Homenaxe en Redondela, 1927. Foto: Llanos

A principios dos anos 30 déuselle o seu nome a unha rúa en Redondela (actual rúa Reveriano Soutullo), que rapidamente foi cambiado co xiro da situación política en España. O 2013 foi declarado polo Concello de Redondela “Ano Alejandro Otero”, entre os actos celebrados vólveselle a por o seu nome, desta volta a unha praza, que formaba parte da Rúa Alfonso XII.

Autor: Juan Migueles

BIBLIOGRAFÍA

Antonio Ocampo Otero. Doctor en Medicina y Cirugía. Bodas de Oro(1939-1989)

www.culturagalega.org

En Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es => Vida Gallega