 |
| 1960_anos Praia Arealonga - Foto cedida por EnriqueComesaña |
En xullo de 1959, no peirao da
conserveira JOB, na Regasenda, Amador Pérez Sousa pescaría un
congro de 11'5 quilos. En 1965 o mesmo pescador, en Rande capturaría
outra peza de 11 quilos e 1’45 m. de lonxitude.
En xullo de 1964 Genaro Alonso Bouzón
pescou nun peirao de Rande dous congros, un dos cales era case da súa
altura e superaba os dez quilos. Ao pouco tempo o propietario do bar
“D’o Canario” de Rande, informa de que un veciño seu,
Francisco Cabaleiro Couto “Campicho”, pescara un congro de vinte
quilos. Este pescador afeccionado tiña realizadas as súas boas
capturas, pero nunca unha desta envergadura.
 |
| 1965 Amador co congro de Octavio Rotea. Foto: Gene-La Noche |
 |
| 1964 Genaro Alonso Foto Fotsca |
En 1965, sería o cura de Vilavella, Octavio Rotea, o que pescaría un congro de 1'90m. e 21'5 quilos, novamente no peirao da Conserveira JOB, na Regasenda. Este peixe sería exposto no Pardiñeiro polo propietario da imprenta Amador.
En novembro de 1987, Laureano González Pereira pescaría en Rande un
congro de 41'5 kg e case dous metros e medio.
 |
| Laureano González Pereira-Foto: Grobas-Faro de Vigo |
 |
| Soto e Ángel na Portela. Facebook Aurora Soto |
 |
| Milucho, Andrés e Mingos. Foto cedida por Irene Sobral a Obradoiro Fernando Monroy |
En febreiro do 2012, pulverizan aos
anteriores, os submarinistas redondeláns Paulino Toucedo Otero e
Juan Figueroa Couñago que pescan en Alcabre (Vigo), un congro de
2’35 metros e 57 quilos de peso.
 |
| 2012 Paulino Toucedo e Juan Figueroa. Faro de Vigo |
Sirvan estes datos, como mostra das
espectaculares capturas deste peixe que se teñen dado na nosa vila.
Sen dúbida houbo moitas que quedan no tinteiro. As vellas fotos dan
conta dalgunhas máis.
Pero as grandes capturas non se
limitan aos congros. En maio de 1984, o veciño de Redondela, Melchor
Vidal Novoa, pescou un salmón de 7'8 kg. no río Verduxo,
concretamente no Pozo do Inferno (Soutomaior). Para conseguilo tivo
que loitar máis dunha hora e ata se lle rompeu a cana.
Autor: Juan Migueles
BIBLIOGRAFÍA
La Voz de Galicia
No hay comentarios:
Publicar un comentario