Diego Sarmiento de Valladares (Saxamonde (Redondela), 1609 / Madrid, 29-1-1695) Relixioso_Inquisidor

Auto de fe en la Plaza Mayor de Madrid (1680). Francisco Rizi. Museo del Prado

 

Autores como Mariano Alcócer o citan como natural de Redondela sendo o máis probable que nacera no pazo familiar na parroquia de Saxamonde. A dúbida en torno ao seu lugar de nacemento xorde porque foi bautizado na colexiata de Vigo 10 de agosto de 1611 polo que algúns autores o citan como natural da cidade olívica. Era tío de Luis Sarmiento de Valladares, I Marqués de Valladares. (Ver https://anecdotarioredondela.blogspot.com/2020/04/luis-sarmiento-de-valladares-meira-y.html )

Acadou o titulo de Bacharel en Cánones na Universidade de Salamanca. Colexial de Santa Cruz na Universidade de Valladolid, onde en 1651 acadou a Cátedra de Leyes e a de Código e en 1652 a de Digesto e a de Vísperas. En 1655 renunciou á praza de Oidor da Audiencia de Pamplona. En 1657 nomeado Inquisidor de Valladolid. Auditor de Rota en 1659. Fiscal da Suprema Inquisición en 1660 e ao ano seguinte obtivo Conselleiro no mesmo Tribunal.

Bispo de Oviedo en abril de 1669 e de Plasencia en xuño do mesmo ano ata o seu cese o 26 de abril de 1677. Concédenlle daquela a abadía de cóengos regulares de San Agustín de Burgo Hondo en Ávila e o priorado de Aracena en Sevilla.

Nomeado presidente do Consello Real de Castilla dende o 27 de maio de 1668, formando parte da xunta de goberno que asesoraba á Raíña rexente Mariana de Austria durante a minoría de idade de Carlos II. O 10 de agosto de 1680 sería nomeado Conselleiro de Estado. O 29 de maio de 1669 deixa a presidencia do Consello de Castilla por ser incompatible co cargo de Inquisidor Xeneral, que desempeñará ata o seu falecemento en 1695.

Durante o seu mandato como Inquisidor Xeral, o 20 de xuño de 1680, presidiu un acto de fe con 118 reos para festexar a voda de Carlos II con María Luisa de Orleans. 

 

Autor: Juan Migueles

BIBLIOGRAFÍA

Algunos hijos ilustres de Redondela. Grandes Fiestas de la Coca. Redondela 1968. Comisión de fiestas de la Coca.

Google Books => El águila caída: Galicia en los reinados de Felipe IV y Carlos II. Escrito por Emilio González López.

Indice de la Colección de Don Luis de Salazar y Castro. Tomo XVII. Obras genealógicas y heráldicas. Baltasar Cuartero y Huerta, y Antonio de Vargas Zúñiga y Montero de Espinosa.

Marquesado de Valladares, Xosé Docampo: www.xenealoxia.org/.../1451-valladares-marquesado-de

www.lagenealogia.com/Heraldica/Balladares.html

Blason de España: libro de oro de su nobleza : reseña genealógica y … Escrito por Augusto de Búrgos

Biblioteca Nacional de España=> 1292 Testamento otorgado por Alvaro Fernández, hijo de Fernán Gómez.

http://www.grandesp.org.uk/historia/gzas/atrisco.htm

Revista histórica : investigaciones, bibliografía, metodología y enseñanza de la historia (1918). 2ª Época Nº5. Órgano de la Facultad de Historia de Valladolid.

Consejo Real de Castilla, por Mariano Alcocer

Museo del Prado. https://www.museodelprado.es/coleccion/obra-de-arte/auto-de-fe-en-la-plaza-mayor-de-madrid/8d92af03-3183-473a-9997-d9cbf2557462