Xoán Manuel Alfaya Ocampo

 

 

Xoán Manuel Alfaya. Foto: Obradoiro Fernando Monroy

     

        Maxistrado redondelán, foi responsable co letrado D. Miguel A. González Trigás da primeira sentenza ditada en lingua galega no Xulgado de Primeira Instancia número 2 de Ourense en marzo de 1988. Serían homenaxeados na Audiencia Provincial de Ourense en 2022 coa colocación dunha placa conmemorativa na súa fachada.

        Polo Real Decreto 330/1990, de 22 de febreiro, foi nomeado Xuíz Decano dos Xulgados de Pontevedra. En 1992 formou parte do tribunal do primeiro xuízo con xurado popular en Pontevedra, xunto a Luciano Varela Castro, José María Casas Estévez e o fiscal Benito Montero. Ao ser un xuízo experimental o veredicto do xurado non era vinculante.

        Xubilaríase en 2022 por cumprir a idade regulamentaria como Maxistrado con destino na Audiencia Provincial de Pontevedra con sede en Vigo.

        Unha faceta menos coñecida deste maxistrado é a de coleccionista de xoguetes antigos. En 2018 presentou a súa colección ao público en Cesantes e Redondela.

Exposición no Multiusos da Xunqueira. Foto: J. Migueles

Autor: Juan Migueles

BIBLIOGRAFÍA

Boletín Oficial del Estado. https://www.boe.es/

Galeguizar Galicia https://galeguizargalicia.gal