 |
| Mámoa do Rei |
O nome de Monte Penide foi popularizado polos traballos publicados por arqueólogos nos anos 70 e 80. En realidade trátase do Monte Mirallo, sendo o Monte Penide a parte máis alta desta montaña hoxe coñecida como Pico San Vicente. Aclarado este punto, dicir que este monte destaca pola súa riqueza arqueolóxica. Nel podemos atopar petróglifos, máis de 30 mámoas e o castro de Negros que veremos na seguinte entrada:
https://anecdotarioredondela.blogspot.com/2021/11/o-castro-de-negros.html
Tamén existen restos de asentamentos ao aire libre, isto quere dicir que poboados construídos de barro non se conservaron ata os nosos días, como sucede cos castros, pero sabemos da súa existencia polo achado de restos cerámicos. Foi declarado Conxunto Histórico-artístico en 1970 e Ben de Interese Cultural en xullo do 2008. Isto non evitou a destrución de numerosas mámoas, chegaron a catalogarse 58, as dúas últimas en 2015.
Este conxunto ten a súa continuación no concello de Vigo.
http://vigoarqueologico.blogspot.com/2008/03/sobre-los-yacimientos-arqueolgicos-en_919.html
O arqueólogo Xurxo Constela, de A Citania S. L., realizou o proxecto Museo Virtual Monte Penide Prehistórico http://montepenideprehistorico.com/es/index.html ao que seguiría a posta en valor deste conxunto coa colocación de paneis informativos, construción de pasarelas de acceso e a realización de visitas guiadas. Na súa páxina podemos atopar varias rutas e a situación dos puntos de interese que enumero brevemente a continuación:
Miradoiro natural
Saímos de Redondela en coche cara a Vigo. Na rotonda xiramos á esquerda. Seguimos esta estrada ata ver os muros do colexio de Cedeira, tomando á dereita no cruce do cruceiro da Raíña. Comezamos a subida ao monte Mirallo pasando a carón do Pazo de Torrecedeira (non pode ser visitado por ser de propiedade privada). Na subida tamén podemos contemplar os muíños do Pardo. A primeira pista que atopamos será a Senda da Auga. Despois de pasar unha segunda pista, chegamos a unha recta con espacio para aparcar dous ou tres coches onde podemos desfrutar dunhas espectaculares vistas da Enseada de San Simón. En 2020 colocouse un banco, algo que non era novidade porque nos anos 90 do pasado século xa existira un banco neste punto.
Un pouco antes se subimos por un carreiro de bicicletas e motos atopamos un pequeno gravado que era coñecido polos veciños pero que non se catalogou ata o 2018. O máis probable é que se trate da marca dun canteiro, polo que sería considerado petróglifo histórico.
 |
| Miradoiro |
 |
| Marca de canteiro |
Coto Fenteira
A seguinte pista do lado dereito (cunha gran entrada) condúcenos a un vello campo de fútbol que nunca se rematou de construír, coñecido como Campo da Rata. Nos arredores podemos atopar restos dun asentamento, unha mámoa e varios petróglifos entre os que destaca un muíño navicular. Se subimos a un alto, poderemos desfrutar dunhas espectaculares vistas á ría de Vigo coa sensación de que imos caer na Ponte da Rande. Este punto, chamado Coto da Fenteira, acadou certa sona pola colocación do chamado "Mellor banco do Mundo", imitando ao colocado en Ortigueira e que daría pé á “moda” de colocares bancos nos montes.
Túmulo Coto Fenteira: 42.278805705, -8.648388498
Petróglifo Coto Fenteira 1: 42.279909194, -8.648473217
Petróglifo Coto Fenteira 2: 42.278771168, -8.648188523
Petróglifo Coto Fenteira 3: 42.279191677, -8.649447444
Petróglifo Coto Fenteira 4: (sen catalogar)
Muíño navicular: 42.2783397447, -8.64930868149
 |
| O mellor banco do mundo |
 |
| Muíño navicular. |
 |
| Petroglifos do Coto da Fenteira |
Poza da Lagoa
Se continuamos a subida pola estrada, chegaremos á área de descanso Poza da Lagoa. Nas inmediacións atopáronse unha mámoa e restos doutro asentamento. Deixando as mesas á nosa esquerda seguiremos a pé por un sendeiro, se collemos á dereita chegaremos a outro miradoiro á Ría de Vigo coñecido popularmente como O Cocodrilo pola forma dunha rocha, na que existe unha cruz de termo. Neste tramo tamén existe unha mámoa pero difícil de observar.
Se houbéramos seguido o sendeiro de fronte, achegámonos á poza que da nome ao lugar e un pouco máis adiante os petróglifos da Poza da Lagoa, nos que destacan os antropomorfos e a representación de armas.
 |
| O Cocodrilo. Foto: J. Migueles, 2018. |
 | |
| Alabardas e coitelos, Poza da Lagoa |
 |
| Alabardas e coitelos |
 |
| Antropomorfos, Poza da Lagoa |
Preto de aquí tamén se atopou un cocho. Pequena construción abovedada da que non se sabe a ciencia certa a súa utilidade, podendo ser acubillo de pastores ou do gando.
 |
| Restos dun cocho |
 |
| Chan do Rato |
 |
| Porteliñas. Cruz |
 |
| Petróglifos das Porteliñas. Foto: J. Migueles, 2008 |
 | |
| Coto da Rola |
Chan da Cruz
Seguindo o sendeiro acharemos os petróglifos do Chan da Cruz que conta cunha pasarela de acceso. Nel veremos unha gran cruz, unha agrupación de cruces, numerosas composicións circulares con coviñas e dúas representacións humanas.
 |
| Chan da Cruz. |
 |
| Chan da Cruz |
 |
| A Cruz que da nome ao lugar |
Collendo no cruce de fronte chegaremos á estrada na que se atopa a Mámoa do Rei (nome tamén popularizado, antigamente chamada Pedra do Couto). Nela podemos observar unha cruz gravada. Fixándonos nos arredores atoparemos ata 30 mámoas catalogadas.
 |
| Mámoa do Rei. |
 |
| Mámoa |
Castro de Negros
Podemos completar a visita acercándonos ao Castro de Negros. Podemos ir a pé dende a Mámoa do Rei, pola pista de terra collendo a da man dereita. Tamén ten acceso dende a Senda da Auga pero a pendente é bastante pronunciada.
Para coñecer máis sobre este castro visita a seguinte entrada do blog: https://anecdotarioredondela.blogspot.com/2021/11/o-castro-de-negros.html
 | |
| O Castro de Negros visto dende Quintela. |
 |
| Coto do Corno. |
 |
| Coto do Corno |
A medio camiño entre o castro e o Coto do Corno apareceu outro petróglifo en 2020 formado por ducias de puntos algúns deles unidos por pequenos círculos.
42.267808, -8.627245
 |
| Novo petróglifo |
No hay comentarios:
Publicar un comentario