A voda do ano.

Foto: Crónica-El Mundo

          Corría o ano 2002, cando o 23 de xuño a parroquia de Cedeira saltaba as páxinas do corazón. O motivo non era outro que a celebración na súa igrexa do enlace entre Eduardo Sánchez Pérez, fillo do propietario da revista ¡Hola! e director da súa edición en Internet, e Asunta Moreu Bárcena, avogada e descendente do conde de Torrecedeira. Quizais os nomes dos noivos non foran moi populares pero sí o eran moitos dos 700 invitados: Ana Botella, esposa do daquela presidente do Gobierno Jose María Aznar; a súa filla Ana e o daquela seu prometido, Alejandro Agag; o ex-presidente Adolfo Suárez e a súa filla Marián; as irmás Alicia e Esther Koplowitz; o banqueiro Javier Valls Taberner; Miranda, esposa de Julio Iglesias; Paloma Cuevas, esposa de Enrique Ponce; o ministro de Fomento, Francisco Álvarez Cascos; Nati Abascal; o modista dominicano Óscar de la Renta... O voo e o aloxamento estaba incluído na invitación, parte no Gran Hotel da Toxa e o resto nos mellores hoteis de Vigo.

          Considerada a voda do ano tivo pouca repercusión nos medios debido a discrección co que se cubriu o evento, por expreso desexo do pai do noivo, polo que apenas se publicaron fotos. As fortes medidas de seguridade pecharon o tráfico nas proximidades. Rematada a ceremonia os invitados trasladáronse nun tren turístico ao fastuoso pazo familiar de Torrecedeira. Alí foron agasallados cun menú servido polos restaurantes Jockey e El Canario de Chapela consistente nunha selección dos mellores mariscos (bogavantes, langostinos...), foiegras trufado, peituga de pintada... Todo acompañado polos mellores albariños. Non se reparou en gastos, concretamente 2,4 millóns de euros (uns 400 millóns das antigas pesetas) foron os que se gastaron na festa.

Autor: Juan Migueles

BIBLIOGRAFÍA

Crónica