De Cabeiro a Gibraltar

Tradicionalmente na parroquia de Cabeiro fabricábanse cestos que eran vendidos en Redondela e Vigo. Esta modesta industria sufriu un desenrolo enorme tralo estalido da I Guerra Mundial. O caso foi que Gibraltar mercaba cestos para o carbón a Italia e a contenda deixou a dita cidade sen subministro. Esta situación obriga a que se comece a solicitar este tipo de cestos a Cabeiro, que era a parroquia que fornecía a Vigo. A demanda é tan grande que esta parroquia e as máis próximas aumentan axiña a produción, que en 1919 chega a enviar a Gibraltar a cantidade de 5.000 cestos mensuais. Tendo en conta que o prezo por cesto era de dous pesetas, os ingresos ascendían ás 10.000 pesetas mensuais. Toda unha industria cunha ocupación netamente artesanal.

Autor: Juan Migueles

BIBLIOGRAFÍA

19190209 El ideal gallego.