 |
| Vistas de Redondela, anos 60. Foto: Eugenio Lueiro, cedida por Uxía Ele Ga |
(Ver tamén https://anecdotarioredondela.blogspot.com/2020/04/toponimia-rueiro-de-redondela.html )
Redondela (Parroquia Santiago Apóstolo de): Do latín rotundus (redondo) mais o sufixo diminutivo -ela (Ex: Sarela, Agrela o A Portela) equivalente ao castelán -illa. O nome de Redondela faría referencia á forma redondeada coa que a vila creceu en torno ao mar.
Vilavella (Parroquia Santiago Apóstolo de): Foi unha poboación independente, logo converteuse en parroquia de Redondela e actualmente non existe a nivel administrativo. Recibe este nome por ser máis antiga que Redondela, que era chamada en tempos Vilanova para diferenciala de Vilavella.
Vilavella (lugar). Sen localizar. No Diario de avisos de Madrid (1851) recóllese O Lugar de Vilavella.
Cruceiro e peto de Ánimas de Vilavella.
Fonte de Vilavella.
Ponte de Vilavella. Tamén coñecida como Ponte dos Fornos por unir Redondela coa rúa dos Fornos, actual R. Juan Manuel Pereira, en Vilavella, na actual Praza Ribadavia. No Catastro de Ensenada de Redondela (1752) aparece como linde parroquial puente de Villavieja. No Catastro de Ensenada de Vilavella (1752) aparece como linde parroquial Puente.
Convento de Vilavella. (Ver https://anecdotarioredondela.blogspot.com/2019/02/o-convento-de-vilavella.html )
Fonte do Convento de Vilavella.
BARRIOS
Esfarrapada, a (Redondela). Comprendería a parte da propia R. Esfarrapada a R. Laurel, R. Cruceiro, R. Espírito Santo... Nun documento de 1605, cítanse Esfarrapada e Viña de Esfarrapada. No Memorial cobrador de rentas do Convento de Vilavella (1699-1779), Esfarrapada. Coñecida popularmente como Farrapada, nome que lle daban tamén os emigrantes en Brasil a mediados do século XX a unha rúa á que se chegaba por unha costa na que vivían moitos redondeláns.
Muro, o (Vilavella). Pode facer referencia ao muro do convento de Vilavella, xa que hai que percorrelo par chegar a este barrio. Pertenceu a Quintela e trala ordenación parroquial de 1904 pasou a Vilavella. Correspóndese coa actual Rúa Muro.
O Muro Longo (Vilavella). Casto Sampedro recolle: Sitio de Muro Longo. No Catastro de Ensenada de Vilavella (1752) aparece como linde parroquial Muro longo (marco do).
O Muro Novo (Vilavella).
O Muro Vello (Vilavella).
Fonte do Muro (O Muro-Vilavella).
Outide (Vilavella-Cedeira). Barrio pertencente ás dúas parroquias.
Outide de Abaixo (A Portela(Cedeira)/Vilavella). Derivado de outeiro, pequeno monte. No Catastro actual, Outiz de Abaixo.
Outide de Arriba (A Portela(Cedeira)/Vilavella). No Catastro actual, Outiz de Arriba. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), lugar de Outide. No Fondo Casto Sampedro no apartado Calles y sitios de Villavieja recóllese Sitio de Outide e Sitio del Coto de Outide.
Fonte e Poza de Outide. Aparece como linde de Vilavella en 1772: a la fuente y Poza de Outide.
A Rabadeira (Vilavella). Eligio Rivas Quintas en Frampas, contribución al diccionario gallego (2001) recolle Rabadeiro: Segador de segunda, entre los que iban a las siegas a Castilla. ouces, rabadeiros y teiros. Terra do Bolo. (FrampasIII). No Catastro de Ensenada de Vilavella (1752) aparece como linde parroquial Rabadeyra. No Fondo Casto Sampedro no apartado Calles y sitios de Villavieja recóllese Sitio de la Rabadeira. Aparece no Catastro actual.
Rabadeira de Arriba. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio de Ravadeira de Arriva.
Rabadeira de Abaixo. Recollido como linde de Vilavella en 1772.
Ribeira, a (Redondela). Por estar (en tempos) á beira do mar. Abarcaría a Praza Santiago Apostol, Rúa Ribeira, Xeneral Rubín e as rúas situadas detrás das anteriores. No Catastro de Ensenada de Redondela (1752) aparece Ribera.
A Ponte da Ribeira. Desaparecida. Daba acceso ao Porto da Ribeira e á Praza do Peixe.
Porto da Ribeira. Peirao desaparecido por mor dos recheos.
O Salgueiral (Vilavella). Situada nunha marxe do río Maceiras, en tempos estaría cheo de salgueiros. Comprendería ademais da marxe dereita da Rúa Salgueiral a R. Amieiro, o resto da zona foi urbanizada recentemente.
Santa Mariña (Redondela). Recibe este nome da capela. Pertencía a Cesantes ata que en 1904 o Bispado agrega a rúa de Santa Mariña, a súa capela e o Monte do Cuco a Redondela. Ademais da Av. de Santa Mariña, abarcaría a P. da Fonte do Mouro, parte da R. Picota e as proximidades da capela. En Novo arranxo e establecemento dos Reais Plantíos e Devesas nos pobos das xurisdicións de Redondela, Vilavella, Saxamonde e Cedeira (1792) cítase Paraje de Santa Marina. No Censo de montes baldíos, realengos e de dono non coñecido que se atopan no Partido Xudicial de Redondela (1845) cítase Santa Marina. Monte.
Campo de Santa Mariña. Nome que recibe o campo de fútbol municipal, empregado polo C. D. Choco.
Rego de Santa Mariña. Sen localizar. Podería referirse á auga que baixaba do Fonte do Mouro. No Catastro de Ensenada de Redondela (1752) aparece como linde coa parroquia de Cesantes.
Capela de Santa Mariña.
Cruceiro de Santa Mariña.
Ríos
Río Alvedosa. No Catastro de Ensenada (1752) aparece o sitio do Río da Erbadosa. Erbedosa é un derivado de érbedo, en castelán madroño, faría referencia a un lugar na que abundaba esa árbore. Como todos os ríos recibe diferentes nomes no seu percorrido. Ao seu paso por Redondela no mesmo documento aparece: Río da Vila ou de Redondela, Río do Carballo, muelle y Río de la Junquera e, como linde parroquial,
río de los pazos contiguos. No rueiro actual Avenida do Alvedosa.
Río Maceiras (Vilavella). Polas abundancia de maceiras nas súas beiras.
Río Pexegueiro (Redondela/Cesantes/O Viso). Lugar con pexegueiros. No Catastro de la Unica (1792) Río do Pexegueiro.
Campo do Pexegueiro (Redondela). Na actual Rúa Cabo dos Fumeiros. No Catastro de la Unica (1792) Campo de Pexegueiro.
Toponimia
O Abeneiro (O Muro-Vilavella).
Agrelo (Redondela). Diminutivo de agro ou agra, os dous significan campo de labranza pero diferéncianse na cantidade xa que o agro ten unha
extensión máis reducida. No Censo de montes baldíos, realengos e de dono non coñecido que se atopan no Partido Xudicial de Redondela (1845) cítase Agrelo. Monte.
Arañol (Vilavella)
Campo de Arañol. No Libro de amillaramento da contribución rústica e pecuaria. Villavieja (1948-1949).
Muíño de Arañol.
A Arrotea: A rotea designa a terreos gañados ao monte para o seu cultivo.
Banda da Marea (Redondela). Lateral polo que sube o mar. No Fondo Casto Sampedro cítase Viña de la Marea (1649), La Banda de la Marea, horta en Vilavella (1669/1681) e horta La otra banda de la marea (1705). No mesmo fondo recóllese no apartado Calles y sitios de Villavieja, Sitio de la Banda de la Marea. No Memorial cobrador de rentas do Convento de Vilavella (1699-1779), Leira de huerta Banda de la Marea. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio de Banda de la Marea. Aparece no Catastro actual.
As Barras: Diques de pedras na desembocadura do río Alvedosa. Construíronse para dar máis calado ao acceso ao porto de Redondela, pero ao pouco tempo quedaron en desuso polos recheos da marisma e a desaparición do porto trasladado a Cesantes.
Belén (Vilavella): Eido.
As Cabirtas (Vilavella/ Quintela/Reboreda). Cabirtas sería unha forma popular galega variante de cabrita. Pode referirse a un lugar onde soen pastar estes animais ou a un terreo pedregoso e en pendente (un camiño de cabras). No Fondo Casto Sampedro cítase La Cabrita como viña, parra e terreo de labranza en Vilavella (1681). No Memorial cobrador de rentas do Convento de Vilavella (1699-1779), La Cabrita e Campo de la Cabrita. No Catastro de Ensenada (1752) aparece o sitio da Cabirta. No Catastro de Ensenada de Vilavella (1752) aparece como linde parroquial la Cabrita. Na Relación de rentas que pertenceron ao mosterio de Melón recóllese Cabrita do Canudo. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), Sitio de Cabrita. Aparece no Catastro actual como As Cabritas. Popularmente coñecido como As Cabritas.
Congostra da Cabrita: Congostra significa “corredoira”. No Fondo Casto Sampedro no apartado Calles y sitios de Villavieja recóllese Congostra de la Cabrita.
Cabo dos Fumeiros (Redondela). Accidente marítimo antes dos recheos. Era un lugar onde se afumaban os peixes para a súa conservación. No Fondo Casto Sampedro recóllese Cabos de los Fumeiros e Sitio de los Fumeiros. No rueiro actual Rúa Cabo dos Fumeiros.
O Caghadouro (Redondela). Chámase así, popularmente, ás inmediacións dos piares do viaduto novo (Pontevedra-Vigo) entre a Ribeira e a Picota. O motivo é por ser o lugar onde moita xente facía as súas necesidades, especialmente os días de feira.
Calle Vieja (Vilavella). Tramo da rúa Padre Crespo comprendido entre o viaduto e a Praza Ribadavia.
Camiño da Francesa (Quinteiro-Quintela/O Muro-Vilavella): Recollido por Trespés. No Rueiro (2010), Camiño da Francesa.
Carreiro do Camiño da Francesa (Quinteiro-Quintela/O Muro-Vilavella):
O Campo das Monxas (Vilavella). Terreo que pertencía ao convento e que estaba diante del. Actualmente parte da Praza Ponteareas.
O Campo das Ras (Vilavella). Nome dado cando menos desde os anos 70 do pasado século. Era un campo rodeado de terras inundables polo que é de supoñer que recibe o nome por abundar estes anfibios, pero no Libro de amillaramento da contribución rústica e pecuaria. Redondela. Tomo I (1948-1949) atopamos o nome de José Ras, polo que o topónimo fai referencia ao apelido .
Canabal (A Rabadeira-Vilavella). Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio de Canabal e sitio del Lugar de Canabal.
O Canudo (Vilavella). Lugar onde abundaban as canas. Na documentación do Mosteiro de Melón cítase en 1401 “una leira de viña sita en el canudo”e en 1433 “una leira de viña con su heredad en el canudo". No Fondo Casto Sampedro no apartado Calles y sitios de Villavieja recóllese Sitio da Canuda. Aparece no Catastro actual.
Fonte do Canudo. No Catastro de Ensenada de Vilavella (1752) aparece como linde parroquial Fonte do Canudo.
O Caracol (Redondela). Topónimo moderno. Xardín circular na Alameda.
O Carballo (Redondela). Faría referencia a unha árbore baixo a que antigamente se celebraban os “concejos abertos”, o que hoxe serían os plenos do Concello nos que se permite a asistencia de todos os veciños. No Memorial cobrador de rentas do Convento de Vilavella (1699-1779), Carballo Casa y huerta de Juan Alvarez. No Catastro de Ensenada de Redondela (1752) aparece como linde parroquial molino do Carballo. No Fondo Casto Sampedro recóllese Alto del Carballo e Sitio del Carballo.
As Cardosas (Vilavella/Cedeira). Lugar onde abundan os cardos, planta. Camiño que une ás dúas parroquias. No Fondo Casto Sampedro no apartado Calles y sitios de Villavieja recóllese Sitio de las Cardosas. No rueiro actual Camiño das Cardosas (Cedeira) e Rúa das Cardosas (Vilavella).
Carrascal. Lugar onde abundan os carrascos, planta. Aparece no Catastro actual.
Casa da Torre (Redondela). Pazo hoxe transformado en albergue de peregrinos.
A Torre. No Fondo Casto Sampedro recóllese Huerto al sitio da Torre.
Canto da Torre (Redondela). Recollido en Contas de propios e arbitrios xurisdición de Redondela Nova (1806), “puente que arruinó la avenida en el sitio del Canto da Torre Redondela”.
Cascoña (Vilavella). Na Estrada de Vigo. Aparece no Catastro actual. No Memorial cobrador de rentas do Convento de Vilavella (1699-1779), Cascoña de abajo que fue de Guiomar Prego tamén aparece O Arcal e castañal de Outide e Cascoña. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio de Cascoña e Cascoña de Avajo. No Fondo Casto Sampedro no apartado Calles y sitios de Villavieja recóllese Sitio de Cascoña.
Fonte de Cascoña => Aparece en documentos do Fondo Casto Sampedro de 1586 e 1697. Recollido no Catastro de Ensenada (1752).
Cascoñas (Vilavella). Av. Ernestina Otero, tramo onde está o CRC. Aparece no Catastro actual.
Castañal, o (Rabadeira-Vilavella/Cedeira). Lugar con castiñeiros. Aparece no Catastro actual.
Fonte do Castañal. Sen localizar. No Catastro de Ensenada de Vilavella (1752) aparece como linde parroquial Fonte de el Castañal de Canabal.
O Chafarís (Redondela). Un resto do seseo que se falaba en Redondela. O chafariz é unha fonte con auga a chorro. Chamábase así ao estanque da Alameda antes da colocación da estatua de Castelao.
O Cocho (A Portela-Redondela): Pode ter o significado de horta pequena ou de cova.
Fonte do Cocho (A Portela-Redondela):
Praia do Cocho (A Portela): Desapareceu coa construción da estrada que une Redondela con A Portela. No lugar construíuse unha fábrica chamada “A Fedora” polo mal cheiro que botaba, xa que se adicaba á produción de combustible con grasas de peixe.
Costa da Forca (Santa Mariña-Redondela). O termo forca refírese a unha curva moi pechada. No Arquivo Deputación de Pontevedra>Visitas ás reais devesas e plantíos da vila e xurisdición de Redondela (1785), aparece Costa da Forca, daquela pertencente a Cesantes. Nun xornal de 1910, A Costa da Forca no Monte do Cuco.
A Costa de Paradela (Redondela). Tramo en pendente da rúa Isidoro Queimaliños desde o cruce coa rúa Telmo Bernárdez. Paradela era un veciño que tiña un loro famoso porque asubiaba o Himno de Riego.
A Cova do Ouro (Vilavella/Cedeira). O termo cova fai referente a un entrante no mar, un pequeno golfo. No Catastro de Ensenada de Vilavella (1752) aparece como linde parroquial A Cova Do Ouro y por otro nombre Carbón Queimado.
Cruceiro (Redondela). Pola existencia dun cruceiro hoxe desaparecido. Actual Rúa Cruceiro. No Catastro de Ensenada de Redondela (1752) aparece como linde parroquial crucero viejo. No Fondo Casto Sampedro recóllese Crucero Viejo.
Cuarto dos Negros (O Muro-Vilavella): Cuarto era a terra arrendada pola que se debía pagar un cuarto do que producía. Sóese explicar o topónimo de Negros polo color escuro da terra. Neste caso pode referirse a alguén da veciña parroquia de San Estevo de Negros. Devesa.
O Cuplé (Vilavella). Chamábanlle así aos desaparecidos lavadoiros da Xunqueira. Cando o inauguraron tiña un rótulo que poñía: “O.S.M.” (Obras Sociales del Movimiento). Como no cine triunfaba “El último cuplé” a xente dicía: “O. S. M. - Obra Sarita Montiel”, e quedoulle “El cuplé”.
A Curva de Juan José (Redondela). Tamén chamada Curva de Cachudo. Na unión das rúas Santa Mariña e Xeneral Rubín. Era o nome do dono da casa que facía esquina.
Detrás da Igrexa (Redondela). No Fondo Casto Sampedro recóllese Detras de la Iglesia.
Detrás do Convento (Vilavella). No Memorial cobrador de rentas do Convento de Vilavella (1699-1779), Casa y Viña detras del Convento / Territorios detras y arriba del convento / Otro territorio detras y arriba del convento. No Catastro de Ensenada (1752) aparece Bienes detrás del Convento e Molinos de detras del convento campo y cocho. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio detrás del convento. No Fondo Casto Sampedro no apartado Calles y sitios de Villavieja recóllese Sitio de tras el convento.
Eido de Gharracadelas (O Muro-Vilavella): Un eido é un pequeno terreo adicado á agricultura. Gharracadelas sería o alcume do propietario.
Eido dos Biquillos (O Muro-Vilavella): Eido. Alcume familiar dos propietarios.
Muíño dos Biquillos. Desaparecido.
Os Eidos (Redondela/Reboreda): Pola división do terreo en eidos. Ata a ordenación parroquial de 1904 pertenceu a Reboreda. Aparece no Catastro actual. No rueiro, rúa dos Eidos.
Entre os Ríos (Vilavella): Terreo entre o Río Maceiras e o regato formado pola auga que saía do Muíño de Arañol. No Memorial cobrador de rentas do Convento de Vilavella (1699-1779), Entre los ríos (huerta). No Fondo Casto Sampedro no apartado Calles y sitios de Villavieja recóllese Sitio de Entre los Ríos. No Diario de avisos de Madrid (1851) recóllese Cañaveral de entre los ríos.
O Espírito Santo (Redondela). Por unha capela da que aínda quedan restos no lugar. No Fondo Casto Sampedro recóllese Alto de la Calle del E. Santo.
Ponte do Esteiro (Santa Mariña-Redondela) Une Redondela con Cesantes.
A Faxina (O Muro-Vilavella): Lugar. Pode ser un alcume, facendo referencia a alguen que fala moito ou que fai moito ruído ao comer.
Fincas de Rivas. Aparece no Catastro actual.
Florida (A Rabadeira-Vilavella).
Fonte do Mouro (Redondela). Un mouro é unha personaxe da mitoloxía galega. Recollido no Catastro de Ensenada (1752). Daquela marcaría o límite de Redondela, Cesantes e Reboreda.
Fonte Santiago Apóstolo. Fonte do século XIX, dela represéntase un Santiago Apóstolo ecuestre.
Fortóns (Cedeira/O Muro-Vilavella). No Catastro actual aparece castelanizado, Fortones.
Frián (O Muro-Vilavella). Pode referirse a un lugar frío. Aparece no Catastro actual.
Gugurugú (O Muro-Vilavella).
Lagares (Vilavella). Pode referirse a un lugar onde existían bodegas onde se producía viño.
A Lameira (Redondela). Lugar con lama, barro. Aparece no Catastro actual. No Rueiro Cño. Monte do Cuco.
Landín (Reboreda/Redondela). Teño recollido o apelido Landín en Redondela cando menos desde principios do século XIX. Recollido no Catastro actual.
Laxes, as (Reboreda/Redondela). Unha laxe é unha pedra de cara superior alisada, de pouco grosor. Aparece no Catastro actual.
As Leiras do Campo (Vilavella). Unha leira é un terreo de labranza. Estrada de Vigo. Aparece no Catastro actual.
O Lugar (Redondela): Cerca da Rúa Picota, hoxe urbanizada.
O Lugar (Vilavella)
Lugar de García (O Muro-Vilavella): Apelido do propietario.
Lugar da Orensana (O Muro-Vilavella): Alcume.
Lugar de Felisidá (O Muro-Vilavella): Nome da propietaria.
Lugar dos Contreros (O Muro-Vilavella): Eido da familia Contreras.
Lugar dos Serranos (O Muro-Vilavella): Alcume familiar.
Malfarta (O Muro-Vilavella): Viña e campo de labranza.
Maceira (O Muro-Vilavella). Ver Río Maceiras. No Catastro de Ensenada de Vilavella (1752) aparece como linde parroquial Maceira.
Muíño da Maceira.
A de Manolicho (Vilavella). Nome do propietario de Serrerías Amoedo.
A Marca do Rei (Vilavella). Nome dado á ponte que une a praza Ponteareas coa estrada de Vigo por ser un legoario do Camiño Real datado en 1807.
O Petril. Do castelán pretil: Murete o vallado de piedra u otra materia que se pone en los puentes y en otros lugares para preservar de caídas. Muro de contención da actual Praza Ponteareas e que era unha continuación da Marca do Rei. Quedou ao descuberto durante as obras acometidas na praza en 2022.
A Marisma (Redondela/Cesantes)
O Matadoiro (Redondela/Cesantes). Lugar onde se atopaba o matadoiro municipal, que sería derruído para construír o centro médico.
Miraflores (Redondela). No Fondo Casto Sampedro recóllese Barrio de Miraflores, Sitio de las Congostras de Miraflores, Calle de Miraflores, Camino Real que pasa a Reboreda terreno en Miraflores que confina con Las Langosteiras confinante con los Arrabales.
O Monte do Cuco (Redondela). Monte onde abundaban estes paxaros. Pertencía a Cesantes ata que en 1904 o Bispado agrega a rúa de Santa Mariña, a súa capela e o Monte do Cuco a Redondela. No rueiro (2009) Camiño do Monte do Cuco.
Monte de Machaquito (Redondela). Alcume de Manuel Leirós, casado coa herdeira de terreos neste monte.
Novelle (Vilvella (O Muro)/Quintela/Reboreda). É unha alteración de lobelle, derivado de lobiño. Na documentación do Mosteiro de Melón atopamos: Casal de Lobelle (1391) e Coto de Lobelle (1406). No Fondo Casto Sampedro aparece lugar de Lobelle, nun documento de 1665. No Catastro de Ensenada (1752) aparece o sitio de Novelle. Nun censo de montes de 1847, monte de Novelle ou Río de San.
O Pardiñeiro (Redondela). O termo fai referencia a unha casa abandonada e arruinada. Solar na marxe esquerda da rúa Alfonso XII. Durante uns anos foi cedida por José Regojo como espazo público ata a construción dun edificio a principios dos anos 70 do pasado século. Alí os nenos xogaban e a señora Juana vendía bolas de anís e “Pirulís de la Habana que se comen sin gana”.
Os Pasais (Vilavella/Reboreda). Pasos para cruzar o río. No Catastro de Ensenada de Vilavella (1752) aparece como linde parroquial Marco do Paisás.
Ponte dos Pasais (Vilavella/Reboreda).
Cruceiro e peto de ánimas dos Pasais (Vilavella).
Os Pelames (Vilavella). Pode facer referencia a un lugar onde se curtían peles ou a un terreo pelado, con pouca vexetación. Na estrada de Vigo. No Memorial cobrador de rentas do Convento de Vilavella (1699-1779), Bienes detras del Convento y viña de los Pelambres e Casas de los Pelambres que fueron de Pedro de Boucon. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio de los Pelambres. No Fondo Casto Sampedro no apartado Calles y sitios de Villavieja recóllese Campo de los Pelambres. No Libro de amillaramento da contribución rústica e pecuaria. Villavieja (1948-1949), Os Pelames.
Perol (Vilavella). Un perol é un tipo de recipiente, pode referirse a que era un lugar onde se facían ou a que o terreo tiña a súa forma.
Pintoras, As (Vilavella). Pode ser un alcume das propietarias. No Fondo Casto Sampedro no apartado Calles y sitios de Villavieja recóllese Sitio de los Pintores. No Libro de amillaramento da contribución rústica e pecuaria. Villavieja (1948-1949), As Pintoras. Aparece no Catastro actual, Pintoras.
Pío (Redondela/Cesantes): Pode referirse á pía grande dunha fonte. Aparece no Catastro actual.
Ponte de Lima (Redondela). Ponte desaparecida onde hoxe se atopa o Concello. En Redondela atopo unha persoa co apelido Lima no século XVII.
Ponte Longa (Redondela/Vilavella). Unía Redondela con Vilavella na actual Praza Ribadavia. Nos Catastros de Ensenada de Redondela e Vilavella (1752) aparece como linde parroquial Puente Longa. No Fondo Casto Sampedro no apartado Calles y sitios de Villavieja recóllese Camino de Puente Longa.
Ponte de Paulino (Redondela/Vilavella). Ponte que daba acceso ao baile Parque la Junquera, sendo construído polo seu propietario.
Porta de Don Castro (Redondela). Praciña preto da Pz. De Santiago Apóstolo, diante de onde estivo durante anos a tenda Vimar. Debe o nome a que a carón da taberna Casa de Xan Xán estaba a casa de don Castro. Nos falan de que os propietarios desa casa eran todos irmáns solteiros. As últimas dúas irmás tan só viñan á casa no verán porque vivían noutra casa en Vigo. Cando faleceron deixáronlle as dúas casas, máis unha terceira en Ventosela á filla dun irmán que nunca fora recoñecida.
Porta da Vila (Redondela). Sería á porta de entrada a Redondela. No Fondo Casto Sampedro cítase a herdade Campo da Porta.
A Portela. Diminutivo de Porta. No Fondo Casto Sampedro no apartado Calles y sitios de Villavieja recóllese Sitio de la Portela.
A Portela Grande e A Portela Pequena (Redondela). Recollidos nun xornal de 1932 como os puntos da Xunqueira onde se lavaba a roupa no río.
Regateiras (Redondela). O máis probable que sexa un derivado de regato. Nun documento de 1383 cítase “una cortina llamada Regateira". No Fondo Casto Sampedro recóllese Sitio de Regateiras, Camino que baja a la Huerta de las Regateiras. No rueiro actual, nun lugar próximo, Rúa das Regateiras.
O Regueiro (O Muro-Vilavella). Aparece no Catastro actual.
Presa do Regueiro (O Muro-Vilavella).
Regueiro do Barro (Vilavella). No Memorial cobrador de rentas do Convento de Vilavella (1699-1779), Campo do Rigueiro do Barro / Cocho y heredad do Rigueiro do Barro. No Catastro de Ensenada de Vilavella (1752) aparece como linde parroquial Fonte do Regueiro do Barro. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio de Campo da Loba en el Regueiro de Barros, sitio de Regueiro do Barro. No Fondo Casto Sampedro no apartado Calles y sitios de Villavieja recóllese Sitio de Regueiro do Barro.
Regueiro do Barro de Abaixo. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), Regueiro do Barro de Avaxo.
Regueirón. (O Muro-Vilavella). Aparece no Catastro actual.
Ribeiriña (Vilavella). No Diario de avisos de Madrid (1851) recóllese Riberita.
A Tafona (Vilavella). De tahona muíño fariñeiro e lugar onde se coce e vende o pan.
Camiño da Tafona. Actualmente no rueiro.
Camiño á Tafona. Sae desde a Praza Ponteareas subindo o monte.
Fonte da Tafona. Destruída hai poucos anos para trasladala e substituíla por un surtidor de metal.
Ventín (Vilavella). Apelido. Entre o Camiño da Tafona e a R. Cooperativa. Aparece no Catastro actual.
Vilaflores (Redondela/Reboreda): Aparece no Catastro actual.
A Xunqueira (Vilavella/Redondela). Lugar onde abundan os xuncos, mal castelanizado como Junquera, xa que en español diríase Juncal ou Junqueral. No Fondo Casto Sampedro no apartado Calles y sitios de Villavieja recóllese Sitio de la Junquera.
Ponte da Xunqueira. Ponte que une Vilavella con Redondela no Paseo da Xunqueira, nome do rueiro.
A Xunqueira dos Porcos (Redondela). Nos anos 20 do pasado século, antes do recheo da Alameda e o desvío do Alvedosa, entre o río e a estrada había un campo de herba e flores. Nel pastaban porcos e ovellas, de aí o nome.
Toponimia Histórica
Sen Localizar
As Ameixeiras (Vilavella). Faría referencia á árbore froiteira. No Fondo Casto Sampedro cítase Campo de Amecheiro (1681). No Catastro de la Unica (1792) Sitio de las Ameijeiras e Calle de la Ameijeira. Sen localizar.
O Amieiro (Vilavella). Tipo de árbore.Aparece como linde deVilavella en 1772: sitio donde llaman el Amieiro. No Fondo Casto Sampedro no apartado Calles y sitios de Villavieja recóllese Sitio do Amieiro.
Veigas do Amieiro (O Muro): Eido.
Arrabal (Redondela). Aforas do casco urbano. No Fondo Casto Sampedro recóllese Arrabales de la villa, Campo de Arrabal e tamén Camino Real que pasa a Reboreda terreno en Miraflores que confina con Las Langosteiras confinante con los Arrabales.
Bachamade. No Fondo Casto Sampedro, 1605.
Os Barreiros (Redondela). No Catastro de Ensenada de Redondela (1752) aparece como linde parroquial camino de los Barreiros (hay marco).
Batanes, os (Redondela). En O cemiterio dos Eidos da vila de Redondela. Xosé Manuel Moreira Docampo. Concello de Redondela, 2022 (Páx. 416), finca que foi propiedade de Vicente García Vázquez.
Bouzón (Vilavella). Pode ser un aumentativo de bouza, espazo que antes era monte e agora cultívase. Tamén é un apelido moi estendido en Redondela. No Fondo Casto Sampedro no apartado Calles y sitios de Villavieja recóllese Sitio de Bouzón.
Cacharreiro. Alcume. No Fondo Casto Sampedro recóllese Sitio del Cacharreiro.
Camino Real. Antigo trazado do camiño principal construído polo Estado e que unía as poboacións máis importantes. No Fondo Casto Sampedro recóllese Camino Real que pasa a Reboreda terreno en Miraflores que confina con Las Langosteiras confinante con los Arrabales.
Campo do ¿Barra? No Fondo Casto Sampedro recóllese “Campo del ¿Barra?, casa que da por derecha con la Plaza de esta Villa”.
Campo da Bouza Longa (Vilavella). No Fondo Casto Sampedro no apartado Calles y sitios de Villavieja recóllese Campo da Bouza Longa.
Campo de Lalazar (Canabal-Vilavella). Labranza en 1948.
Campo da Loba (Vilavella). No Memorial cobrador de rentas do Convento de Vilavella (1699-1779), Campo de la loba. Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762), sitio de Campo da Loba en el Regueiro de Barros. No Fondo Casto Sampedro no apartado Calles y sitios de Villavieja recóllese Sitio de Campo da Loba, Regueiro do Barro.
Campo de Mariño (Vilavella). No Fondo Casto Sampedro no apartado Calles y sitios de Villavieja recóllese Campo de Mariño.
O Campo de Martín (Vilavella). Citado en Expediente de comprobación de bienes, rentas y cargas de la feligresía de Villavieja de Redondela (Mos, Tuy), efectuado por decreto de diciembre de 1760 para el establecimiento de la Única Contribución (1762). No Fondo Casto Sampedro no apartado Calles y sitios de Villavieja recóllese Sitio del Campo de Martín.
Campo das Pereiras (Vilavella): Lugar.
Campo da Rúa. No Fondo Casto Sampedro recóllese Campo de la Rúa.
Campo de Silleros (Vilavella). Probablemente un alcume, pode facer referencia ao oficio de silleiro, o que fai cadeiras. No Fondo Casto Sampedro no apartado Calles y sitios de Villavieja recóllese Campo de Silleros (D. Benito de Mera).
Cantiño (O Muro-Vilavella): Pode ser un diminutivo de canto, sendo un lugar de pedras pequenas. Finca posta á venda en 1910.
A Carqueira (Vilavella). No Fondo Casto Sampedro no apartado Calles y sitios de Villavieja recóllese Sitio da Carqueira.
A Cavada (Vilavella). Terras cavadas son as gañadas ao monte para o cultivo. No Fondo Casto Sampedro no apartado Calles y sitios de Villavieja recóllese Sitio da Cavada.
Chea (Vilavella). Na documentación do Mosteiro de Melón citado en 1401: “una viña llamada Chea, sita en el canudo".
A Chorreira. Lugar por onde baixa moita auga. No Fondo Casto Sampedro recóllese Sitio de la Chorreira.
Congostra (Vilavella). No Fondo Casto Sampedro no apartado Calles y sitios de Villavieja recóllese Sitio de la Congostra.
Contixe. No Fondo Casto Sampedro cítase Contige (1775).
Costeira de Parada. Na Relación de rentas que pertenceron ao mosterio de Melón recóllese Costera de Parada.
A Coutada (Vilavella). Aparece como linde de Vilavella en 1772. No Fondo Casto Sampedro no apartado Calles y sitios de Villavieja recóllese Sitio da Coutada.
As Figueiras. No Fondo Casto Sampedro cítase Huerta de las Figueiras (1816).
Fonte de Jardón
A Gaiosa (Vilavella). No Fondo Casto Sampedro no apartado Calles y sitios de Villavieja recóllese Sitio de la Gayosa.
Hortas (Vilavella). No Diario de avisos de Madrid (1851) recóllese Huertas.
Os Lagares (Vilavella). No Fondo Casto Sampedro no apartado Calles y sitios de Villavieja recóllese Sitio de los Lagares.
Lameira. No Fondo Casto Sampedro recóllese Lameira.
As Langosteiras. No Fondo Casto Sampedro recóllese Camino Real que pasa a Reboreda terreno en Miraflores que confina con Las Langosteiras confinante con los Arrabales.
Leira (Rabadeira-Vilavella). Labranza en 1948.
O Locarro (Vilavella). No Fondo Casto Sampedro no apartado Calles y sitios de Villavieja recóllese Sitio do ¿Locarro? e Sitio de la Isla del ¿Locarro?.
Lugar de Josefa Salgado (Vilavella). Aparece nunha listaxe de propiedades á venda por Real Orde Testamentaria á morte de Buenaventura Marcó e a súa dona en 1834.
Lugar de Mera: “de 347 varas”, aparece nunha listaxe de propiedades á venda por Real Orde Testamentaria á morte de Buenaventura Marcó e a súa dona en 1834.
Naranxo (Vilavella). No Fondo Casto Sampedro no apartado Calles y sitios de Villavieja recóllese Sitio de Naranjo.
A Panadeira (Vilavella). No Fondo Casto Sampedro no apartado Calles y sitios de Villavieja recóllese Sitio da Panadeira.
O Peixiño (Vilavella). No Fondo Casto Sampedro no apartado Calles y sitios de Villavieja recóllese Sitio do Peixiño.
As Pereiras. No Memorial cobrador de rentas do Convento de Vilavella (1699-1779), campo y cocho do Molino da Pereira. No Catastro de Ensenada de Vilavella (1752) aparecen Rego das Pereiras e Campo das Pereiras. No Fondo Casto Sampedro no apartado Calles y sitios de Villavieja recóllese Sitio del Campo de las Pereiras.
O Perol (Vilavella). No Fondo Casto Sampedro no apartado Calles y sitios de Villavieja recóllese Sitio del Perol.
Piñeiro (Vilavella). No Fondo Casto Sampedro no apartado Calles y sitios de Villavieja recóllese Sitio de Piñeiro.
O Piollo. No Fondo Casto Sampedro recóllese Sitio y calle del Piollo.
O Pombal (Vilavella). No Fondo Casto Sampedro no apartado Calles y sitios de Villavieja recóllese Sitio del Pombal.
A Portuguesa (Vilavella). No Fondo Casto Sampedro no apartado Calles y sitios de Villavieja recóllese Sitio da Portuguesa Lugar de Outid.
Quintán. No Diario de avisos de Madrid (1851) recóllese Quintán.
O Río. No Fondo Casto Sampedro recóllese Sitio del Río.
A Roteira (Vilavella). No Fondo Casto Sampedro no apartado Calles y sitios de Villavieja recóllese Sitio de la Roteyra, casa.
A Rupeira (Vilavella). No Fondo Casto Sampedro no apartado Calles y sitios de Villavieja recóllese Sitio da Rupeira.
Sauzal das Monxas (Vilavella). No Diario de avisos de Madrid (1851) recóllese Sauzal de las Monjas.
Sobreiro o (Redondela). No Fondo Casto Sampedro cítase a herdade en Redondela Viña do Sobreiro (1672).
Os Tinglados (Redondela). Nome que recibían dous galpons que había na Praza da Alfóndiga. Un estaba frente a casa das Garinas e o outro fronte a casa das Moquelas. Eran abertos e tiñam columnas de pedra. Nos dias de feira eran empregados para a venda de sementes e pequenos animais.
Veiga do Cruceiro (Vilavella). No Fondo Casto Sampedro cítase a herdade en Vilavella Veiga do Cruceiro (1665).
O Velliño (Vilavella). No Fondo Casto Sampedro no apartado Calles y sitios de Villavieja recóllese Sitio do Velliño.
Viña Branca (Vilavella). No Memorial cobrador de rentas do Convento de Vilavella (1699-1779), Viña Blanca (territorio de viñas)
Viña de Coronado (Redondela). No Fondo Casto Sampedro, 1605.
Viña de Pedre (Santa Mariña-Redondela). No Fondo Casto Sampedro, 1605. En Santa Mariña.
Viña do Pombal Vello (Vilavella). No Memorial cobrador de rentas do Convento de Vilavella (1699-1779), Viña del Pombal Viejo.
A Xiroleira (Vilavella). No Fondo Casto Sampedro no apartado Calles y sitios de Villavieja recóllese Sitio da Giroleira.
Outros Topónimos Modernos
A Ruta do Colesterol: Paseo na Marisma polo que discorren moitos xubilados. Tamén chamado “o Parlamento” polas transcendentais discusións que alí teñen lugar.
O nome de Ruta do Colesterol tamén se aplica á Senda da Auga por toda a xente que vai a camiñar, correr ou andar en bicicleta.
Para saber máis.
Concello-SNL. Buscador: https://toponimia.redondela.gal/index.php
Concello-SNL. Libros: https://toponimia.redondela.gal/libros.php
Deputación de Pontevedra. Galicia Nomeada: https://galicianomeada.xunta.gal/sixtop/inicio
Autor: Juan Migueles
BIBLIOGRAFÍA
As vilas de Redondela nos tempos do Catastro de Ensenada: Xoán Miguel González Fernández. Ed. Concello de Redondela.
Ernestina Otero Sestelo. Pedagoga. Manuel Puga. Ed. do Castro, 1992.
Fondo Casto Sampedro-Museo de Pontevedra
Guía didáctica para escolares:
Nº3. Arquitectura e urbanismo en Redondela. Alfonso Sotelo Ramos.
Nº5. Aproximación á toponimia do Concello de Redondela. Álvaro Iriarte Sanromán
Nº7. Don Casto Sampedro Folgar. Xosé Filgueira Valverde.
SEREN
Nº3. A vila de Redondela na Idade Media (S. XIII-XV). Xosé M. Sánchez Sánchez.
Os Nomes da Ría de Vigo II. Gerardo Sacau Rodríguez. Instituto de Estudios Vigueses (Fundación Provigo).2000.
Arredor de nós. Historia da Policía Local 1863-2003. Gonzalo Amoedo López e Roberto Gil Moure. 2003. Páx. 62-63. Rúa Pablo Iglesias-Paseo Fermín Alfaya.
Catastro de Ensenada de Redondela e Vilavella
Aportacións: Xosé Docampo, Matilde Fernández
Diccionario Madoz
Arquivo familiar. Documentos S. XIX.
Arquivo da Deputación de Pontevedra. atopo.depo.gal => Libro de amillaramento da contribución rústica e pecuaria. Redondela. Tomo I e II (1948-1949)
Pares>Archivo Histórico Nacional> Monasterio de Santa María de Melón.
Pares>Memorial cobrador de rentas do Convento de Vilavella (1699-1779)
USC>Bienes de la Universidad>F.U., S.H. 167
Deputación de Pontevedra => Fondo Encinas Diéguez. Tres censos en Redondela (1605) / Novo arranxo e establecemento dos Reais Plantíos e Devesas nos pobos das xurisdicións de Redondela, Vilavella, Saxamonde e Cedeira (1792)
Galiciana- http://www.galiciana.bibliotecadegalicia.xunta.es => El Pueblo Gallego, El Eco de Galicia, La Correspondencia Gallega, La Idea
Biblioteca Nacional de España: www.bne.es => El Heraldo de Madrid, Diario de avisos de Madrid
La Voz de Galicia
Xornais locais: La Idea, El Soplete
No hay comentarios:
Publicar un comentario