Reloxerías e Xoierías

 

 

Detalle de foto da Alfonso XII-Col Thomas-IEFC

Para empezar a falar do oficio de reloxeiro cabe citar aos empregados do Concello que desempeñaban o posto de Encargado do Reloxo. (Ver https://anecdotarioredondela.blogspot.com/2019/02/varios-cargos-do-concello.html )

Comentar tamén que a principio do século XX eran as tendas onde se vendían as máquinas de coser.

Reloxeiros desde finais do s. XIX.

Manuel Piñón. Reloxeiro nos censos de 1879 ata 1904.

Francisco Vidal. Reloxeiro no anuario de 1894.

Jesús Testa. En 1898 en plena Guerra de Cuba atopo a seguinte noticia: “Refiere un periódico de Pontevedra que en la estación de Redondela fue visto un inglés tomando notas del movimiento de tropas. El relojero Sr. Testa le preguntó si era espía dos yankis y él, sin contestar, se ocultó en el restaurant”. Aparece coma reloxeiro nos anuarios de 1899 ata 1904.

Reloxería de José Barral Santostegui. Reloxeiro cando menos entre 1902 e 1910 na rúa Alfonso XII.

 

Anuncio publicado en La Idea.

Manuel Padín. Aparece no anuario de 1902. Probablemente familiar de Jesús Padín Lorenzo, reloxeiro cando menos entre 1905 e 1925, propietario da Reloxería Suiza na Rúa Alfonso XII. Este negocio sería traspasado e nos anos 40 era rexentado por Armando Olveira.

Amancio Cobas Seoane. En 1902.

Anuncio publicado en La Idea

 

Ricardo Rodríguez. No censo de 1905.

Maximino Tejo. Reloxeiro cando menos desde 1908. O negocio converteuse en familiar e tería continuidade ata 2022. Joyería Tejo. Tamén cabe citar a Peregrina Tejo, primeira muller que atopo como rexente dunha reloxería, concretamente en 1932. Daquela anunciábase na rúa Alfonso XII como: “Viúda de Maximino Tejo. Relojería-joyería-mercería. Maquinas de coser y radio Philips.”. Este negocio trasladouse logo á rúa José Regojo e, nos últimos anos, á rúa Padre Sarmiento.

Diante de Reloxería Tejo. Foto cedida por Gerardo Tejo

 

Emilia Garrido Lorenzo. Aparece como propietaria dunnha reloxería no mesmo censo que Peregrina Tejo, 1932.

D. Nine. Reloxos e máquinas de coser. En 1948 na Rúa Juan Manuel Pereira.

Especial Festas da Coca de 1948.

 

 Reloxería Rianxo. En Chapela nos anos 60.

Reloxería Félix Casal. Nos anos 60 na Rúa José Regojo.

Xoiería Montes. Na Praza constitución desde os anos 70 ata principios do actual século.

Xoiería Groba. Desde os anos 70 na rúa Ribeira. En 2023 trasladouse a outro local da mesma rúa.

Anuncio do Faro deVigo

Autor: Juan Migueles

BIBLIOGRAFÍA

Arquivo do Concello de Redondela =>Matrícula Industrial: 1885-86, 1886-87,1887-88, 1889-90.

Biblioteca Nacional de España: www.bne.es => Anuario-almanaque del comercio, de la industria, de la magistratura y de la administración, Anuario del comercio, de la industria, de la magistratura y de la administración, Anuario regional descriptivo, informativo y seleccionado de la industria, comercio, agricultura, profesiones, arte y turismo del Norte de España.

Faro de Vigo.

Xornais locais=> LA IDEA, El Soplete, La Opinión, Terra!

Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es => El Correo de Galicia, El Correo de Lugo, El Pueblo Gallego, Hoja Oficial del Lunes, El Progreso, La Noche...

Programas da Agrupación Artística Redondela e das Festas da Coca.