Incendio dun autobús.

 

Algunhas das feridas. El Pueblo gallego-Foto: Siorty

 En setembro de 1961 iniciouse un incendio no autobús da liña Vigo-Redondela á altura das Catro Pontes. A causa atribuíuse a un fallo no funcionamento do tubo que leva o combustible ao motor. O condutor, José Cuervo, detivo o autobús en canto advertiu as lapas saíndo do motor. Apresares de que os pasaxeiros abandonaron axiña o vehículo tanto polas portas como rompendo os cristais, houbo sete feridos. Os veciños acudiron a socorrer os pasaxeiros e a extinguir o lume, que xa estaba apagado cando chegaron os bombeiros.

 

Unha das accidentadas. El Pueblo gallego-Foto: Siorty

 

Na Casa de Socorro da rúa Uruguai, de Vigo, foron asistidos Dorinda Lorenzo Lorenzo, de 60 anos, con domicilio en Soutomaior; Digna Lameiro Alonso,de 73, veciña de Rande; María del Carmen González Lourido, de 10, de Soutomaior; Gloria Pereira Alján, de 49, veciña do Viso; María Denis, de 30, veciña de Rande; Isolina Cobián Fernández, de 54, de Soutomaior; e José Acebedo Hermo, de 49, con domicilio no Viso. Este último foi o único dos feridos cualificado como leve, o resto dos accidentados sofren feridas de prognostico reservado. A máis preocupante é a nena con queimaduras graves en cabeza, costas e mans. Tanto ela como Dorinda Lorenzo e Isolina Cobián foron ingresadas no Hospital Municipal de Vigo e o resto de feridos por diferentes centros sanitarios de dita cidade.

Autor: J. Migueles

BIBLIOGRAFÍA

En Galiciana-Biblioteca Digital de Galicia. Xunta de Galicia: http://www.galiciana.bibliotecadegalicia.xunta.es=> El Pueblo Gallego