Historia da parroquia de Reboreda (1 de 2)

 

Reboreda, 1934. Foto Sarabia

3.000 a 1.800 a. C. (Neolítico): No monte Buxel, limitando con Amoedo, atópanse varias mámoas desta época. (Ver https://anecdotarioredondela.blogspot.com/2019/02/monte-buxel.html )

1.800 ao 600 a. C. (Idade de Bronce): Tamén no Monte Buxel atopáronse varios petróglifos, destacando o conxunto da Moscalleira. (Ver https://anecdotarioredondela.blogspot.com/2019/02/monte-buxel.html ) Outros restos desta época serían atopados no monte Carrascal, límite de Redondela e Reboreda, e no Couto Cosel. (Ver https://anecdotarioredondela.blogspot.com/2020/10/alguns-achados-arqueoloxicos-en.html )

1239, 19 de marzo. Doazón das freguesías de San Miguel de Oya, San Saturnino de Amoedo, Santa María de Reboreda, San Martín de Nespereira, San Martín de Vilar de Infesta, Santiago de Borbén, San Esteban de Negros, e San Mamed de Quintela (Pontevedra), dada por Martín, arcebispo de Santiago de Compostela, a favor de Fernán Gómez de Valladares, Señor de Saxamonde.

1497. Ventosela xa aparece coma un anexo de Reboreda.

1587, censo: Aparece como freguesía de Redondela co nome de Rebolleda.

1608, 5 de outubro. Apeo (restitución) dos bens pertencentes ao arcebispado de Santiago de Compostela nas freguesías, entre outras, de Santa María de Reboreda, San Martín de Vilar de Infesta, San Esteban de Negros e San Mamed de Quintela.

1628. Nun documento deste ano aparece (ata o de agora) a referencia máis antiga dun muíño en Reboreda. (Ver https://anecdotarioredondela.blogspot.com/2021/10/os-muinos-de-redondela-ao-longo-da.html ) Teño catalogados 24 muíños en Reboreda, dous deles xa desaparecidos. (Ver https://anecdotarioredondela.blogspot.com/2020/03/muinos.html )

S. XVII. Fundación do Pazo de Reboreda por García Prego de Montaos.

1674. Deslinde para fixar os lindes aos que “... deberían atenerse los Abades de las parroquias de Viso, Cesantes y Reboreda para el percibo de diezmos...”. Esta sería a orixe do topónimo Poza dos Tres Abades.

1740. Construción do Pazo de Pousadouro, polo Buenaventura Marcó del Pont, empresario de ascendencia catalá. (Ver https://anecdotarioredondela.blogspot.com/2019/02/pazos.html )

1752 Catastro de Ensenada. Reboreda, si ben pertence a Redondela, é cabeza de Partido (circunscrición fiscal). Os lugares Castiñeira e Vilar do Mato sitos en Reboreda pertencen ó Duque de Soutomaior. Os seus límites son: “principiando por el N en el sitio de Eira Pedraza y de allí sigue al Penedo llamado do Toxo, de este al Laxeal, de allí al sitio do Campiño, de allí a la fuente Vaceira, siguiendo a la fuente Bilela, de esta sigue a la fuente do Mouro, de allí al portal de la casa de d. Antonio Gago, de allí sigue una recta al portal de la casa del Conde de San Román, de este a la fuente de Alta Meiga, y de allí al sitio nombrado de Eira Pedraza, primera demarcación”.

1752. Construción da Ermida de Nosa Sra. Da Concepción, que non chegou aos nosos días. O mesmo que a Ermida de San Boaventura. (Ver https://anecdotarioredondela.blogspot.com/2019/01/capelas-desaparecidas.html )

1784, 17 de novembro. Nace Ignacio Manuel María Pereira, Señor da Casa de Reboreda e militar realista. (Ver https://anecdotarioredondela.blogspot.com/2020/04/pereira-ignacio-manuel-maria-reboreda.html )

1786. O Bispo de Santiago de Compostela, Domingo Fernández Angulo, separa de Reboreda a capela de San Martiño de Ventosela xunto cos lugares de O Castiñeiro e Vilar do Mato, creando unha parroquia independente e construíndo unha nova igrexa.

1799. A parroquia de Reboreda ten 400 veciños. Inclúe os anexos de S. Martín de Ventosela e S. Vicente de Soutoxusto.

1809. Guerra da Independencia dos Franceses. (Ver https://anecdotarioredondela.blogspot.com/2020/04/1809-guerra-da-independencia-dos.html )

1812: Abolición do réxime señorial e administración municipal do territorio. Creación dos concellos de Redondela, Cedeira, Reboreda, Saxamonde e Vilavella.

Río Alvedosa, cara a 1934. Foto Saturno Cal

1822: Unificación de Redondela (Cedeira, Reboreda, Saxamonde, Vilanova e Vilavella).

1823: Restauración do réxime señorial. Cedeira, Reboreda, Saxamonde e Vilavella volven a separarse de Redondela.

1835: Abolición dos señoríos xurisdicionais. Cedeira, Reboreda, Saxamonde e Vilavella únense a Redondela definitivamente.

1855, novembro. O Concello crea unha feira en Reboreda o 14 de cada mes. Celebrarase nas inmediacións da igrexa, para a venda de gando e produtos agrícolas e industriais. (Ver https://anecdotarioredondela.blogspot.com/2020/09/edificios-e-espazos-publicos.html )

S. XIX. San Vicente de Soutoxuste, pertencente a Reboreda, pasa a depender do Viso.

1865. O Mariscal Leoncio Rubín de Celis constrúe o Pazo de Torres Agrelo. (Ver https://anecdotarioredondela.blogspot.com/2019/02/pazos.html )

1883, agosto. O presidente da antiga república Emilio Castelar visita en Reboreda a Juan Manuel Pereira. (Ver https://anecdotarioredondela.blogspot.com/2020/04/libro-de-visitas.html )

1890. As rúas Val (Isidoro Queimaliños), Rivero (Reveriano Soutullo) e Alfonso XII atendidas polo cura de Reboreda, conseguen a súa agregación á parroquia de Redondela. (Ver https://anecdotarioredondela.blogspot.com/2021/11/de-cando-varias-ruas-de-redondela-eran.html )

1901, xuño. É aprobado o regulamento da Asociación de Propietarios y Agricultores de Reboreda, Quintela y Ventosela. (Ver https://anecdotarioredondela.blogspot.com/2020/03/sociedades-agrarias.html )

1904. O Bispado fai un arranxo parroquial. As rúas Oriente (actual Telmo Bernárdez) e Eidos pertencentes a Reboreda, agréganse a Redondela. Pasa a pertencer a Vilavella: a rúa de Pasales (actual Juan Manuel Pereira) que tamén pertencía a Reboreda.

1910, xullo. Constitución da Sociedad Agraria de Reboreda “La Redentora”. (Ver https://anecdotarioredondela.blogspot.com/2020/03/sociedades-agrarias.html )

1918. Falece accidentalmente no Pazo de Torres Agrelo o seu propietario, o empresario Concepto López. (Ver https://anecdotarioredondela.blogspot.com/2021/12/concepto-lopez-lorenzo-vigo-18reboreda.html )

1919. Créase a Escola Mixta de Santo Paio de Arriba. (Ver https://anecdotarioredondela.blogspot.com/2020/04/escolas.html )

1921, abril. Unha cornetada en Reboreda acaba a navalladas. (Ver https://anecdotarioredondela.blogspot.com/2020/04/tradicions-e-festas-desaparecidas-ou_5.html )

Anos 20-30. Os bolos celtas son moi populares na parroquia. (Ver https://anecdotarioredondela.blogspot.com/2020/08/deporte-xogos-tradicionais.html )

1925. Fúndase o Apostolado de la Oración. Nesta época a Hermandad de la Santísima Virgen xa costeaba as festas patronais. (Ver https://anecdotarioredondela.blogspot.com/2020/04/confrarias-e-outras-asociacions.html )

1927. Un matrimonio de Reboreda supera os cen anos de idade. (Ver https://anecdotarioredondela.blogspot.com/2020/04/matrimonio-centenario.html )

1932. Primeira referencia dun equipo de fútbol de Reboreda, o Alvedosa. (Ver https://anecdotarioredondela.blogspot.com/2020/07/futbol-equipos.html )

 

1934, 13 de maio. Un corremento de terras corta a estrada con Fornelos provocando unha fochanca de 6 metros de profundidade. (Ver https://anecdotarioredondela.blogspot.com/2020/11/sucesos-1930-1949.html )

1934, 13 de novembro. Toma posesión a primeira concelleira de Redondela, Carolina García Tenreiro, mestra que exercía en Reboreda. (Ver https://anecdotarioredondela.blogspot.com/2020/04/carolina-garcia-tenreiro-primeira.html )

Escola de Reboreda visitando Pontevedra, 1935. Foto: Novás

1935. Inauguración das novas instalacións da Sociedade Agraria de Reboreda “La Redentora”, actual edificio da Sociedade Labrego e Cultural.

1936. Golpe Militar do Xeneral Franco, inicio da Guerra Civil. Varios veciños morren na fronte e nos sucesos posteriores e moitos máis serán detidos ou represaliados. Incautación das sedes e pertenzas das sociedades agrarias de Cedeira, Cesantes, Chapela, Reboreda, Vilar e o Viso, ademais das do Partido Galeguista, Izquierda Republicana e a Casa del Pueblo, que albergaba os locais do Partido Comunista e a Agrupación Socialista. (Ver https://anecdotarioredondela.blogspot.com/2020/12/guerra-civil-e-represion-en-redondela.html )

1942. Primeira referencia de gaiteiros de Reboreda. Actúan nas festas da Asunción e ao ano seguinte na Coca. (Ver https://anecdotarioredondela.blogspot.com/2020/05/musica-e-baile-tradicional-historia.html )

1945. Iníciase a construción do Cemiterio de Reboreda. (Ver https://anecdotarioredondela.blogspot.com/2020/09/edificios-e-espazos-publicos.html )

1946. Fúndase a Peña Xan Carallás, que celebra un xantar anual baixo o Carballo das Cen Pólas. (Ver https://anecdotarioredondela.blogspot.com/2020/04/xan-carallas.html )

Segue en:

(https://anecdotarioredondela.blogspot.com/2022/04/historia-da-parroquia-de-reboreda-2-de-2.html )